ಕರ್ನಾಟಕ ರಕ್ಷಣಾ ವೇದಿಕೆಯಿಂದ ಪತ್ರಿಕಾ ವಿತರಕರ ದಿನ ಆಚರಣೆ

ಸುರಪುರ: ಕರ್ನಾಟಕ ರಕ್ಷಣಾ ವೇದಿಕೆ ಬಲಶೆಟ್ಟಿಹಾಳ ಗ್ರಾಮ ಘಟಕದಿಂದ ಪತ್ರಿಕಾ ವಿತರಕರ ದಿನವನ್ನು ಆಚರಿಸಲಾಯಿತು.ಈ ಸಂದರ್ಭದಲ್ಲಿ ಸುಮಾರು ೨೦ ವರ್ಷಗಳಿಂದ ಗ್ರಾಮದಲ್ಲಿ ಪತ್ರಿಕೆ ವಿತರಕರಾಗಿರುವ ಮಹೆಬೂಬಸಾಬ್ ಕೆಂಚೋಡಿ ಅವರನ್ನು ಸಂಘಟನೆಯಿಂದ ಸನ್ಮಾನಿಸಿ ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಕಾರ್ಯಕ್ರಮದ ನೇತೃತ್ವ ವಹಿಸಿದ್ದ ಕರವೇ ಗ್ರಾಮ ಘಟಕದ ಅಧ್ಯಕ್ಷ ರಾಜು ಅವರಾಧಿ ಮಾತನಾಡಿ,ಇಂದು ನಾವೆಲ್ಲರು ಜಗತ್ತಿನ ಆಗುಹೋಗುಗಳ ಬಗ್ಗೆ ದಿನ ಬೆಳಗಾದರೆ ತಿಳಿಯುವುದು ಪತ್ರಿಕೆಗಳಿಂದ ಅಂತಹ ಪತ್ರಿಕೆಗಳನ್ನು ಮಳೆ ಗಾಳಿ ಚಳಿ ಎನ್ನದೆ ದಿನಾಲು ಬೆಳಿಗ್ಗೆ ಮನೆ ಮನೆಗೆ ಪತ್ರಿಕೆ ವಿತರಿಸು ಮಹತ್ತರವಾದ ಕೆಲಸ ಮಾಡುತ್ತಿರುವ ಮಹೆಬೂಬಸಾಬ್ ಕೆಂಚೋಡಿ ಅವರ ಸೇವೆ ಎಲ್ಲರಿಗು ಮಾದರಿಯಾಗಿದೆ ಎಂದರು.

ಮತ್ತೋರ್ವ ಮುಖಂಡ ನಾಗೇಶ ಗೊಡ್ರಿ ಮಾತನಾಡಿ,ಇಂದು ವಿಶ್ವ ಪತ್ರಿಕಾ ವಿತರಕರ ದಿನವಿದ್ದು ಇಂತಹ ದಿನದಂದು ನಮ್ಮೂರಲ್ಲಿ ಎರಡು ದಶಕಗಳಿಂದ ಪತ್ರಿಕಾ ವಿತರಕಾರಗಿರುವ ಮಹೆಬೂಬಸಾಬ್ ಅವರನ್ನು ಗೌರವಿಸುವುದು ಅವರ ಸೇವೆಗೆ ಸಲ್ಲಿಸುವ ಗೌರವವಾಗಿದೆ.ಮಹೆಬೂಬಸಾಬ್ ಅವರ ಸೇವೆ ನಮಗೆಲ್ಲರಿಗೂ ಮಾದರಿಯಾಗಲಿ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ನಂತರ ಪತ್ರಿಕೆ ವಿತರಕ ಮಹೆಬೂಬಸಾಬ್ ಕೆಂಚೋಡಿಯವರಿಗೆ ಶಾಲು ಹೊದಿಸಿ ಹೂಮಾಲೆ ಹಾಕಿ ಗೌರವಿಸಲಾಯಿತು.ಈ ಸಂದರ್ಭದಲ್ಲಿ ಮುಖಂಡರಾ ಬಸವರಾಜ ಕಟ್ಟಿಮನಿ ಯಮನುರಿ ಮನಗಾರ ವಿರೇಶ ಕುಂಬಾರ ವಿರೇಶಗೌಡ ಸರಸಂಬ ಅಸ್ಮಲ್ ತಾಳಿಕೋಟೆ ಶೋಹಿಲ್ ತಾಳಿಕೋಟೆ ಸಲಿಮಸಾಬ್ ಅವರಾಧಿ ಸಂಗಪ್ಪ ಬಂದಿಗೌಡ ಸೇರಿದಂತೆ ಅನೇಕ ಜನರಿದ್ದರು.