ಜಿಟಿಜಿಟಿ ಮಳೆಗೆ ಮನೆ ಬಿದ್ದು ದವಸ ಧಾನ್ಯ ಹಾನಿ

ಶಹಾಪುರ: ಸತತ ಮೂರು ದಿನಗಳಿಂದ ಸುರಿಯುತ್ತಿರುವ ಜಿಟಿಜಿಟಿ ಮಳೆಗೆ ಮನೆಯೊಂದು ಬಿದ್ದು ದವಸ ಧಾನ್ಯ ಹಾಳಾಗಿರುವ ಘಟನೆ ತಾಲೂಕಿನ ಸಗರ ಗ್ರಾಮದಲ್ಲಿ ಜರುಗಿದೆ.

ಸಗರ ಗ್ರಾಮದ ಶ್ರೀಮತಿ ಸಂಗಮ್ಮ ನಾಗಣ್ಣ ಬಸ್ಸಾನವರ ಅವರಿಗೆ ಸೇರಿದ ಮನೆಯಾಗಿದ್ದು ಇದು ಕೃಷಿ ಆಧಾರಿತ ಕುಟುಂಬವಾಗಿ ರುವುದರಿಂದ ಎರಡು ಚೀಲ ಜೋಳ,ಒಂದು ಚೀಲ ಅಕ್ಕಿ,25 ಕೆ.ಜಿ ತೊಗರಿ,ಸಂಪೂರ್ಣ ಹಾಳಾಗಿದ್ದು ಹಾಗೂ ಇನ್ನಿತರ ವಸ್ತುಗಳು ಮಣ್ಣಿನಲ್ಲಿ ಸಿಲುಕಿಕೊಂಡಿವೆ,ಕುಟುಂಬ ಆಸರೆ ಇಲ್ಲದೆ ಬೀದಿಗೆ ಬರುವಂತಾಗಿದೆ.

ಆದರಿಂದ ಸರ್ಕಾರ ಮನೆಯನ್ನು ಕಳೆದುಕೊಂಡ ಕುಟುಂಬಸ್ಥರಿಗೆ ಪರಿಹಾರ ನೀಡಬೇಕೆಂದು ಈ ಮೂಲಕ ರೈತ ಸಂಘದ ಅಧ್ಯಕ್ಷರಾದ ಮಹೇಶಗೌಡ ಸುಬೇದಾರ ಸರಕಾರಕ್ಕೆ ಒತ್ತಾಯಿಸಿದರು.