ಸುರಪುರ: ತಹಸೀಲ್ ಕಚೇರಿಯಲ್ಲಿ ಕೊರೊನಾ ಟಾಸ್ಕ್ ಫೋರ್ಸ್ ಸಭೆ

ಸುರಪುರ: ಹೊರ ರಾಜ್ಯದಲ್ಲಿ ಹೊಟ್ಟೆಪಾಡಿಗಾಗಿ ದುಡಿಯಲು ತೆರಳಿದ ತಾಲೂಕಿನ ಜನತೆಯನ್ನು ಮರಳಿ ತಾಲೂಕಿಗೆ ಕರೆತರಲು ಸರ್ಕಾರ ನಿರ್ಧರಿಸಿದ್ದು ಕಾರಣ ಅವರು ನಮ್ಮ ತಾಲೂಕಿಗೆ ಬರುವ ಮುಂಚೆಯ ಅವರ ಆರೋಗ್ಯ ದೃಷ್ಠಿ ಮತ್ತು ತಾಲೂಕನ್ನು ಹಸಿರು ವಲಯದಲ್ಲಿ ಇರಿಸಲು ಎಲ್ಲಾ ರೀತಿಯಿಂದಾಗಿ ಸನ್ನದ್ಧರಾಗಬೇಕು ಎಂದು ತಹಶಿಲ್ದಾರ ನಿಂಗಣ್ಣ ಬಿರಾದರ್ ತಿಳಿಸಿದರು.

ತಹಶಿಲ್ದಾರ ಚೇರಿ ಸಭಾಂಗಣದಲ್ಲಿ ನಡೆದ ಕರೊನಾ ಟಾಸ್ಕ ಫೊರ್ಸ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು ಈಗಾಗಲೆ ಸರ್ಕಾರವು ನೀಡಿರುವ ಮಾರ್ಗಸೂಚಿಯಂತೆ ಎಲ್ಲ ಅಗತ್ಯ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ ಅದರಂತೆ ಈಗ ಹೊರರಾಜ್ಯದಲ್ಲಿ ನಮ್ಮ ತಾಲೂಕಿನವರು ಎಷ್ಟು ಜನರಿದ್ದಾರೆ ಎನ್ನುವುದು ನಿಖರ ಮಾಹಿತಿ ಇಲ್ಲ ಆದರೂಕೂಡಾ ನಮ್ಮ ಜನರ ರಕ್ಷಣೆಗೆ ಬೇಕಾಗುವ ಕ್ವಾರಂಟೈನ್ ವಾರ್ಡ ಮತ್ತು ಆರೋಗ್ಯ ತಪಾಸಣೆಗೆ ಬೇಕಾಗುವ ಎಲ್ಲಾ ಅಗತ್ಯ ಕ್ರಮವನ್ನು ವಹಿಸಲಾಗಿದೆ. ಹಾಗೆ ನಗರದ ಪಾಲಿಟ್ಕೆಕ್ನಿಕ್ ಕಾಲೇಜನ್ನು ಕ್ವಾರಂಟೈನ್ ಸೆಂಟರ್ ಆಗಿ ಮಾಡಲಾಗಿದೆ ಅದರಲ್ಲಿ ಸುಮಾರು 200 ರಿಂದ 300 ಜನರು ಇರಬಹುದು ಸುಜ್ಜಿತವಾದ ಕಟ್ಟಡ ಹಾಗೂ ಎಲ್ಲಾ ವ್ಯವಸ್ಥೆಯನ್ನು ಈಗಾಗಲೆ ಮಾಡಲಾಗಿದೆ ಎಂದು ತಿಳಿಸಿದರು.

ಸಭೆಯಲ್ಲಿ ಉಪ ತಹಶಿಲ್ದಾರ ಸುಫಿಯಾ ಸುಲ್ತಾನ, ತಾಪಂ ಇಒ ಅಂಬ್ರೇಶ್, ವೈದ್ಯಾಧಿಕಾರಿ ಡಾ.ಆರ್.ವಿ.ನಾಯಕ, ಪಿಐ ಎಸ್.ಎಮ್.ಪಾಟೀಲ್, ಪೌರಾಯುಕ್ತ ಜೀವನ ಕುಮಾರ ಸೇರಿದಂತೆ ಇತರರಿದ್ದರು.