ಜನಪರ ಕೆಲಸಗಳಿಂದ ವೆಂಕಟೇಶ ನಾಯಕ ಜನರ ಮನ ಗೆದ್ದಿದ್ದಾರೆ: ರಾಜುಗೌಡ

ಸುರಪುರ: ರಾಜ್ಯದಲ್ಲಿ ಕರ್ನಾಟಕ ರಕ್ಷಣಾ ವೇದಿಕೆ ಹೇಗೆ ಉತ್ತಮವಾಗಿ ಕೆಲಸ ಮಾಡುತ್ತಿದೆಯೊ ಅದರಂತೆ ವೆಂಕಟೇಶ ನಾಯಕ ಬೈರಿಮರಡಿ ನೇತೃತ್ವದಲ್ಲಿ ಸಂಘಟನೆ ತಾಲೂಕಿನಲ್ಲಿಯೂ ಉತ್ತಮವಾಗಿ ಕೆಲಸ ಮಾಡುತ್ತಿದೆ ಅದಕ್ಕೆ ಇಂದಿನ ಕಾರ್ಯಗಳೆ ಉದಾಹರಣೆಯಾಗಿವೆ ಎಂದು ಶಾಸಕ ನರಸಿಂಹ ನಾಯಕ (ರಾಜುಗೌಡ) ಮಾತನಾಡಿದರು.

ಕರವೇ ತಾಲೂಕು ಅಧ್ಯಕ್ಷ ವೆಂಕಟೇಶ ನಾಯಕ ಬೈರಿಮರಡಿ ತಮ್ಮ ೪೦ನೇ ಜನುಮ ದಿನದ ಅಂಗವಾಗಿ ನಡೆದ ಬೈರಿಮರಡಿಯಲ್ಲಿನ ಮಹರ್ಷಿ ವಾಲ್ಮೀಕಿ ಮಂದಿರ ಲೋಕಾರ್ಪಣೆ,ಕನಕದಾಸ ಭವನ ನಿರ್ಮಾಣಕ್ಕೆ ಭೂ ದೇಣಿಗೆ,ಮಹಿಳೆಯರಿಗೆ ನಿರ್ಮಿಸಲಾದ ಶೌಚಾಲಯಗಳ ಲೋಕಾರ್ಪಣೆ ಮತ್ತು ಬಾದ್ಯಾಪುರ ಗ್ರಾಮದಲ್ಲಿ ಗ್ರಂಥಾಲಯ ಹಾಗು ಮಾಚಗುಂಡಾಳ ಗ್ರಾಮದಲ್ಲಿ ಮಹಿಳೆಯರ ಹೊಲಿಗೆ ತರಬೇತಿ ಕೇಂದ್ರ ಉದ್ಘಾಟಿಸಿ ಮಾತನಾಡಿ,ಸಂಘಟನೆ ಎಂದರೆ ಹೇಗಿರಬೇಕು ಮತ್ತು ಹೇಗೆ ಜನರ ನೆರವಿಗೆ ಬರಬೇಕು ಎಂಬುದಕ್ಕೆ ಇಂದಿನ ಕಾರ್ಯಕ್ರಮ ಜೀವಂತ ಸಾಕ್ಷಿಯಾಗಿದೆ ಎಂದರು.

ಕಾರ್ಯಕ್ರಮದಲ್ಲಿ ದೇವಾಪುರ ಜಡಿಶಾಂತಲಿಂಗೇಶ್ವರ ಹಿರೆಮಠ ಸಂಸ್ಥಾನದ ಶಿವಮೂರ್ತಿ ಶಿವಾಚಾರ್ಯ ಸ್ವಾಮೀಜಿ,ಗೋಲಪಲ್ಲಿಯ ಮಹರ್ಷಿ ವಾಲ್ಮೀಕಿ ಪೀಠದ ವರದಾನಂದ ಸ್ವಾಮೀಜಿ,ಲಕ್ಷ್ಮೀಪುರ ಶ್ರೀಗಿರಿ ಮಠದ ಚೆನ್ನಮಲ್ಲಿಕಾರ್ಜುನ ಶಿವಾಚಾರ್ಯ ಸ್ವಾಮೀಜಿ ಸಾನಿಧ್ಯವಹಿಸಿ ಆಶೀರ್ವಚನ ನೀಡಿದರು.ಎಲ್ಲಾ ಕಾರ್ಯಕ್ರಮಗಳ ಅಧ್ಯಕ್ಷತೆಯನ್ನು ಜಿಲ್ಲಾ ಪಂಚಾಯತಿ ಮಾಜಿ ಅಧ್ಯಕ್ಷ ರಾಜಾ ಹನಮಪ್ಪ ನಾಯಕ (ತಾತಾ) ವಹಿಸಿದ್ದರು.

ಮುಖ್ಯ ಅತಿಥಿಗಳಾಗಿ ಕರವೇ ರಾಜ್ಯ ಪ್ರಧಾನ ಸಂಚಾಲಕ ಬಸವರಾಜ ಪಡಕೋಟೆ,ತಹಸೀಲ್ದಾರ ನಿಂಗಣ್ಣ ಬಿರಾದಾರ್, ಜಿಲ್ಲಾಧ್ಯಕ್ಷ ಟಿ.ಎನ್. ಭೀಮು ನಾಯಕ,ನಗರಸಭೆ ಸದಸ್ಯ ಸೋಮನಾಥ ಡೊಣ್ಣಿಗೇರಾ,ನರಸಿಂಹಕಾಂತ ಪಂಚಮಗಿರಿ,ಬಲಭೀಮ ನಾಯಕ ಬೈರಿಮರಡಿ,ಶರಣು ನಾಯಕ ಬೈರಿಮರಡಿ,ಮಂಜುನಾಥ ನಾಯಕ,ರವಿ ನಾಯಕ,ತಾ.ಪಂ ಸದಸ್ಯ ದೊಡ್ಡ ಕೊತಲೆಪ್ಪ ಹಾವಿನ್,ಗ್ರಾ.ಪಂ ಸದಸ್ಯರುಗಳಾದ ಮಲ್ಲರಡ್ಡಿ ಬನ್ನೆಟ್ಟಿ,ದ್ಯಾವಮ್ಮ ಸವಳಪಟ್ಟಿ,ಚೌಡಪ್ಪ ಬಾದ್ಯಾಪುರ,ಯಮನಪ್ಪ ಬಾದ್ಯಾಪುರ,ಯಮನಪ್ಪ ಬಾದ್ಯಾಪುರ,ದ್ಯಾವಪ್ಪ ಬಾದ್ಯಾಪುರ,ಮಹಾದೇವ ಬಾದ್ಯಾಪುರ ಸೇರಿದಂತೆ ಕರವೇ ಹುಣಸಗಿ,ಕೆಂಭಾವಿ,ಕಕ್ಕೇರಾ,ಕೋಡೆಕಲ್ ಹೋಬಳಿ ಹಾಗು ಅನೇಕ ಗ್ರಾಮಗಳ ಕಾರ್ಯಕರ್ತರು ಭಾಗವಹಿಸಿದ್ದರು.