ವಾಲ್ಮೀಕಿ ನಾಯಕ ಸಂಘದಿಂದ ದೇವರಗೋನಾಲದಲ್ಲಿ ಕೊರೊನಾ ಜಾಗೃತಿ ಕಾರ್ಯಕ್ರಮ

ಸುರಪುರ: ಶ್ರೀ ಮಹರ್ಷಿ ವಾಲ್ಮೀಕಿ ನಾಯಕ ಸಂಘದ ತಾಲೂಕು ಘಟಕದಿಂದ ತಾಲೂಕಿನ ದೇವರಗೋನಾಲ ಗ್ರಾಮದಲ್ಲಿ ಕೊರೊನಾ ಜಾಗೃತಿ ಕುರಿತು ಕಾರ್ಯಕ್ರಮ ನಡೆಸಿ ಸಾರ್ವಜನಿಕರಿಗೆ ಮಾಸ್ಕ್‌ಗಳನ್ನು ವಿತರಿಸಲಾಯಿತು.

ಈ ಸಂದರ್ಭದಲ್ಲಿ ಭಾಗವಹಿಸಿದ್ದ ಸಂಘದ ತಾಲೂಕು ಪ್ರಧಾನ ಕಾರ್ಯದರ್ಶಿ ವೆಂಕಟೇಶ ಬೇಟೆಗಾರ ಮಾತನಾಡಿ,ಕೊರೊನಾ ಎನ್ನುವುದು ಸಾಂಕ್ರಾಮಿಕ ರೋಗವಾಗಿದ್ದು,ಇದು ವ್ಯಕ್ತಿಯಿಂದ ವ್ಯಕ್ತಿಗೆ ಹರಡುತ್ತದೆ.ಆದರೆ ಇದರ ಬಗ್ಗೆ ಒಂದಿಷ್ಟು ಮುಂಜಾಗ್ರತೆ ವಹಿಸಿದರೆ ಈ ಕಾಯಿಲೆ ಹರಡುವುದನ್ನು ತಡೆಯಬಹುದಾಗಿದೆ.ಜನರು ವಿನಾಕಾರಣ ಇದಕ್ಕೆ ಭಯಪಡುವ ಬದಲು ದಿನದಲ್ಲಿ ಗಂಟೆಗೊಮ್ಮೆ ಸಾಬೂನಿನಿಂದ ಕೈತೊಳೆಯುವುದು,ಮುಖಕ್ಕೆ ಮಾಸ್ಕ್ ಧರಿಸುವುದು,ಕೊರೊನಾ ಸೊಂಕಿತರಿಂದ ದೂರ ಇರುವುದು,ಕೆಮ್ಮು ನೆಗಡಿ ಜ್ವರ ಬಂದರೆ ತಕ್ಷಣ ಸರಕಾರಿ ಆಸ್ಪತ್ರೆಗೆ ಭೇಟಿ ನೀಡುವುದರಿಂದ ಕೊರೊನಾ ತಡೆಯಬಹುದಾಗಿದೆ.ಇದು ಬಿಟ್ಟು ಸುಮ್ಮನೆ ಭಯಪಡುವ ಅವಶ್ಯವಿಲ್ಲ ಎಂದರು.

ಇದೇ ಸಂದರ್ಭದಲ್ಲಿ ನಿರಂತರಾಗಿ ಕೊರೊನಾ ಜಾಗೃತಿಗಾಗಿ ಸೇವೆ ಮಾಡುತ್ತಿರುವ ಗ್ರಾಮ ಪಂಚಾಯತಿ ಅಭಿವೃಧ್ಧಿ ಅಧಿಕಾರಿ ಸರಸ್ವತಿ ಪತ್ತಾರ,ಆರೋಗ್ಯ ಇಲಾಖೆಯ ರೂಪಾ,ಸವಿತಾ,ರಾಜಾಬೀ ಆಶಾ ಕಾರ್ಯಕರ್ತೆಯರಾದ ಶಾಂತಾ, ರೇಣುಕಾ,ನಾಜುಮಿಯಾ ಹಾಗು ಎಲ್ಲಾ ಸಿಬ್ಬಂದಿಗಳನ್ನು ಸನ್ಮಾನಿಸಿ ಗೌರವಿಸಲಾಯಿತು.ನಂತರ ಸಾರ್ವಜನಿಕರಿಗೆ ಉಚಿತವಾಗಿ ಮಾಸ್ಕ್‌ಗಳನ್ನು ವಿತರಿಸಲಾಯಿತು. ಪಿಹೆಚ್‌ಸಿ ವೈದ್ಯಾಧಿಕಾರಿ ಅಮರೇಶ ಸಾಹುಕಾರ ಅಧ್ಯಕ್ಷತೆ ವಹಿಸಿದ್ದರು.

ಕಾರ್ಯಕ್ರಮದಲ್ಲಿ ಹಣಮಂತ್ರಾಯಗೌಡ,ದೇವಿಂದ್ರಪ್ಪಗೌಡ ಮಾಲಿ ಪಾಟೀಲ,ದೇವಿಂದ್ರಪ್ಪ ಚಿಕ್ಕನಳ್ಳಿ,ಸಂಘದ ತಾಲೂಕು ಅಧ್ಯಕ್ಷ ಗಂಗಾಧರ ನಾಯಕ ತಿಂಥಣಿ,ಕಾರ್ಯಾಧ್ಯಕ್ಷ ರಮೇಶ ದೊರೆ ಆಲ್ದಾಳ,ಸಣ್ಣ ದೇಸಾಯಿ ದೇವರಗೋನಾಲ,ಶಿವರಾಯ ಕಾಡ್ಲೂರ,ಶಿವಮೋನಯ್ಯ ನಾಯಕ,ಮಾರ್ಥಾಂಡಪ್ಪ ದೊರೆ,ಶರಣಗೌಡ ಪಾಟೀಲ ಬಂಡೋಳಿ ವೇದಿಕೆ ಮೇಲಿದ್ದರು.ಶಿಕ್ಷಕ ಭಿಮರಾಯ ಮಲ್ಲಾಪುರ ನಿರೂಪಿಸಿದರು,ಉದಯಕುಮಾರ ನಾಯಕ ವಂದಿಸಿದರು.