ಪದೆ ಪದೆ ವಿದ್ಯುತ್ ಕಡಿತಗೊಳಿಸದಂತೆ ಲೋಕ ಜನಶಕ್ತಿ ಮುಖಂಡ ಆಗ್ರಹ

ಸುರಪುರ: ತಾಲೂಕಿನಲ್ಲಿ ಪದೆ ಪದೆ ವಿದ್ಯುತ್  ಕಡಿತಗೊಳಿಸಲಾಗುತ್ತಿದ್ದು ಇದರಿಂದ ನಗರ ಪ್ರದೇಶದಲ್ಲಿನ ವ್ಯಾಪಾರೋದ್ಯಮಿಗಳಿಗೆ ತುಂಬಾ ಕಿರಿ ಕಿರಿ ಉಂಟಾಗುತ್ತಿದೆ ಎಂದು ಲೋಕ ಜನಶಕ್ತಿ ಪಕ್ಷದ ಮುಖಂಡರು ಆರೋಪಿಸಿದರು.

ನಗರದ ರಂಗಂಪೇಟೆಯಲ್ಲಿರುವ ಜೆಸ್ಕಾಂ ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತರರ ಕಚೇರಿಗೆ ತೆರಳಿ ಮನವಿ ಸಲ್ಲಿಸಿ ಮಾತನಾಡಿ,ಈಗಾಗಲೆ ತಾಲೂಕಿನ ವ್ಯಾಪಾರಸ್ಥರು ಕೊರೊನಾ ವೈರಸ್ ನಿಂದ ಲಾಕ್‌ಡೌನ್ ಘೋಷಣೆಯಾಗಿ ವ್ಯಾಪಾರಿಗಳು ಸಾಕಷ್ಟು ನಷ್ಟಕ್ಕೆ ಸಿಲುಕಿದ್ದಾರೆ.

ಈಗ ವ್ಯಾಪಾರಿಗಳಿಗೆ ಸಮಯದ ಗಡುವಿನಲ್ಲಿ ವ್ಯಾಪಾರಕ್ಕೆ ಅವಕಾಶವಿರುವಾಗ, ಜೆಸ್ಕಾಂ ಇಲಾಖೆ ಪದೆ ಪದೆ ವಿದ್ಯೂತ್ ಕಡಿತಗೊಳಿಸುವುದರಿಂದ ವ್ಯಾಪಾರಿಗಳಿಗೆ ತುಂಬಾ ತೊಂದರೆಯಾಗುತ್ತಿದೆ.ಆದ್ದರಿಂದ ವಿನಾಃ ಕಾರಣ ವಿದ್ಯೂತ್ ಕಡಿತಗೊಳಿಸದೆ ನಿರಂತರವಾಗಿ ವಿದ್ಯೂತ್ ಸರಬರಾಜು ಮಾಡಿ,ಇಲ್ಲವಾದಲ್ಲಿ ಜೆಸ್ಕಾಂ ಕಚೇರಿ ಮುಂದೆ ಉಗ್ರ ಹೋರಾಟ ನಡೆಸಲಾಗುವುದೆಂದು ಎಚ್ಚರಿಸಿ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಪಕ್ಷದ ಜಿಲ್ಲಾಧ್ಯಕ್ಷ ರಾಜಾಅ ಅಪ್ಪಾರಾವ್ ನಾಯಕ,ತಾಲೂಕು ಅಧ್ಯಕ್ಷ ಹಯ್ಯಾಳಪ್ಪ ವನಕೇರಿ ದೀವಳಗುಡ್ಡ ಇತರರಿದ್ದರು.