ದೇವಿಕೇರಾ:ಬಡ ಕುಟುಂಬದ ನೆರವಿಗೆ ಬಂದ ವೀರಶೈವ ಲಿಂಗಾಯತ ಯುವ ವೇದಿಕೆ

ಸುರಪುರ: ಇಂದು ಸಮಾಜದ ಸುಧಾರಣೆ ಮತ್ತು ಅಭಿವೃಧ್ಧಿಯಲ್ಲಿ ಮಾದ್ಯಮ ಮತ್ತು ಸಂಘ ಸಂಸ್ಥೆಗಳ ಪಾತ್ರ ಮುಖ್ಯವಾಗಿದೆ ಎಂದು ಲಕ್ಷ್ಮೀಪುರ ಶ್ರೀಗಿರಿ ಮಠದ ಚನ್ನಮ್ಮಲ್ಲಿಕಾರ್ಜುನ ಶಿವಾಚಾರ್ಯ ಸ್ವಾಮೀಜಿ ಮಾತನಾಡಿದರು.

ತಾಲೂಕಿನ ದೇವಿಕೇರಾ ಗ್ರಾಮದಲ್ಲಿನ ಒಂದೆ ಕುಟುಂಬದಲ್ಲಿ ನಾಲ್ವರು ಬುದ್ಧಿಮಾಂದ್ಯ ಅಂಗವಿಕಲರಿರುವ ಬಡ ಕುಟುಂಬಕ್ಕೆ ನೆರವಿನ ಹಸ್ತ ಚಾಚಿರುವ ವೀರಶೈವ ಲಿಂಗಾಯತ ಯುವ ವೇದಿಕೆ ನೇತೃತ್ವದಲ್ಲಿ ಅನೇಕ ಯುವಕರು ಧನ ಸಹಾಯದ ಮೂಲಕ ಹಮ್ಮಿಕೊಂಡ ಮನೆ ದುರಸ್ಥಿ ಕಾರ್ಯಕ್ಕೆ ಚಾಲನೆ ನೀಡಿ ಮಾತನಾಡಿ, ಮಾದ್ಯಮಗಳು ಇಂದು ಸಮಾಜದ ಅಭಿವೃಧ್ಧಿಯಲ್ಲಿ ಹಾಗು ಜನರ ಕಷ್ಟ ಕಾರ್ಪಣ್ಯಗಳನ್ನು ಎತ್ತಿ ತೋರಿಸುವಲ್ಲಿ ಮಹತ್ವದ ಕೆಲಸ ಮಾಡುತ್ತಿವೆ.ಅದರಂತೆ ನಮ್ಮ ವೀರಶೈವ ಲಿಂಗಾಯತ ಯುವ ವೇದಿಕೆಯ ಯುವಕರು ಈ ದೇವಿಕೆರಾ ಗ್ರಾಮದ ಬಡ ಕುಟುಂಬದ ನೆರವಿಗೆ ಬಂದಿರುವುದು ಸಂತೋಷದ ಸಂಗತಿಯಾಗಿದೆ ಎಂದರು.

ಈ ಸಂದರ್ಭದಲ್ಲಿ ಹಾಜರಿದ್ದ ನಗರ ಯೋಜನಾ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ಸೂಗುರೇಶ ವಾರದ ಮಾತನಾಡಿ,ಒಂದೆ ಕುಟುಂಬದಲ್ಲಿ ನಾಲ್ವರು ಅಂಗವಿಕಲರಿದ್ದು,ನಾಲ್ವರನ್ನು ತಾಯಿ ತಂದೆಯರಾಗಿ ಅವರ ಸಹೋದರಿ ನೋಡುತ್ತಿರುವುದು ಮೆಚ್ಚುಗೆಯ ಸಂಗತಿಯಾಗಿದೆ.

ಈ ಕಟುಂಬದ ನೆರವಿಗೆ ಕೇವಲ ಸುರಪುರ ಮಾತ್ರವಲ್ಲ ಪಕ್ಕದ ತಾಲೂಕಾದ ಶಹಾಪುರದಿಂದಲೂ ಗುರು ಮಣಿಕಂಠ ಮತ್ತಿತರರು ಮುಂದೆ ಬಂದಿರುವುದು ಸಂತೋಷದ ಸಂಗಿತಿಯಾಗಿದೆ ಎಂದರು.ಇನ್ನೂ ಹೆಚ್ಚಿನ ಸಹಾಯವನ್ನು ಎಲ್ಲರು ಸೇರಿ ಮಾಡೋಣ ಎಂದರು.

ವೀರಶೈವ ಲಿಂಗಾಯತ ಯುವ ವೇದಿಕೆ ತಾಲೂಕು ಅಧ್ಯಕ್ಷ ಚಂದ್ರಶೇಖರ ಡೊಣೂರ ಮಾತನಾಡಿ,ಇಂದು ಅನೇಕರ ನೆರವಿನಿಂದ ಯುವ ವೇದಿಕೆ ನೇತೃತ್ವದಲ್ಲಿ ಮನೆ ದುರಸ್ಥಿಗೊಳಿಸಲಾಗುತ್ತಿದೆ.ಮುಂಬರುವ ದಿನಗಳಲ್ಲಿ ಇನ್ನೂ ಹೆಚ್ಚಿನ ಧನ ಸಹಾಯವನ್ನು ಈ ಕುಟುಂಬಕ್ಕೆ ಮಾಡುವ ಯೋಜನೆ ಹಾಕಿಕೊಳ್ಳಲಾಗಿದೆ ಎಂದರು.

ಆರಂಭದಲ್ಲಿ ಚನ್ನಮಲ್ಲಿಕಾರ್ಜುನ ಶಿವಾಚಾರ್ಯ ಸ್ವಾಮೀಜಿ ಭೂಮಿ ಪೂಜೆಯ ಮೂಲಕ ಮನೆ ದುರಸ್ಥಿ ಕಾರ್ಯಕ್ಕೆ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಮುಖಂಡರಾದ ಗುರು ಮಣಿಕಂಠ, ಮಂಜುನಾಥ ಜಾಲಹಳ್ಳಿ, ರಂಗನಗೌಡ ದೇವಿಕೇರಾ, ಮಂಜುನಾಥ ಗುಳಗಿ,ಶಿವುಕುಮಾರ ಕಲಕೇರಿ,ವಿರೇಶ ಪಂಚಾಂಗಮಠ, ಮಹಾಂತಗೌಡ, ಮಲ್ಲಿಕಾರ್ಜುನ ಸಾಹುಕಾರ, ಬಸವರಾಜ ಬೂದಿಹಾಳ,ಶರಣು ಅರಕೇರಿ, ಕೃಷ್ಣಾ ದೇವಿಕೇರಾ,ಧರ್ಮರಾಜ ಮಡಿವಾಳ,ಶರಣು ಕಳ್ಳಿಮನಿ,ನಾಗರಾಜಸ್ವಾಮಿ ರುಮಾಲಮಠ ಸೇರಿದಂತೆ ಅನೇಕರಿದ್ದರು.