ಬಸವ ಜಯಂತಿ, ರಂಜಾನ್ ಪ್ರಾರ್ಥನೆ ಮನೆಯಲ್ಲೇ ಆಚರಿಸಿ: ಸಿಪಿಐ ಪಂಚಾಕ್ಷರಿ

ವಾಡಿ:ಬಸವ ಜಯಂತಿ ಹಾಗೂ ರಂಜಾನ್ ಹಬ್ಬವನ್ನು ಲಾಕ್ ಡೌನ್ ನಿಯಮ ಪಾಲಿಸಿ ಸರಳವಾಗಿ ಆಚರಿಸುವಂತೆ ಚಿತ್ತಾಪುರ ‌ಸಿಪಿಐ ಪಂಚಾಕ್ಷರಿ ಸಾಲಿಮಠ ತಿಳಿಸಿದರು.

ರಂಜಾನ್ ಹಬ್ಬ ಹಾಗೂ ಬಸವ ಜಯಂತಿ‌ ಪ್ರಯುಕ್ತ ವಾಡಿ‌ ಪೋಲಿಸ್ ಠಾಣೆಯಲ್ಲಿ ಕರೆಯಲಾಗಿದ್ದ ಶಾಂತಿ‌ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಅವರು, ಕೋರೊನಾ ಹಿನ್ನೆಲೆ ದೇಶದಾದ್ಯಂತ ಲಾಕ್ ಡೌನ್ ಘೋಷಿಸಲಾಗಿದ್ದು. ಈ ಬಾರಿಯ ರಂಜಾನ್ ಹಾಗೂ ವಿಶ್ವಗುರು ಬಸವಣ್ಣನವರ ಜಯಂತಿಯನ್ನು ಸಾಮಾಜೀಕ ಅಂತರ ಕಾಯ್ದುಕೊಂಡು ಸರಳವಾಗಿ ಆಚರಿಸುವ ಮೂಲಕ ಲಾಕ್ ಡೌನ್ ಆದೇಶವನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಸೂಚಿಸಿದರು. ಒಂದು ವೇಳೆ ನಿಯಮ ಉಲ್ಲಂಘಿಸಿ ಆಚರಣೆಗೆ ಮುಂದಾದರೆ ಅಂತವ ವಿರುದ್ದ ನಿರ್ದಾಕ್ಷಿಣ್ಯವಾಗಿ‌ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಎಚ್ಚರಿಕ್ಕೆ ನೀಡಿದರು.

ಕೋರೋನಾ ಕಪ್ರ್ಯೂ ಹಿನ್ನೆಲೆ ಈ ಬಾರಿಯ ರಂಜಾನ್ ಉಪವಾಸ ಪ್ರಾರ್ಥನೆಯನ್ನು ಮನೆಯಲ್ಲಿ ಆಚರಿಸಿ. ಯಾವುದೆ ಕಾರಣಕ್ಕೂ ಮಸೀದಿಗಳಲ್ಲಿ ಗುಂಪು ಸೇರಿ ಪ್ರಾರ್ಥನೆ ಮಾಡುವುದು ಉಪವಾಸ್ ಬಿಡುವುದು ಮಾಡದೆ ಸರಳವಾಗಿ ನಿಷೇಧಾಜ್ಞೆ ಉಲ್ಲಂಘನೆ ಮಾಡದೆಂತೆ ಸರ್ಕಾರದ ಆದೇಶ ಪಾಲಿಸಿ ಹಬ್ಬ ಆಚರಿಸುವ ಮೂಲಕ ಕೋರೋನಾ ಹೊಡೆದೊಡಿಸಲು ಸಹಾಕರಿಸುವಂತೆ ಮನವಿ‌ ಮಾಡಿದರು.

ವಾಡಿ ಅಪರಾಧ ವಿಭಾಗ ಪಿಎಸ್ಐ ದಿವ್ಯ ಮಾಹದೇವ, ಮುಖಂಡರಾದ ಮಹಮೂದ್ ಸಾಹೇಬ್, ಫಿರೋಜ್ ಖಾನ್, ವೀರಣ್ಣ ಯಾರಿ, ಬಾಬು ಮಿಯಾ, ಮೊಹಮ್ಮದ್ ಗೌಸ್, ಅಶೋಕ್ ಸೂರ್ಯವಂಶಿ, ಶರಣಗೌಡ ಚಾಮನೂರ್, ಸಿದ್ದು ಪಂಚಾಳ, ಸುಧಾಕರ ಗಾಯಕವಾಡ, ಶರಣು ನಾಟೇಕರ್, ಶಮ್ಶೀರ್ ಅಹ್ಮದ್, ರವಿಕುಮಾರ ಸಿಂಗೆ, ಜಹೂರ್ ಖಾನ್, ಶರಣಪ್ಪ ವಾಡೇಕರ್, ಪೋಲಿಸ್ ಸಿಬ್ಬಂದಿಗಳಾದ ದತ್ತಾತ್ರೇಯ ಜಾನೆ, ದೊಡ್ಡಪ್ಪ, ಶಬ್ಬಿರ್ ಸೇರಿದಂತೆ ಇತರರು ಇದ್ದರು.