ಅಫಜಲಪುರ: ಹಾವು ಕಚ್ಚಿ ಬಾಲಕ ಸಾವು

ಕಲಬುರಗಿ: ಅಫಜಲಪುರ ತಾಲ್ಲೂಕಿನಲ್ಲಿ ತೋಟದ ಮನೆಯಲ್ಲಿ ರಾತ್ರಿ ಮಲಗಿಕೊಂಡಾಗ ಕರಿ ನಾಗರ ಹಾವು ಕಚ್ಚಿ ಬಾಲಕ ಸಾವನ್ನಪ್ಪಿರುವ ಘಟನೆ ನಡೆದಿದೆ.

ಹೈಯಾಳಿಸಿದ್ದ ಪದ್ಮಣ್ಣ ಪೂಜಾರಿ (14) ವಷ೯ದ ಬಾಲಕ, ಮೂಲತ  ಬೋಸಗಾ  ಗ್ರಾಮದ ನಿವಾಸಿ ಎಂದು ತಿಳಿದುಬಂದಿದೆ.

ತಾಲೂಕಿನ ಸರಕಾರಿ ಆಸ್ಪತ್ರೆಯಲ್ಲಿ ಯಾವುದೆ ರೀತಿ ಸೌಲಬ್ಯಗಳಿಲ್ಲದರಿಂದ, ರೋಗಿಗಳಿಗೆ ಸರಿಯಾಗಿ ಚಿಕಿತ್ಸೆ ನೀಡುತ್ತಿಲ್ಲ. ಆಸ್ಪತ್ರೆಯಲ್ಲಿ  ವೈದ್ಯರಿರುವುದಿಲ್ಲ ರೋಗಿಗಳು ಪರದಾಡುವ ಪರಸ್ಥಿತಿ ತಾಲ್ಲೂಕಿನಲ್ಲಿರುವುದರಿಂದ ಇಂತಹ ಘಟನೆಗಳಿಂದ ಸಾವುಗಳು ಹೆಚ್ಚುತ್ತಿವೆ ಎಂದು ಕೊರಬು ಫೌಂಡೇಶನ್ ಸಂಸ್ಥಾಪಕ ಜೆ.ಎಂ ಕೋರಬು ಸರಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.

ಇದೇ ವೇಳೆಯಲ್ಲಿ ಮೃತ ಯುವಕನ ಕುಟುಂಬಕ್ಕೆ ಜೆ ಎಂ ಕೋರಬು ಅವರ ನೇತೃತ್ವದಲ್ಲಿ ಕೋರಬು ಫೌಂಡೇಶನ್ ವತಿಯಿಂದ 10 ಸಾವಿರ ಧನ ಸಹಾಯ ನೀಡಿ ಕುಟುಂಬಕ್ಕೆ ಸಾಂತ್ವನ ಹೇಳಿದರು .

ಈ ಸಂದರ್ಭದಲ್ಲಿ ಫೌಂಡೇಶನ್ ಅಧ್ಯಕ್ಷ ಶಿವುಪುತ್ರ ಜಿಡ್ಡಗಿ,ಪಂಡಿತ ನಾವಿ  ಇದ್ದರು.