ಕಾರ್ಮಿಕರಿಗೆ ಬಯಸಿದ ಸ್ಥಳಕ್ಕೆ ತಲುಪಿಸಲು ಜಿಲ್ಲಾ ಗುತ್ತಿಗೆದಾರರಲ್ಲಿ ಶೇಗಜಿ ಮನವಿ

ಕಲಬುರಗಿ: ಜಿಲ್ಲೆಯ ಎಲ್ಲಾ ಲೋಕೊಪಯೋಗಿ ಇಲಾಖೆಯ ಗುತ್ತಿಗೆದಾರರು ನಿಮ್ಮ ಅಧಿನದಲ್ಲಿ ಕೆಲಸ ಮಾಡುತ್ತಿರುವ ವೃತ್ತಿನಿರತ ಕಾರ್ಮಿಕರು ಮತ್ತು ಇತರ ಇಲಾಖೆಯಲ್ಲಿ ಖಾಸಗಿ ಹಾಗೂ ಸರ್ಕಾರಿ ಕೆಲಸಗಳು ಮಾಡುತ್ತಿರುವ ಕಾರ್ಮಿಕರಿಗೆ ಅವರು ತೊಂದರೆಯಲ್ಲಿದ್ದರೆ ಅವರು ಇಛೆ ಬಯಸಿದ ಸ್ಥಳಗಳಿಗೆ ಹಾಗೂ ಆಸ್ಪತ್ರೆಗಳಿಗೆ ತಲುಪಿಸಲು ಮುಂದಾಗಬೇಕು ಎಂದು ಕಲಬುರಗಿ ಜಿಲ್ಲಾ ಕಾಂಟ್ರಾಕ್ಟರ‍್ಸ್ ಅಸೋಸಿಯೇಷನ್‌ನ ಅಧ್ಯಕ್ಷ ಜಗನ್ನಾಥ ಜಿ. ಶೇಗಜಿ ಹಾಗೂ ಪ್ರಧಾನ ಕಾರ್ಯದರ್ಶಿ ಸಂಜಯ ಆರ್.ಕೆ ಅವರು ಜಂಟಿಯಾಗಿ ಜಿಲ್ಲೆಯ ಗುತ್ತಿಗೆದಾರರಲ್ಲಿ ಮನವಿ ಮಾಡಿದ್ದಾರೆ.

ಗುತ್ತಿಗೆದಾರರು ತಮ್ಮ ಸ್ವಂತ ವಾಹಗಳಿಂದ ಆ ಕಾರ್ಮಿಕರ ಕೈಯಿಂದ ಯಾವುದೇ ಖರ್ಜು ಪಡೆಯದೆ ಅವರು ಹೇಳಿದ ಸ್ಥಳಗಳಿಗೆ ಬಿಡಬೇಕು. ಅವರು ಗುತ್ತಿಗೆದಾರರ ಪಾಲಿಗೆ ಭಾಗ್ಯದ ಲಕ್ಷ್ಮಿ ಇದ್ದ ಹಾಗೆ ಆದಕಾರಣ ಇಂತಹ ಕಷ್ಟ ಕಾಲದಲ್ಲಿ ಅವರಿಗೆ ನೆರವು ಮಾಡುವುದು ಆಧ್ಯ ಕರ್ತವ್ಯವಾಗಿದೆ. ತಮಗೆ ಯಾವುದೇ ಕಾರ್ಮಿಕರು ತೊದರೆಯಲ್ಲಿದ್ದರೆ ಅವರ ಸೇವೆಗೆ ನಾವುಗಳು ಮುಂದಾಗಬೇಕು ಎಂದರು.

ಈ ಸೇವೆಯನ್ನು ಸಲ್ಲಿಸುತ್ತಿರುವಾಗ ಪೋಲಿಸ್‌ರಿಂದ ಹಾಗೂ ತಾಲೂಕ ಆಡಳಿತ ಮಂಡಳಿಯಿಂದ ತೊಂದರೆ ಆದರೆ ನಿಮ್ಮ ವಾಹನ ಚಾಲಕನ ಹತ್ತಿರ ನಿಮ್ಮ ಗುತ್ತಿಗೆದಾರರ ಲೈಸನ್ಸ್ ಪ್ರತಿಯನ್ನು ಇಡಬೇಕು. ಈ ನಮ್ಮ ಮನವಿಯನ್ನು ಜಿಲ್ಲಾಧಿಕಾರಿ ಹಾಗೂ ಸಂಬಂಧ ಪಟ್ಟ ಅಧಿಕಾರಿಗಳಿಗೆ ಮನವಿಯ ಹಾಗೂ ಸೂಚನೆಯನ್ನು ಕೊಡಬೇಕು ಎಂದು ಗುತ್ತಿಗೆದಾರರಿಗೆ ತಿಳಿಸಿದರು.

ನಮ್ಮ ಗುತ್ತಿಗೆದಾರರ ಸಂಘದ ಹೆಸರು ಹಾಗೂ ಪದಾಧಿಕಾರಿಗಳ ಮತ್ತು ಗುತ್ತಿಗೆದಾರರ ಮೋಬೈಲ್ ಸಂಖ್ಯೆಗಳನ್ನು ಜಿಲ್ಲಾಧಿಕಾಯವರ ಕಛೇರಿಗೆ ಸಲ್ಲಿಸಿರುತ್ತೇವೆ ಎಂದು ಹೇಳಿದರು.