ಕಲ್ಯಾಣ ಕರ್ನಾಟಕ ನ್ಯಾಯವಾದಿಗಳಿಗೆ ಪರಿಹಾರ ಘೋಷಣೆಗೆ ಸಂಘ ಆಗ್ರಹ

ಕಲಬುರಗಿ: ರಾಜ್ಯದ ಮುಖ್ಯಮಂತ್ರಿ ಬಿ.ಎಸ್ ಯಡಿಯೂರಪ್ಪ ಅವರ ನೇತೃತ್ವದ ಬಿಜೆಪಿ ಸರಕಾರ ಒಂದು ವರ್ಷದ ಪೂರೈಸಿದ್ದು, ಕೊರೊನಾ ಮಹಾಮಾರಿ ಮತ್ತು ಲಾಕ್ ಡೌನ್ ಗೆ ತತ್ತರಿಸಿ, ಯಾವುದೇ ಆದಾಯ ವಿಲ್ಲದೇ ನ್ಯಾವದಿಗಳು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಕಲ್ಯಾಣ ಕರ್ನಾಟಕ ಕಾನೂನು ಸೇವಾ ನಿರತ ವಕೀಲರ ಹಿತರಕ್ಷಣಾ ಮತ್ತು ಹೋರಾಟ ಸಂಘ ರಾಜ್ಯ ಸರಕಾರ ಪರಿಹಾರ ಘೋಷಣೆಗೆ ಮಾಡಬೇಕೆಂದು ಸಂಘದ ಮುಖಂಡರಾದ ಜೇ. ವಿನೋದ ಕುಮಾರ ಆಗ್ರಹಿಸಿದ್ದಾರೆ.

ಕೋವಿಡ್‌ 19  (ಕರೋನಾ) ಸಾಂಕ್ರಮಿಕ ಹರಡುವಿಕೆಯ ನಂತರ ಕಲ್ಯಾಣ ಕರ್ನಾಟಕದ ವಕೀಲರು (ನ್ಯಾಯವಾದಿಗಳು) ಸಂಕಷ್ಟದಲ್ಲಿದ್ದಾರೆ, (ಮಾರ್ಚ್ 20 ರಿಂದ ಜುಲೈ 20 ) ಲಾಕ್‌ಡೌನ್‌ ಘೋಷಣೆಯ ನಂತರ ಕೋರ್ಟಿನ ಕಲಾಪಗಳು ನಡೆಯುತ್ತಿಲ್ಲ, ಆಗಸ್ಟ್ 7 ರವರೇ ಬಹುತೇಕ ಕೋರ್ಟುಗಳು ತುರ್ತು ಪ್ರಕರಣಗಳನ್ನು ಆನ್‌ಲೈನ್‌ ಮೂಲಕ ವಿಲೇವಾರಿ ಮಾಡುತಿದ್ದರೂ ಕಕ್ಷಿದಾರರು ಮತ್ತು ವಕೀಲರು ಕೋರ್ಟಿಗೆ ಹಾಜರಾಗುವುದು ಸಾದ್ಯವಾಗುತ್ತಿಲ್ಲ. ಕಕ್ಷಿದಾರರನ್ನೇ ನಂಬಿಕೊಂಡಿರುವ ಮದ್ಯಮ ವರ್ಗದ ವಕೀಲರು ಇಂದು ಅತಂತ್ರರಾಗಿ ಮನೆಯಲ್ಲಿ ಊಟಕ್ಕೂ ಪರದಾಡುವಂತಾಗಿದೆ ಎಂದು ತಿಳಿಸಿದ್ದಾರೆ.