ಭಾಷಣ ಸಾಕು ನಿರುದ್ಯೋಗಿ ಭತ್ಯೆ ಬೇಕು: ಸೋಫಿಸಾಬ ಕನ್ಯಾಕೋಳೂರು

ಶಹಾಪುರ: ಭಾಷಣ ಸಾಕು ನಿರುದ್ಯೋಗಿ ಭತ್ಯೆ ಬೇಕು ಎಂಬ ಘೋಷ ವಾಕ್ಯದಲ್ಲಿ ರಾಜ್ಯದಲ್ಲಿ ಇರುವ ಎಲ್ಲ ನಿರುದ್ಯೋಗಿಗಳಿಗೆ ನಿರುದ್ಯೋಗಿ ಭತ್ತ ನೀಡಿ ಆರ್ಥಿಕ ಭದ್ರತೆ ಒದಗಿಸಬೇಕು ಎಂದು ಸ್ನಾತಕೋತ್ತರ ಪದವೀಧರ ಸೂಫಿ ಸಾಬ್ ಕನ್ಯಾಕೋಳೂರು ಅವರು ಪ್ರಧಾನಮಂತ್ರಿ ನರೇಂದ್ರ ಮೋದಿಯವರಿಗೆ ಆಗ್ರಹಿಸಿದರು.

ಭಾರತದಾದ್ಯಂತ ಲಾಕ್ ಡೌನ್ ಇರುವ ಹಿನ್ನೆಲೆಯಲ್ಲಿ ಇಂದು ತಮ್ಮ ಸ್ವಂತ ಮನೆಯ ಮುಂದೆ ಭಾಷಣ ಸಾಕು ನಿರುದ್ಯೋಗ ಭತ್ಯೆ ಬೇಕು ಎಂದು ವಿಶೇಷವಾಗಿ ಪ್ರತಿಭಟನೆ ಮಾಡಿದರು. ನಾನು ಎಂ.ಎ ಎಂ.ಫಿಲ್ ಪದವೀಧರ ನಮ್ಮಂಥ ಅದೆಷ್ಟು ನಿರುದ್ಯೋಗಿಗಳಿಗೆ ತುಂಬಾ ತೊಂದರೆಯಾಗುತ್ತಿದೆ ಸರಕಾರ ನಮ್ಮಂತಹ ಪ್ರತಿಭಾವಂತ ನಿರುದ್ಯೋಗಿಗಳಿಗೆ ಆಸರೆಯಾಗಬೇಕೆಂದು ಈ ಮೂಲಕ ರಾಜ್ಯ ಸರಕಾರಕ್ಕೆ ಆಗ್ರಹಿಸಿದರು.

ಕೇಂದ್ರ ಹಾಗೂ ರಾಜ್ಯ ಸರ್ಕಾರ ನಿರುದ್ಯೋಗಿಗಳಿಗೆ ಉದ್ಯೋಗ ಅವಕಾಶಗಳನ್ನು ಹೆಚ್ಚೆಚ್ಚು ಸೃಷ್ಟಿಸುವ ಗಂಭೀರವಾದ ಚಿಂತನೆ ಮಾಡುತ್ತಿಲ್ಲ ದೇಶದ ಜ್ವಲಂತ ಸಮಸ್ಯೆಗಳು ಬಗೆಹರಿಸುವುದನ್ನು ಬಿಟ್ಟು ಸಾರ್ವಜನಿಕರ ಗಮನ ಬೇರೆಡೆ ಸೆಳೆಯುವ ಕುತಂತ್ರ ನಡೆಯುತ್ತಿದೆ ಕೋಮು ವಿಷ ಬೀಜ ಬಿತ್ತಲಾಗುತ್ತಿದೆ ಇದು ದೇಶದ ಒಳ್ಳೆಯ ಬೆಳವಣಿಗೆ ಅಲ್ಲವೇ ಅಲ್ಲ ಎಂದು ತುಂಬಾ ನೋವಿನಿಂದ ಹೇಳಿದರು.