ಮಾಸ್ಕ್ ಧರಿಸಿ ಕಿರಾಣಾ ಅಂಗಡಿ ಲೋಟಿ: ಸಿಸಿಟಿವಿಯಲ್ಲಿ ಕೃತ್ಯ ಸೆರೆ

ಕಲಬುರಗಿ: ಜಿಲ್ಲೆಯಲ್ಲಿ ಜು. 14 ರಿಂದ 20 ವರೆಗೆ ಲಾಕ್ ಡೌನ್ ಘೋಷಿಸಿದ್ದು, ಈ ಮದ್ಯೆ ಕೆಲ ಮಾಸ್ಕ್ ಧಾರಿ ಕಳ್ಳರು ನಿನ್ನೆ ರಾತ್ರಿ ಹೋಲ್ ಸೇಲ್ ಕಿರಾಣಿ ಅಂಗಡಿಯೊಂದನ್ನು ಲೋಟಿ ಮಾಡಿ ತನ್ನ ಕೈ ಚಳಕ ತೊರಿಸಿದ್ದಾರೆ. ಈ ಕೃತ್ಯ ಅಂಗಡಿ ಸಿಸಿಟಿವಿಯಲ್ಲಿ ಕೃತ್ಯದ ದೃಶ್ಯಗಳು ಸೇರೆಯಾಗಿವೆ.

ನಗರದ ಮಿಸಬಾ ನಗರದ ಗುಲಬರ್ಗಾ ಹುಸೇನ್ ಐಕಾನ್ ಕಾಂಪ್ಲೆಕ್ಸ್ ನ ಬಿಸ್ಮಿಲ್ಲಾ ಬೇಗ್ ಕಿರಾಣಾ ಎಂಬ ಅಂಗಡಿಯನ್ನು ನಿನ್ನೆ ರಾತ್ರಿ ವೇಳೆಯಲ್ಲಿ ಮುಸುಕು ಧಾರಿಗಳು ಅಂಗಡಿಯ ಸೇಟರ್ ನ್ನು ಮುರಿದು, ಕೌಂಟರ್ ನಲ್ಲಿದ್ದ, 80 ಸಾವಿರ ನಗದು, ಮತ್ತು 50 ಸಾವಿರದ ಸಾಮಾಗ್ರಿಗಳನ್ನು ಲೋಟಿ ಮಾಡಿಕೊಂಡು ಪರಾರಿಯಾಗಿದ್ದಾರೆ.

ಜಿಲ್ಲೆಯಲ್ಲಿ ಅಂಗಡಿಗಳ ಲೋಟಿ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ಲಾಕ್ ಡೌನ್ ಟೈಮ್ ನಲ್ಲಿ ಅಂಗಡಿಗಳಿಗೆ ಸೂಕ್ತ ಭದ್ರತೆ ಇಲ್ಲದಂತೆ ಆಗಿದೆ ಎಂದು ಅಂಗಡಿ ಮಾಲೀಕರೊಬ್ಬರು ತಮ್ಮ ಅಳಲು ತೊಡಿಕೊಂಡಿದ್ದಾರೆ.

ಘಟನಾ ಸ್ಥಳಕ್ಕೆ ರಾಘವೇಂದ್ರ ನಗರ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿ ಆರೋಪಿಗಳ ಬಂಧನಕ್ಕೆ ಬಲೆ ಬೀಸಿದ್ದಾರೆ.