ಡಾ.ಸಾಬಣ್ಣ ತಳವಾರ ವಿಧಾನ ಪರಿಷತ್ ಸದಸ್ಯರಾಗಿರುವುದಕ್ಕೆ ಭಂಕೂರ ಗ್ರಾಮಸ್ಥರಿಂದ ಸಂಭ್ರಮ

ಶಹಾಬಾದ: ಬಿಜೆಪಿ ಡಾ.ಸಾಬಣ್ಣ ತಳವಾರ ಅವರನ್ನು ವಿಧಾನಪರಿಷತ್ ನಾಮನಿರ್ದೇಶಿತ ಸದಸ್ಯರಾಗಿ ನೇಮಕ ಮಾಡಿದಕ್ಕೆ ಭಂಕೂರ ಗ್ರಾಮದ ಗ್ರಾಮಸ್ಥರು ಭಂಕೂರ ವೃತ್ತದ ಬಳ ಸೇರಿ ಸಿಹಿ ಹಂಚಿ ಸಂಭ್ರಮಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಸಾಮಾಜಿಕ ಕಾರ್ಯಕರ್ತ ಈರಣ್ಣ ಕಾರ್ಗಿಲ್, ಡಾ.ಸಾಬಣ್ಣ ತಳವಾರ ಅವರನ್ನು ವಿಧಾನಪರಿಷತ್ ನಾಮನಿರ್ದೇಶಿತ ಸದಸ್ಯರಾಗಿ ನೇಮಕ ಮಾಡಿದಕ್ಕೆ ಗ್ರಾಮಸ್ಥರಾದ ನಮಗೆ ಎಲ್ಲಿಲ್ಲದ ಸಂತಸವಾಗಿದೆ. ಡಾ.ಸಾಬಣ್ಣ ತಳವಾರ ಅವರು ಮೂಲತಃ ಭಂಕೂರ ಗ್ರಾಮದವರು. ಬಡತನ ಕುಟುಂಬದಲ್ಲಿ ಜನಸಿದ ಇವರು ಸ್ವಗ್ರಾಮದಲ್ಲಿಯೇ ಸರಕಾರಿ ಶಾಲೆಯಲ್ಲಿ ಕಷ್ಟಪಟ್ಟು ಓದಿ ಬಹಳ ಎತ್ತರಕ್ಕೆ ಬೆಳೆದಿದ್ದಾರೆ.ಪ್ರಾಧ್ಯಾಪಕರಾಗಿ ಅನೇಕ ಸಂಶೋಧನೆಗಳ ಮೂಲಕ ಪ್ರಬಂಧ ಮಂಡಿಸಿದ್ದಾರೆ.ಸದ್ಯ ಬೆಳಗಾವಿ ರಾಣಿ ಚೆನ್ನಮ್ಮ ವಿಶ್ವವಿದ್ಯಾಲಯದಲ್ಲಿ ಅರ್ಥಶಾಸ್ತ್ರ ವಿಭಾಗದ ಮುಖ್ಯಸ್ಥರಾಗಿದ್ದಾರೆ.ಇವರ ಶೈಕ್ಷಣಿಕ ಸಾಧನೆಯನ್ನು ಗಮನಿಸಿ ಮುಖ್ಯಮಂತ್ರಿ ಯಡಿಯೂರಪ್ಪನವರು ವಿಧಾನಪರಿಷತ್ ನಾಮನಿರ್ದೇಶಿತ ಸದಸ್ಯರಾಗಿ ನೇಮಕ ಮಾಡಿರುವುದಕ್ಕೆ ಭಂಕೂರ ಗ್ರಾಮಸ್ಥರಿಗೆ ಎಲ್ಲಿಲ್ಲದ ಸಂತಸವಾಗಿದೆ ಎಂದು ಹೇಳಿದರು.

ಸಿದ್ದಲಿಂಗ ಸಿರಗೊಂಡ,ಯಲ್ಲಾಲಿಂಗ ಅಣಿಕೇರಿ, ಮಲ್ಲಿಕಾರ್ಜುನ ಸಿರಗೊಂಡ, ನಾಗೇಂದ್ರ ಚೆಂಗಟಾ, ಮಲ್ಲಿಕಾರ್ಜುನ ಧರಿ,ಜೆಟ್ಟೆಪ್ಪ ಔರಾಧಿ,ಕಮಲಾಕರ ತೆಗನೂರ,ಚಂದು ಚೆನ್ನೂರ,ಭರತ್ ಮುತ್ತಗಾ ಸೇರಿದಂತೆ ಅನೇಕ ಜನರು ಇದ್ದರು.