ಕಲಬುರಗಿ: 6 ಜನರಿಗೆ ಕೊರೋನಾ ಸೋಂಕು

ಕಲಬುರಗಿ: ಜಿಲ್ಲೆಯಲ್ಲಿ ಮಂಗಳವಾರ ಮಹಾರಾಷ್ಟ್ರ ಪ್ರವಾಸ ಹಿನ್ನೆಲೆಯ ಇಬ್ಬರು ಸೇರಿದಂತೆ ಒಟ್ಟು 6 ಜನರಿಗೆ ಕೊರೋನಾ ಪಾಸಿಟಿವ್ ಪತ್ತೆಯಾಗಿದೆ ಎಂದು ಡಿ.ಸಿ.ಶರತ್ ಬಿ. ತಿಳಿಸಿದ್ದಾರೆ.

ಸೋಂಕಿನ ಸಂಪರ್ಕದ ಮೂಲ ಪತ್ತೆಯಾಗದ ಜೇವರ್ಗಿ ತಾಲೂಕಿನ ರೇವನೂರ ತಾಂಡಾದ 19 ವರ್ಷದ ಯುವತಿ (ಪಿ-9605) ಮತ್ತು 22 ವರ್ಷದ ಯುವತಿ (ಪಿ-9606) ಹಾಗೂ ಕಲಬುರಗಿಯ ಸುಂದರನಗರದ 19 ವರ್ಷದ ಯುವತಿ (ಪಿ-9609), ಮಹಾರಾಷ್ಟ್ರ ಪ್ರವಾಸ ಹಿನ್ನೆಲೆಯ ಅಫಜಲಪುರ ತಾಲೂಕಿನ ಹಾವನೂರ ಗ್ರಾಮದ 38 ವರ್ಷದ ಮಹಿಳೆ (ಪಿ-9607) ಮತ್ತು ಆಳಂದ ತಾಲೂಕಿನ ಹೆಬ್ಲಿ ತಾಂಡಾದ 12 ವರ್ಷದ ಬಾಲಕಿ (ಪಿ-9608) ಹಾಗೂ ಐ.ಎಲ್.ಐ. ಹಿನ್ನಲೆಯ ಕಲಬುರಗಿ ನಗರದ ಗಂಜ್ ರಸ್ತೆಯ ಭಾರತ ಪ್ರೈಡ್ ಅಪ್ಲಾರ್ಟ್‍ಮೆಂಟಿನ 36 ವರ್ಷದ ಯುವಕನಿಗೆ (ಪಿ-9610) ಕೊರೋನಾ ಸೋಂಕು ತಗುಲಿದೆ.

ಇದರಿಂದ ಜಿಲ್ಲೆಯಲ್ಲಿ ಕೊರೋನಾ ಪೀಡಿತರ ಸಂಖ್ಯೆ 1232ಕ್ಕೆ ಏರಿದೆ. ಇದರಲ್ಲಿ ಇದೂವರೆಗೆ 779 ಜನ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದು, 11 ಜನ ನಿಧನ ಹೊಂದಿರುತ್ತಾರೆ. ಉಳಿದಂತೆ 442 ಸಕ್ರೀಯ ರೋಗಿಗಳಿದ್ದಾರೆ ಎಂದು ಶರತ್ ಬಿ. ವಿವರಿಸಿದರು.