ಹಳೆಯ ವಿದ್ಯುತ್ ತಂತಿ ಬದಲಾಯಿಸುವಂತೆ ಜೆಸ್ಕಾಂ ಅಧಿಕಾರಿಗಳಿಗೆ ಮನವಿ

ಶಹಾಪುರ: ತಾಲೂಕಿನ ಮಂಡಗಳ್ಳಿ,ಶಾರದಳ್ಳಿ, ಕೊಂಗಂಡಿ ಹಾಗೂ ಈ ಭಾಗದ ಇನ್ನುಳಿದ ಗ್ರಾಮಗಳಿಗೆ ವಿದ್ಯುತ್ ಸಂಪರ್ಕ ಕಲ್ಪಿಸುವ ವಿದ್ಯುತ್ ತಂತಿ ಸುಮಾರು 40 ವರ್ಷ ಹಳೆಯದಾಗಿರುವುದರಿಂದ ತೆಗೆದುಹಾಕಿ,ಹೊಸ ವಿದ್ಯುತ್ ತಂತಿ ಅಳವಡಿಸಬೇಕೆಂದು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ರೈತ ಸೇನೆ ವತಿಯಿಂದ ಶಹಾಪುರ ಜೆಸ್ಕಾಂ ಅಧಿಕಾರಿಗಳಿಗೆ ಮನವಿ ಸಲ್ಲಿಸಲಾಯಿತು.

ಜಮೀನುಗಳಲ್ಲಿ ಹಾದು ಹೋಗಿರುವ ವಿದ್ಯುತ್ ತಂತಿ ಅಲ್ಲಲ್ಲಿ ಜೋತು ಬಿದ್ದು ಹರಿದು ಬಿಳುವ ಮುಂಚೆ ಜೆಸ್ಕಾಂ ಅಧಿಕಾರಿಗಳು ಎಚ್ಚೆತ್ತುಕೊಂಡು ಹೊಸ ವಿದ್ಯುತ್ ತಂತಿ ಅಳವಡಿಸಿ ಕೊಟ್ಟು ಸಾರ್ವಜನಿಕರಿಗೆ ಅನುಕೂಲ ಮಾಡಿಕೊಡಬೇಕು ಇಲ್ಲದಿದ್ದರೆ ಮುಂದೆ ಆಗುವ ಅನಾಹುತಗಳಿಗೆ ಅಧಿಕಾರಿಗಳೇ ನೇರ ಹೊಣೆಯಾಗ ಬೇಕಾದೀತು ಎಂದು ಎಚ್ಚರಿಕೆ ನೀಡಿದರು.

ರೈತ ಯುವ ಮುಖಂಡರಾದ ಅಶೋಕ್ ಯಕ್ಷಿಂತಿ,ಯಲ್ಲಪ್ಪ ಟಿ ಕಾಶಿರಾಜ,ಮಹೇಶ್ ಮಂಡಗಳ್ಳಿ, ವೆಂಕಟೇಶ್ ಶಾರದಳ್ಳಿ,ಹಾಗೂ ಇತರರು ಹಾಜರಿದ್ದರು. ಜೊತೆಗೆ ಈ ಭಾಗದ ಗ್ರಾಮಗಳಿಗೆ ನಿರಂತರ ಜ್ಯೋತಿ ಕಲ್ಪಿಸಬೇಕೆಂದು ಮನವಿ ಮಾಡಿಕೊಳ್ಳಲಾಯಿತು.