ಶಾಸಕ ಮತ್ತಿಮುಡ ಅವರಿಂದ ರಸ್ತೆ ಕಾಮಗಾರಿ ವೀಕ್ಷಣೆ

ಶಹಾಬಾದ: ನಗರದ ಲಕ್ಷ್ಮೀ ಗಂಜ ಪ್ರದೇಶದಲ್ಲಿ ನಿರ್ಮಾಣವಾಗುತ್ತಿರುವ ಸಿಸಿ ರಸ್ತೆ ಹಾಗೂ ಚರಂಡಿ ಕಾಮಗಾರಿಯನ್ನು ಕಲಬುರಗಿ ಗ್ರಾಮೀಣ ಶಾಸಕ ಬಸವರಾಜ ಮತ್ತಿಮಡು ಪರಿಶೀಲನೆ ನಡೆಸಿದರು.

ಲೋಕೋಪಯೋಗಿ ಇಲಾಖೆಯ 60 ಲಕ್ಷ ರೂ. ವೆಚ್ಚದಲ್ಲಿ ಅನುದಾನದಲ್ಲಿ 300 ಮೀ.ಸಿಸಿ ರಸ್ತೆ, 1 ಕಿ.ಮೀ ಚರಂಡಿ ನಿರ್ಮಾಣವಾಗುತ್ತಿದ್ದು, ಕಾಮಗಾರಿ ವೀಕ್ಷಿಸಿದ ಶಾಸಕರು ನಿಗದಿತ ಸಮಯದಲ್ಲಿ, ಗುಣಮಟ್ಟದ ರಸ್ತೆ ನಿರ್ಮಿಸಬೇಕೆಂದು ತಾಕೀತು ಮಾಡಿದರು.

ಒಂದು ವೇಳೆ ಕಳಪೆ ಕಾಮಗಾರಿ ನಡೆದರೆ ಗುತ್ತಿಗೆದಾರರ ವಿರುದ್ಧ ಮುಲಾಜಿಲ್ಲದೇ ಕ್ರಮ ಕೈಗೊಳ್ಳಲಾಗುವುದು. ಸಂಬಂಧಿಸಿದ ಅಧಿಕಾರಿ ವರ್ಗವದರು ಗುಣಮಟ್ಟದ ಕಾಮಗಾರಿ ಕಡೆಗೆ ಗಮನಹರಿಸಬೇಕೆಂದು ತಿಳಿಸಿದರು.

ಬಿಜೆಪಿ ಅಧ್ಯಕ್ಷ ಅಣವೀರ ಇಂಗಿನಶೆಟ್ಟಿ, ನಿಂಗಣ್ಣ ಹುಳಗೋಳಕರ್,ಅಣೆಪ್ಪ ಇಂಗಿನಶೆಟ್ಟಿ, ಭೀಮಣ್ಣ ಖಂಡ್ರೆ, ಅರುಣಕುಮಾರ ಪಟ್ಟಣಕರ್, ಸೂರ್ಯಕಾಂತ ವಾರದ, ಸುಭಾಷ ಜಾಪೂರ, ಅಣ್ಣಪ್ಪ ದಸ್ತಾಪುರ, ಕನಕಪ್ಪ ದಂಡಗುಲಕರ್, ನಾಗರಾಜ ಮೇಲಗಿರಿ, ಭಾಗೀರತಿ ಗುನ್ನಾಪುರ, ಜಯಶ್ರೀ ಸೂಡಿ, ಸದಾನಂದ ಕುಂಬಾರ, ಶ್ರೀಧರ ಜೋಶಿ,ಸಂಜಯ ಸೂಡಿ ಇತರರು ಇದ್ದರು.