ಮೈಂಡ್ಸ್ ಸಾಲ್ವಿಟ್ ಪ್ರೈವೆಟ್ ಲಿಮಿಟೆಡ್ ಕಲ್ಯಾಣ ಕರ್ನಾಟಕಕ್ಕೆ ಹೆಮ್ಮಯ ಗರಿ

ಸುರಪುರ: ವೀರಪ್ಪ ನಿಷ್ಠಿ ತಾಂತ್ರಿಕ ಮಹಾವಿದ್ಯಾಲಯದ ಇನ್ನೋವೆಶನ್ ಹಾಗೂ ಎಂಟರ್ ಪ್ರೈನರ್‌ಶಿಪ್ ಸೆಂಟರ್ ಮತ್ತು ಕೃಷಿ ವಿಶ್ವವಿದ್ಯಾಲಯ ಧಾರವಾಡ ಸಹಯೋಗದಲ್ಲಿ ರಾಷ್ಟ್ರೀಯ ಕೃಷಿ ವಿಕಾಸ ಯೋಜನೆ ಅಡಿಯಲ್ಲಿ ಅಗ್ರಿ ಬಿಸಿನೆಸ್ ಇನ್‌ಕ್ಯೂಬೇಟರ್‌ದ ಮೈಂಡ್ಸ್ ಸಾಲ್ವಿಟ್ ಪ್ರೈವೆಟ್ ಲಿಮಿಟೆಡ್ ಸಂಸ್ಥೆಯನ್ನು ಕಲ್ಯಾಣ ಕರ್ನಾಟಕ ಭಾಗದ ಸುರಪುರ ಮತ್ತು ಕಲಬುರಗಿಯಲ್ಲಿ ಶ್ರೀ ದೊಡ್ಡಪ್ಪ ಎಸ್ ನಿಷ್ಠಿಯವರು ಪ್ರಪ್ರಥಮ ಬಾರಿಗೆ ಸ್ಥಾಪಿಸುವ ಮೂಲಕ ಈ ಭಾಗದ ರೈತರಿಗೆ, ವಿದ್ಯಾರ್ಥಿಗಳಿಗೆ ಹಾಗೂ ಕೃಷಿ ಚಟುವಟೆಕೆಯಲ್ಲಿ ತೊಡಗಿಸಿಕೊಂಡಿರುವ ಜನರಿಗೆ ಬಹು ದೊಡ್ಡ ಕೊಡುಗೆಯನ್ನು ನೀಡಿದ್ದಾರೆ. ಪ್ರತ್ಯಕ್ಷವಾಗಿ ಪರೋಕ್ಷವಾಗಿ ಈ ಯೋಜನೆಯು ಉದ್ಯೋಗಗಳನ್ನು ಸೃಷ್ಟಿಸಲು ಸಹಕಾರಿಯಾಗಿದೆ.

ಇವರ ತಂದೆಯವರಾದ ಅನುಭವಿ ಕೃಷಿಕರಾದ ಶರಣಬಸಪ್ಪ ನಿಷ್ಠಿ ಜಾಗೀರದಾರ ಈ ಯೋಜನೆಯನ್ನು, ಇವರ ಮಾರ್ಗದರ್ಶನದಲ್ಲಿ, ಕಲ್ಯಾಣ ಕರ್ನಾಟಕ ಭಾಗಕ್ಕೆ ತರಲು ಕೃಷಿಕರು ಆಗಿರುವ ಶ್ರೀ ದೊಡ್ಡಪ್ಪ ಎಸ್ ನಿಷ್ಠಿ ಸಂಸ್ಥಾಪಕರು ಮೈಂಡ್ಸ್ ಸಾಲ್ವಿಟ್ ಪ್ರೈವೆಟ್ ಲಿಮಿಟೆಡ್ ಕಲಬುರಗಿ. ಇವರ ಶ್ರಮ ಅಪಾರವಾದದ್ದು, ಈ ಯೋಜನೆಯು ನಮ್ಮ ಭಾಗಕ್ಕೆ ಬಂದಿರುವುದಕ್ಕೆ ಶರಣಬಸವ ವಿದ್ಯಾವರ್ಧಕ ಸಂಘದ ಅಧ್ಯಕ್ಷರಾದ ಮಹಾದಾಸೋಹಿ ಡಾ. ಪೂಜ್ಯ ಶರಣಬಸವಪ್ಪ ಅಪ್ಪಾ ರವರು, ಸುರಪುರ ಶಿಕ್ಷಣ ಸಂಸ್ಥೆಯ ಕಾರ್ಯದರ್ಶಿಗಳು ಹಾಗೂ ಮುಖ್ಯಸ್ಥರು, ಅಧ್ಯಾಪಕರು, ಭೋಧಕ-ಭೋಧಕೇತರ ಸಿಬ್ಬಂದಿ ವರ್ಗದವರು ಮತ್ತು ವಿದ್ಯಾರ್ಥಿಗಳು ಅಭಿನಂದನೆಗಳೊಂದಿಗೆ ಹರ್ಷವ್ಯಕ್ತಪಡಿಸಿದ್ದಾರೆ.