ಕೊರೋನಾ; ರೈತ ಸಂಘ ಹಸಿರು ಸೇನೆ, ಬಣಜಿಗರ ಕ್ಷೇಮಾಭಿವೃದ್ಧಿ ಸಂಘದಿಂದ ಆಹಾರ ವಿತರಣೆ

ಯಾದಗಿರಿ: ಕರ್ನಾಟಕ ರಾಜ್ಯ ರೈತ ಸಂಘ ಹಸಿರು ಸೇನೆ ಜಿಲ್ಲಾ ಘಟಕ ಹಾಗೂ ಬಣಜಿಗರ ಕ್ಷೇಮಾಭಿವೃದ್ಧಿ ಸುರಪೂರ ತಾಲ್ಲೂಕು ಸಮಿತಿ ಸಂಘದ ಸಂಯುಕ್ತಾಶ್ರಯದಲ್ಲಿ ಜಿಲ್ಲೆಯಲ್ಲಿ ಸತತ ಮೂರನೇ ದಿನವಾದ ಶನಿವಾರ ನಿರಾಶ್ರಿತರಿಗೆ ಆಹಾರ ವಿತರಣೆ ಮಾಡಲಾಯಿತು.

ರೈತ ಸಂಘದ ಜಿಲ್ಲಾ ಕಾರ್ಯಾಧ್ಯಕ್ಷ ದೇವಿಂದ್ರಪ್ಪಗೌಡ ಪೊಲೀಸ್ ಪಾಟೀಲ್ ನೇತೃತ್ವದಲ್ಲಿ ಗುರುವಾರ ಶುಕ್ರವಾರ ಹಾಗೂ ಶನಿವಾರ ಅನುಕ್ರಮವಾಗಿ ಸುರಪೂರ, ಶಹಾಪೂರ ಹಾಗೂ ಇಂದು ಯಾದಗಿರಿ ತಾಲ್ಲೂಕುಗಳಲ್ಲಿ ಆಹಾರ ವಿತರಿಸಲಾಯಿತು.

ನಗರದ ಹೊಸಳ್ಳಿ ಕ್ರಾಸ್ ಬಳಿಯ ಅಲೆಮಾರಿ ಶಿಳ್ಳೆಕ್ಯಾತರ ಜನಾಂಗದ ಪ್ರದೇಶದಲ್ಲಿನ ಜನತೆಗೆ ಆಹಾರದ ಪೊಟ್ಟಣಗಳನ್ನು ವಿತರಿಸಿದರು.

ಅಂತಾರಾಷ್ಟ್ರೀಯ ಹಾಸ್ಯ ಕಲಾವಿದ ಬಸವರಾಜ ಮಹಾಮನಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಬಣಜಿಗ ಕ್ಷೇಮಾಭಿವೃದ್ದಿ ಸಂಘದ ಜಿಲ್ಲಾ ಉಪಾದ್ಯಕ್ಷ ಇಂದುಧರ ಸಿನ್ನೂರ, ಸುರಪೂರ ತಾಲ್ಲೂಕು ಅಧ್ಯಕ್ಷ ಅಂಬರಿಷ ದೇಸಾಯಿ, ಮುಖಂಡರಾದ ಸುಗೂರೇಶ ವಾರದ, ಶಿವುಗೌಡ ಸುಗೂರ, ನಾಗಭೂಷಣ ಯಾಳಗಿ, ಶರಣಬಸವ ಅರಕೇರಿ, ರವಿ ದೇವಾಪೂರ, ರೈತ ಸಂಘದ ಜಿಲ್ಲಾಧ್ಯಕ್ಷ ಶರಣು ಮಂದರವಾಡ, ಮುಖಂಡ ಮಲ್ಕಣ್ಣ ಚಿಂತಿ ಇನ್ನಿತರರು ಇದ್ದರು.