ದೀಪ ಬೆಳಗಲು ಮನವಿ

ಆಳಂದ; ಆ.೫ರಂದು ಅಯೋಧ್ಯೆಯ ಶ್ರೀರಾಮ ಜನ್ಮಸ್ಥಾನದಲ್ಲಿ ಭವ್ಯವಾದ ಶ್ರೀರಾಮ ಮಂದಿರ ನಿರ್ಮಾಣಕ್ಕೆ ಶಿಲಾನ್ಯಾಸ ಕಾರ್ಯಕ್ರಮ ಜರುಗಲಿರುವುದರಿಂದ ಅಂದು ಶ್ರೀರಾಮನ ಅನುಯಾಯಿಗಳು ಮನೆಯಲ್ಲಿ ದೀಪ ಬೆಳಗಬೇಕೆಂದು ಆಳಂದ ಮಂಡಲ ಬಿಜೆಪಿ ಅಧ್ಯಕ್ಷ ಆನಂದರಾವ ಪಾಟೀಲ ಕೊರಳ್ಳಿ ಮನವಿ ಮಾಡಿದ್ದಾರೆ.

ಅಂದು ತಮ್ಮ ಮನೆಯ ಮುಂದೆ ರಂಗೋಲಿ ಹಾಕಿ, ತೋರಣ ಕಟ್ಟಿ, ಮನೆಯ ಮೇಲೆ ಭಗವಾ ಧ್ವಜ ಹಾರಿಸಬೇಕು. ಬೆಳಿಗ್ಗೆ ೯:೩೦ಕ್ಕೆ ಮನೆಯವರೆಲ್ಲರೂ ತಮ್ಮ ಮನೆಯ ದೇವರ ಕೋಣೆಯ ಮುಂದೆ ಕುಳಿತು ಶ್ರೀ ರಾಮ ಮಂದಿರ ನಿರ್ಮಾಣ ಕಾರ್ಯ ಸುಗಮವಾಗಿ ಆಗಲೆಂದು ಸಂಕಲ್ಪ ಮಾಡಿ ೧೦೮ ಬಾರಿ ರಾಮನಾಮ ಜಪ ಪಠಿಸಿ, ಭಜನೆ ಮಾಡಲು ಕೋರಿದ್ದಾರೆ.

ಸಂಜೆ ೬ ಗಂಟೆಗೆ ತಮ್ಮ ತಮ್ಮ ಮನೆಗಳ ಮುಂದೆ ದೀಪಗಳನ್ನು ಹಚ್ಚಿ ಸಂಭ್ರಮಿಸಬೇಕೆಂದು ಆನಂದರಾವ ಪಾಟೀಲ ಕೊರಳ್ಳಿ ಪತ್ರಿಕಾ ಪ್ರಕಟಣೆಯಲ್ಲಿ ಮನವಿ ಮಾಡಿಕೊಂಡಿದ್ದಾರೆ.