ಕ್ಷೌರಿಕ ಸಮಾಜಕ್ಕೆ ಕಿಟ್ ವಿತರಣೆ

ಶಹಾಬಾದ: ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವುದೇ ನಿಜವಾದ ಮಾನವೀಯತೆ.ಅದನ್ನು ಸರ್ಕಾರ ಕ್ಷೌರಿಕ ಸಮಾಜಕ್ಕೆ ಆಹಾರ ಕಿಟ್ ನೀಡುವ ಮೂಲಕ ಸಾರ್ಥಕತೆ ಸಲ್ಲಿಸಿದೆ ಎಂದು ಕಲಬುರಗಿ ಗ್ರಾಮೀಣ ಮತಕ್ಷೇತ್ರದ ಶಾಸಕ ಬಸವರಾಜ ಮತ್ತಿಮಡು ಹೇಳಿದರು.

ಅವರು ಸೋಮವಾರ ನಗರದ ಶರಣಬಸವೇಶ್ವರ ಆವರಣದಲ್ಲಿ 58 ಜನ ಹಡಪದ, 105 ಸವಿತಾ ಸಮಾಜದವರಿಗೆ ಕಿಟ್ ವಿತರಿಸಿ ಮಾತನಾಡಿದರು.
ಕರೋನಾ ಲಾಕ್‍ಡೌನದಿಂದ ಕಳೆದ ಒಂದೂವರೆ ತಿಂಗಳಿನಿಂದ ಅಂಗಡಿಗಳನ್ನು ಮುಚಿದ ಪರಿಣಾಮ ಕ್ಷೌರಿಕ ಸಮಾಜಕ್ಕೆ ಬಾಂಧವರು ಎಲ್ಲಿಲ್ಲದ ಸಂಕಷ್ಟ ಎದುರಿಸುತ್ತಿದ್ದರು. ಅದನ್ನು ಗಮನಿಸಿದ ಸರ್ಕಾರ ಆ ಸಮಾಜಕ್ಕೆ ವಿಶೇಷ ಪ್ಯಾಕೇಜ್‍ನಲ್ಲಿ ಸಹಾಯ ನೀಡಿದಲ್ಲದೇ, ಆಹಾರ ಧಾನ್ಯಗಳ ಕಿಟ್‍ನ್ನು ನೀಡಿದ್ದಾರೆ.ಸಮಾಜದ ಬಾಂಧವರು ಕೊರೊನಾ ವಿರುದ್ಧ ಹೋರಾಟಕ್ಕೆ ಸಹಕಾರ ನೀಡಿ, ಸರ್ಕಾರದ ನಿರ್ಧೇಶನಗಳನ್ನು ಪಾಲಿಸಬೇಕೆಂದು ಮನವಿ ಮಾಡಿದರು.

ತಹಶೀಲ್ದಾರು ಸುರೇಶ ವರ್ಮಾ, ನೋಡಲ್ ಅಧಿಕಾರಿ ನೀಲಗಂಗಾ ಬಬಲಾದ, ಪೌರಾಯುಕ್ತ ವೆಂಕಟೇಶ, ಬಿಜೆಪಿ ಅಧ್ಯಕ್ಷ ಅಣವೀರ ಇಂಗಿನಶೆಟ್ಟಿ, ತಾಪಂ.ಮಾಜಿ ಸದಸ್ಯ ನಿಂಗಣ್ಣ ಹುಳಗೋಳ, ಸವಿತಾ ಸಮಾಜದ ಅಧ್ಯಕ್ಷ ದಶರಥ ಕೋಟನೂರ್, ಸಂತೋಷ ಕೋಟನೂರ್,ರವಿ ಸತನೂರ್,, ಬಸವರಾಜ ಅಲ್ಲಿಪೂರ,ಬಸವರಾಜ ಸತನೂರ್,ಕಂಠೆಪ್ಪ ಕೋಟನೂರ್, ಜ್ಯೋತಿ ಶರ್ಮಾ, ಭಾಗಿರತಿ ಗುನ್ನಾಪೂರ, ಜಯಶ್ರೀ ಸೂಡಿ, ಇತರರು ಇದ್ದರು.