ಬಸವೇಶ್ವರ ಪುತ್ಥಳಿಗೆ ಹೈಡ್ರಾಲಿಕ್ ಲಿಫ್ಟ್ ಅಳವಡಿಕೆಗೆ ಆಗ್ರಹ

ಕಲಬುರಗಿ: ವೀರಶೈವ ಮಹಸಭಾ ಬಸವೇಶ್ವರ ಪುತ್ಥಳಿಗೆ ಹೈಡ್ರಾಲಿಕ್ ಲಿಫ್ಟ್ ಅಳವಡಿಸುವಂತೆ ಆಗ್ರಹಿಸಿ ಅಖಿಲ ಭಾರತ ವೀರಶೈವ ಮಹಾಸಭಾ ನಗರ ಯುವ ಘಟಕ ವತಿಯಿಂದ ಇಂದು ಮಹಾನಗರ ಪಾಲಿಕೆ ಎದರು ಪ್ರತಿಭಟನೆ ನಡೆಸಿ ಮನವಿ ಸಲ್ಲಿಸಲ್ಲಿಸಿದರು.

ಬಸವ ಜಯಂತಿ ಸಮೀಪಿಸುತ್ತಿರುವ ಸಂದರ್ಭದಲ್ಲಿ ಬಸವೇಶ್ವರ ಪುತ್ಥಳಿಗೆ ಪೂಜೆ ಸಲ್ಲಿಸಲು ಹಾರ ಹಾಕಲು ಅನುಕೂಲವಾಗುವಂತೆ ಹೈಡ್ರೌಲಿಕ್ ಲಿಫ್ಟ್ ಅಳವಡಿಸಬೇಕೆಂದು ಆಗ್ರಹಿಸಿದ್ದು, ಮೂರು ವರ್ಷಗಳಿಂದ ಆಯುಕ್ತರ ಗಮನಕ್ಕೆ ತಂದಿದ್ದರು ಕೆಲಸ ಮಾಡಿಲ್ಲ ಬಸವ ಜಯಂತಿ ಒಳಗಾಗಿ ಲಿಫ್ಟ್ ಅಳವಡಿಸದಿದ್ದರೆ ಮಹಾನಗರಪಾಲಿಕೆ ಮುತ್ತಿಗೆ ಹಾಕಿ ಉಗ್ರ ಹೋರಾಟ ಮಾಡಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.

ಮಹಾಸಭಾ ಅಧ್ಯಕ್ಷ ಉದಯ್ ಪಾಟೀಲ್, ಕೋಶಾಧ್ಯಕ್ಷ ಚನ್ನಪ ಡಿಗ್ಗಾವಿ, ಜಿಲ್ಲಾ ಯುವ ಘಟಕ ಗೌರವಾಧ್ಯಕ್ಷ ಎಂ.ಎಸ್. ಪಾಟೀಲ್ ನರಿಬೋಳ, ಜಿಲ್ಲಾ ಗ್ರಾಮೀಣ ಅಧ್ಯಕ್ಷ ಡಾಕ್ಟರ್ ಶಂಭುಲಿಂಗ ಪಾಟೀಲ್ ಬಳಬಟ್ಟಿ, ಕಾರ್ಯಕಾರಣಿ ಸದಸ್ಯರಾದ ಭೀಮಶಂಕರ್, ಶರಣಗೌಡ  ಪಾಟೀಲ್, ಕಾರ್ಯದರ್ಶಿ ಶಾಂತರೆಡ್ಡಿ, ಉಪಾಧ್ಯಕ್ಷ ಶಿವರಾಜ್ ಪಾಟೀಲ್, ಪ್ರವೀಣ್ ತೆಗನೂರ, ಶರಣು ಸಜ್ಜನ ಸೋಮ ಪೀರ್ಶೆಟ್ಟಿ, ಅಣವೀರ ಪಾಟೀಲ್, ಮಲ್ಲು ಬರೋಡ, ಡಾಕ್ಟರ್ ರಾಜಶೇಖರ್ ಬಂಡೆ, ಗುರುರಾಜ್ ಅಂಬಾಡಿ, ತಾತಗೌಡ ಪಾಟೀಲ್, ಮಂಜುನಾಥ್ ಅಂಕಲಗಿ, ಲಕ್ಷ್ಮೀಕಾಂತ ಜೋಳದ, ಮಹೇಶ ಕುಸನೂರ, ಗಿರೀಶಗೌಡ ಇನಾಮ್ದಾರ, ವಿಶ್ವನಾಥ ಹುಲಿ ಇನ್ನಿತರರಿದ್ದರು.