ಹೆಣ್ಣು ಎಂತಹ ಕಠಿಣ ಪರಿಸ್ಥಿತಿ ಇದ್ದರೂ ಎದುರಿಸಿ ಯಶಸ್ವಿಯಾಗುತ್ತಾಳೆ. ಜ್ಯೋತಿ ಎಂ.ಮರಗೋಳ

ಕಲಬುರಗಿ: ಹೆಣ್ಣು ಪ್ರಕೃತಿಯ ಅದ್ಭುತ ಕೊಡುಗೆ. ಹೆಣ್ಣಿಲ್ಲದ ಮನೆ ಕಲ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಸಮಾಜದಲ್ಲಿ ಪ್ರತಿಯೊಬ್ಬರ ಸಹಕಾರ, ಪ್ರೀತಿ ಇದ್ದರೆ ಹೆಣ್ಣು ಎಂತಹ ಕಠಿಣ ಪರಿಸ್ಥಿತಿ ಇದ್ದರೂ ಎದುರಿಸಿ ಯಶಸ್ವಿಯಾಗುತ್ತಾಳೆ. ಕುಟುಂಬಲ್ಲಿ ಎಲ್ಲರ ಅರೋಗ್ಯ ಸರಿಯಾಗಿರಬೇಕು ಎಂದು ಬಯಸುವ ಮಹಿಳೆಯರು ತಮ್ಮ ಆರೋಗ್ಯದ ಕುರಿತಾಗಿಯೂ ಕಾಳಜಿ ವಹಿಸಬೇಕು. ಬೀಜ ಮರವಾಗಿ ಫಲಬಿಟ್ಟಂತೆ ಹೋರಾಟದ ಹಾದಿ, ತಾರತಮ್ಯ, ವೇತನ, ಗರ್ಭಿಣಿ, ಬಾಣಂತಿಯರ ಹಕ್ಕಿನ ಹೋರಾಟಗಳಿಮದ, ಸಾಮಾಜಿಕ ಪಾರ್ಟಿಗಳಿಂದ ಫೇಬ್ರುವರಿ ೨೮- ೧೯೦೯ ರಂದು ಪ್ರತಿವರ್ಷ ಮಹಿಳಾ ದಿನವನ್ನಾಗಿ ಕೌರಾ ಜೆಟ್ಟಿನ ಜರ್ಮನ್‌ನಲ್ಲಿ ಸೇರಿ ಅಂತರಾಷ್ಟ್ರೀಯ ಮಹಿಳಾ ಸಮಾವೇಶವನ್ನು ೧೯೧೭ ರಲ್ಲಿ ಸೊವೈಟ್ ರಸಿಯಾದಲ್ಲಿ ಮತದಾನದ ಹಕ್ಕನ್ನು ಪಡೆದರು. ೧೯೭೫ ಯುನೈಟೆಡ್ ನೇಷನ್ ಒಪ್ಪಿಗೆ ನೀಡದ ನಂತರದಿಂದ ವಿಶ್ವದ ಎಲ್ಲೇಡೆ ಮಹಿಳಾ ದಿನಾಚರಣೆಯಲ್ಲಿ ಆರಂಭವಾಯಿತು ಎಂದು ಇಂದಿರಾ ಗಾಂಧಿ ಅಭಿಮಾನಿಗಳ ವೆದಿಕೆಯ ಜಿಲ್ಲಾಧ್ಯಕ್ಷೆ ಜ್ಯೋತಿ ಎಂ.ಮರಗೋಳ ಅವರು ತಿಳಿಸಿದರು.

ನಗರದ ಖಾಸಗಿ ಸಭಾಂಗಣದಲ್ಲಿ ಇಂದಿರಾ ಗಾಂಧಿ ಅಭಿಮಾನಿಗಳ ವೆದಿಕೆ ವತಿಯಿಂದ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮದ ಮಾತನಾಡುತ್ತಾ ಅವರು, ಮಹಿಳೆ ಸಂಬಂಧಿಸಿದಂತೆ ನೂರಾರು ಕೃತಿಗಳನ್ನು ಲೇಖಕಿ ದುರ್ಗಿ ಅವರು ಎರಡು ಕೃತಿಗಳನ್ನು ಬರೆದಿದ್ದಾರೆ. ಅವರು ಬರೆದಿರುವ ಕೃತಿಯಲ್ಲಿ ಜನೀತಕ್ಕೆ ತಾಯಾಗಿ ಹೆತ್ತಳಾ ಮಾಯೆ, ಮೋಹಕ್ಕೆ ಮಗಳಾಗಿ ಹುಟ್ಟಿದಳು ಮಾಯೆ, ಕೂಟಕ್ಕೆ ಸತಿಯಾಗಿ ಕೂಡಿದಳು ಮಾಯೆ, ಇದ್ಯಾವ ಪರಿಯಲ್ಲಿ ಕಾಡಿತ್ತು ಮಾಯೆ, ಈ ಮಾಯೆಯ ಕಳವಡೆ ಎನ್ನಳವಲ್ಲ ನೀವೇ ಬಲ್ಲಿರಿ ಕೂಡಲ ಸಂಗಮದೇವಾ ಎಂಬ ವಾಕ್ಯವನ್ನು ವಿವರಿಸಿದರು.

ಈ ಸಂದರ್ಭದಲ್ಲಿ ಜಗದೇವಿ ನವದಗಿ, ಜೋತಿ ಮಾಳಗೆ, ಸುವರ್ಣ ಚಂದಾಪೂರ, ಬಸಮ್ಮ ಮಾಳಗೆ, ರೂಪಾ ಮಲ್ಲೆದ, ಆರತಿ ಬಂಡಿ, ಭಾಗ್ಯವಂತಿ ಕುಂಬಾರ, ಲತಾದೇವಿ ತುಪ್ಪದ, ಸ್ವಪ್ನಾ ಜಗದೀಶ, ಮಾನಂದಾ ಪದ್ಮಭೂಷಣ, ಸುಮಂಗಲಾ ಖೇಗೆದಾರ, ಸ್ವಪ್ನಾ ಬಸವರಾಜ ಇದ್ದರು.