ಎನ್‍ಎಸ್‍ಎಸ್ ಸಂಯೋಗದಲ್ಲಿ ದೇವದಾಸಿಯರಿಗೆ ಆಹಾರ್ ಕಿಟ್ ವಿತರಣೆ

ಜೇವರ್ಗಿ : ಕೋವಿಡ್-19 ಮಹಾಮಾರಿಯಿಂದ, ಮಾಡಲು ಕೆಲಸವಿಲ್ಲದೆ ದಿನದ ಹೊಟ್ಟೆ ತುಂಬಿಸಿಕೊಳ್ಳಲು ಕಷ್ಟ ಪಡುತ್ತಿರುವ ದೇವದಾಸಿ ಮಹಿಳೆಯರಿಗೆ ಪದವಿ ಮತ್ತು ಸ್ನಾತಕೋತ್ತರ ಎನ್.ಎಸ್.ಎಸ್ ಘಟಕದ ಅಡಿಯಲ್ಲಿ ಪಟ್ಟಣದ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಆಹಾರದ ಕೀಟ್‍ಗಳನ್ನು ವಿತರಿಸಿ ಕೊರೋನಾ ವೈರಸ್ ಕುರಿತು ಜಾಗೃತಿ ಮೂಡಿಸಿದರು.

ಪಟ್ಟಣದ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಶುಕ್ರವಾರ ಕಿಟ್‍ಗಳನ್ನು ವಿತರಿಸಿ ಗುಲಬರ್ಗಾ ವಿಶ್ವವಿದ್ಯಾಲಯ ಕಲಬುರಗಿಯ ರಾಷ್ಟ್ರೀಯ ಸೇವಾ ಯೋಜನೆಯ ಸಂಯೋಜನಾಧಿಕಾರಿಗಳಾದ ರಮೇಶ ಲಂಡನ್‍ಕರ್ ಮಾತನಾಡಿ, ಈ ಮಹಾಮಾರಿ ಕೋವಿಡ್-19 ಪ್ರಕರಣಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿವೆ, ಪ್ರತಿಯೊಬ್ಬರೂ ಕೂಡ ಇದರಿಂದ ಭಯಪಡದೆ ಎಚ್ಚರವಾಗಿರಬೇಕು, ಮನೆಯಿಂದ ಹೊರ ಹೋಗುವಾಗ ತಪ್ಪದೆ ಮುಖಕ್ಕೆ ಮಾಸ್ಕ್ ಹಾಕಿಕೊಂಡು, ಒಬ್ಬರಿಂದ ಒಬ್ಬರು ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳಬೇಕು ಮತ್ತು ಆಗಾಗೆ ಸ್ಯಾನಿಟೈಜರ್ ಅಥವಾ ಸಾಬೂನಿನಿಂದ ಕೈಗಳನ್ನು ತೊಳೆದುಕೊಳ್ಳುವುದರ ಮುಖಾಂತರ ಈ ರೋಗವನ್ನು ಹೊಡೆದೊಡಿಸಬೇಕು ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಡಾ. ಬಸವರಾಜ ಕೊಂಬಿನ್, ಡಾ. ಕರಿಗೂಳೇಶ್ವರ, ಡಾ. ಗೀತಾರಾಣಿ, ಡಾ. ವಿನೋದಕುಮಾರ, ವಿಜಯಕುಮಾರ ಜಿಡಗೆ, ವಾಯ್.ಡಿ ಬಡಿಗೇರ, ಡಾ. ಗಿರೀಶ ರಾಠೋಡ, ಡಾ. ಗುರುಪ್ರಕಾಶ ಹೂಗಾರ, ಪ್ರ.ಶಶಿಧರ ಯಡ್ರಾಮಿ, ನಾಗಣ್ಣಗೌಡ ಸೇರಿದಂತೆ ಅನೇಕರು ಕಾಲೇಜಿನ ಸಿಬ್ಬಂದಿವರ್ಗದವರು ಇದ್ದರು.