ಬೀಜ ವಿತರಣೆಗೆ ಹರ್ಷಾನಂದ ಗುತ್ತೇದಾರ ಚಾಲನೆ

ಆಳಂದ: ತಾಲೂಕಿನ ಖಜೂರಿ ಗ್ರಾಮದ ರೈತ ಸಂಪರ್ಕ ಕೇಂದ್ರದಲ್ಲಿ ಪ್ರಸಕ್ತ ಸಾಲಿನ ಮುಂಗಾರು ಹಂಗಾಮಿನ ಬಿತ್ತನೆ ಬೀಜಗಳ ವಿತರಣೆಗೆ ಖಜೂರಿ ಜಿ.ಪಂ ಸದಸ್ಯ ಹರ್ಷಾನಂದ ಎಸ್ ಗುತ್ತೇದಾರ ಚಾಲನೆ ನೀಡಿದರು.

ಸೋಮವಾರ ಇಲಾಖೆಯ ಕಚೇರಿಯಲ್ಲಿ ಬಿತ್ತನೆ ಬೀಜ ವಿತರಿಸಿ ಮಾತನಾಡಿದ ಅವರು, ಸರ್ಕಾರದ ನಿಯಮಾವಳಿಯಂತೆ ಪ್ರತಿ ರೈತರಿಗೂ ಬೀಜ, ಗೊಬ್ಬರ ವಿತರಿಸಬೇಕು ಅಲ್ಲದೇ ಈ ಕುರಿತು ರೈತರಿಂದ ಯಾವುದೇ ರೀತಿಯ ದೂರುಗಳು ಬರದಂತೆ ನೋಡಿಕೊಳ್ಳಬೇಕು ಎಂದು ಅಧಿಕಾರಿಗಳಿಗೆ ತಿಳಿಸಿದರು.

ಈ ಸಂದರ್ಭದಲ್ಲಿ ತಾ.ಪಂ ಉಪಾಧ್ಯಕ್ಷ ಗುರುನಾಥ ಪಾಟೀಲ, ಡಿಸಿಸಿ ಬ್ಯಾಂಕ್ ನಿರ್ದೇಶಕ ಅಶೋಕ ಸಾವಳೇಶ್ವರ, ಪ್ರಗತಿಪರ ರೈತ ಆದಿನಾಥ ಹೀರಾ, ಮುಖಂಡ ಭೀಮರಾವ ಢಗೆ, ಮಹಾದೇವ ವಾಡೆ, ರಾಜು ಪಾಟೀಲ ಆಳಂಗಾ, ಉದಯಕುಮಾರ ಕಂದಗೂಳೆ, ಪ್ರಫುಲ ಬಾಬಳಸೂರೆ, ಕುಮಾರ ಬಂಡೆ, ಕಿರಣ ಮುರುಮೆ, ಕೃಷಿ ಅಧಿಕಾರಿ ಬಿರಾದಾರ ಸೇರಿದಂತೆ ಇತರರು ಇದ್ದರು.