ಯಾದಗಿರಿಯಲ್ಲಿ ವ್ಯಕ್ತಿಗೆ ಕೊರೊನಾ ಶಂಕೆ?: ಆರೋಗ್ಯಾಧಿಕಾರಿಗಳ ಭೇಟಿ

ಯಾದಗಿರಿ,ಸುರಪುರ: ನಗರದ ರಂಗಂಪೇಟೆಯ ವ್ಯಕ್ತಿಯೊಬ್ಬ ಕಳೆದ ನಾಲ್ಕು ದಿನದ ಹಿಂದೆ ಸೌದಿಯಿಂದ ಆಗಮಿಸಿದ್ದು ಕೊರೊನಾ ವೈರಸ್ ಸೊಂಕಿರುವ ಬಗ್ಗೆ ಶಂಕೆ ವ್ಯಕ್ತವಾಗುತ್ತಿದೆ.

ಈ ಕುರಿತು ತಾಲೂಕು ಆರೋಗ್ಯಾಧಿಕಾರಿ ಡಾ. ಆರ್.ವಿ.ನಾಯಕ ಅವರು ಮಾಹಿತಿ ನೀಡಿ, ಸೌದಿಯಿಂದ ಬಂದಿರುವ ವ್ಯಕ್ತಿಯನ್ನು ಈಗಾಗಲೆ ತಪಾಸಣೆ ನಡೆಸಲಾಗಿದೆ.ಅವರಲ್ಲಿ ಕೊರೊನಾ ಸೊಂಕಿರುವ ಬಗ್ಗೆ ಯಾವುದೆ ಲಕ್ಷಣ ಕಂಡುಬರುತ್ತಿಲ್ಲ.ಈಗಾಗಲೆ ಆ ವ್ಯಕ್ತಿಯನ್ನು ಹೌದರಾಬಾದ್ ಏರ್ಪೊಟಿನಲ್ಲಿ ತಪಾಸಣೆ ನಡೆಸಲಾಗಿದೆ ಯಾವುದೆ ಕೊರೊನಾ ಸೊಂಕಿಲ್ಲವೆಂದು ನೆಗೆಟಿವ್ ರಿಪೋರ್ಟ್ ಬಂದಿದೆ.

ಜನರು ಯಾವುದೆ ಆತಂಕಕ್ಕೆ ಒಳಾಗಗಬೇಕಿಲ್ಲ.ಆದರು ಮುಂಜಾಗ್ರತೆಗಾಗಿ ಆ ವ್ಯಕ್ತಿಯನ್ನು ಭೇಟಿ ಮಾಡಿ ಕೆಲ ದಿನಗಳ ವರೆಗೆ ಪ್ರತ್ಯೇಕ ಕೊಠಡಿಯಲ್ಲಿಯೆ ಇರುವಂತೆ ಮತ್ತು ಹೊರಗಡೆ ಬರದಂತೆ ತಿಳಿಸಲಾಗಿದೆ. ಇನ್ನು ಹೆಚ್ಚಿನ ತಪಾಸಣೆಗಾಗಿ ಕಫ್ ಬೆಂಗಳೂರಿಗೆ ಕಳುಹಿಸಲಾಗುತ್ತಿದೆ. ಅವರ ಮನೆಯಲ್ಲಿ ಎರಡು ಜನರು ಮಾತ್ರ ಇರುತ್ತಿದ್ದು, ಮನೆಯವರಿಗು ಕೂಡ ಜಾಗ್ರತೆ ವಹಿಸಲು ತಿಳಿಸಲಾಗಿದೆ.

ಬೆಂಗಳೂರಿನಿಂದ ವರದಿ ಬಂದ ನಂತರ ನಿಖರವಾದ ಮಾಹಿತಿ ನೀಡಲಾಗುವುದೆಂದು ತಿಳಿಸಿದ್ದಾರೆ.