ಆರೋಪಗಳು ಸತ್ಯಕ್ಕೆ ದೂರವಾಗಿವೆ: ರಾಜು ಚೌದ್ರಿ

ಚಿತ್ತಾಪುರ: ತಾಲೂಕಿನ ಬಾಗೋಡಿ ಗ್ರಾಮ ಪಂಚಾಯಿತಿಯಲ್ಲಿ ಯಾವುದೇ ರೀತಿಯ ಅವ್ಯವಹಾರ ನಡೆದಿಲ್ಲ , ನಮ್ಮ ಹೆಸರಿಗೆ ಧಕ್ಕೆ ತರುವಂತಹ ಕೆಲಸ ಮಾಡುತ್ತಿದ್ದಾರೆ ಅವರು ಮಾಡಿದ ಆರೋಪಗಳು ಸತ್ಯಕ್ಕೆ ದೂರವಾಗಿದೆ ಎಂದು ಗ್ರಾಮ ಪಂಚಾಯತ್ ಅಧ್ಯಕ್ಷರ ಸುಪುತ್ರ ರಾಜು ಚೌದ್ರಿ ಸ್ಪಷ್ಟನೆ ನೀಡಿದ್ದಾರೆ.

ಪಟ್ಟಣದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು ಗ್ರಾಮ ಪಂಚಾಯಿತಿಯಲ್ಲಿ 33 ಲಕ್ಷ ರೂ, ಅವ್ಯವಹಾರ ನಡೆದಿದೆ ಎನ್ನುವ ಆರೋಪ ಸಂಪೂರ್ಣ ಸುಳ್ಳಾಗಿದ್ದು ಇದರಲ್ಲಿ ಯಾವುದೇ ನಿಜಾಂಶವಿಲ್ಲ .ಯಾವುದೇ ಕಾಮಗಾರಿ ಮಾಡುವ ಮುನ್ನ ಕ್ರಿಯಾಯೋಜನೆ ಸಿದ್ಧಪಡಿಸಿ ಸಾಮಾನ್ಯ ಸಭೆಯಲ್ಲಿ ಅನುಮೋದನೆ ಪಡೆದು ಸಂಬಂಧಿಸಿದ ಅಧಿಕಾರಿಗಳ ಹಸ್ತಾಕ್ಷರ ಪಡೆದ ನಂತರ ಕಾಮಗಾರಿ ಮಾಡಲಾಗುವುದು ನಂತರ ಅದಕ್ಕೆ ಮೀಸಲಿಟ್ಟ ಅನುದಾನ ಬಿಡುಗಡೆಯಾಗಲಿದೆ ಹೀಗಿರುವಾಗ ಅವ್ಯವಹಾರ ನಡೆಯಲು ಹೇಗೆ ಸಾಧ್ಯ ಎಂದರು.

ಗ್ರಾಮ ಪಂಚಾಯತ್ ಕಚೇರಿಯಲ್ಲಿನ ಅನಿವಾರ್ಯವಾಗಿ ಸಿಸಿ ಕ್ಯಾಮೆರಾ ತೆಗೆದು ಅಂಬೇಡ್ಕರ್ ವೃತ್ತದಲ್ಲಿ ಸಿಸಿ ಕ್ಯಾಮೆರಾ ಅಳವಡಿಸಲಾಗಿದೆ, ಹೀಗಾಗಿ ಶಿಫ್ಟಿಂಗ್ ಚಾರ್ಜ್ ಗಾಗಿ ರೂ, 49 ಸಾವಿರ ಖರ್ಚು ಮಾಡಲಾಗಿದೆ. ಇದು ಸಂಬಂಧಪಟ್ಟ ಅಧಿಕಾರಿಗಳ ಗಮನಕ್ಕೆ ತಂದು ಮಾಡಲಾಗಿದೆ
ಅಷ್ಟೇ ಅಲ್ಲದೆ ಚರಂಡಿ, ಸಿಸಿ ರಸ್ತೆ, ಮತ್ತು ಇತರ ಕಾಮಗಾರಿಗಳು ಮುಗಿದ ಮೇಲೆ ಹಣ ನೀಡಲಾಗಿದೆ ಇದು ಅವ್ಯವಹಾರನಾ ಎಂದು ಪ್ರಶ್ನಿಸಿದರು.

ಇಲ್ಲಿವರೆಗೆ ಐದು ವರ್ಷದಲ್ಲಿ ಉತ್ತಮ ಕಾರ್ಯ ಕೆಲಸಗಳು ಮಾಡಲಾಗಿದೆ ಈಗ ಅವಧಿ ಮುಗಿಯುವ ಸಂದರ್ಭದಲ್ಲಿ ಸುಳ್ಳು ಆರೋಪ ಮಾಡುತ್ತಿದ್ದಾರೆ. ಒಂದು ವೇಳೆ ಅವ್ಯವಹಾರ ನಡೆದಿದ್ದು ನಿಜಾನೆ ಇದ್ದರೆ ತನಿಖೆಗೂ ಸಿದ್ಧ ಎಂದರು.

ಈ ವೇಳೆಯಲ್ಲಿ ಭಾಗೋಡಿ ಗ್ರಾಮ ಪಂಚಾಯತ್ ಸದಸ್ಯರಾದ ದೇವಿಂದ್ರ ನಾಟಿಕರ್, ಶಿವಕುಮಾರ್ ಕಲಬುರ್ಗಿ, ಮುಡಬೂಳ ಗ್ರಾಮ ಪಂಚಾಯತ್ ಸದಸ್ಯರಾದ ತಿಪ್ಪಣ್ಣ ಅಪ್ಪಾಜಿ, ಅಣ್ಣಾರಾವ್ ಮ್ಯಾಗೇರಿ, ಮಲ್ಲಿಕಾರ್ಜುನ್ ಕುದುರಿ ಬಾಗೋಡಿ, ದೇವಪ್ಪ ಡೋಣಗಾಂವ್, ಸೇರಿದಂತೆ ಇತರರಿದ್ದರು.