ಅಧಿಕಾರಿಗಳ ನಿರ್ಲಕ್ಷ್ಯದಿಂದ ನಿರ್ವಹಣೆಯಿಲ್ಲದೇ ಗಬ್ಬೆದ ಸಾರ್ವಜನಿಕ ಮೂತ್ರಾಲಯ

ಕಲಬುರಗಿ: ನಗರದ ಬ್ರಹ್ಮಪುರ ಬಡಾವಣೆಯ ವಾರ್ಡ್ ನಂ. 36ರಲ್ಲಿ ಬರುವ  ಕೋರಿಮಠ ಧನಗರಗಲ್ಲಿ ಸಮೀಪದ  ಸಾರ್ವಜನಿಕ ಮೂತ್ರಾಲಯವು ಸರಿಯಾದ  ನಿರ್ವಹಣೆ ಇಲ್ಲದೆ ಗಬ್ಬು ದುರ್ನಾತ  ಬೀರುತಿದೆ.ನೀರಿನ ಕೊರತೆ ಯಿಂದಾಗಿ ಹಾಳಾಗಿ ಹೋಗುತ್ತಿದೆ. ಇಲ್ಲಿನ ಸಾರ್ವಜನಿಕರು ಮೂತ್ರಾಲಯಕ್ಕೆ ಹೋಗಲು  ಹಿಂದೇಟು ಹಾಕುವಂತಾಗಿದೆ.

ಕೆಲವೊಮ್ಮೆ  ರಸ್ತೆ ಪಕ್ಕದಲ್ಲಿ ಮೂತ್ರ ಮಾಡಿ ಹೋಗುತ್ತಿದ್ದಾರೆ. ಇಲ್ಲಿನ  ಸುತ್ತಮುತ್ತಲಿನ  ಜನರಿಗೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಇಲ್ಲಿಂದ ಸಂಚರಿಸುವ ಸಾರ್ವಜನಿಕರು ಮೂಗು ಮುಚ್ಚಿಕೊಂಡು ಓಡಾಡು ಡುವ ಪರಿಸ್ಥಿತಿ ನಿರ್ಮಾಣವಾಗಿದೆ..  ಮಹಿಳೆಯರು ಕೂಡ ಹಿಡಿಶಾಪ ಹಾಕುತ್ತಾ ಮಜುಗುರ ಪಟ್ಟು  ಸಂಚರಿಸುತ್ತಾರೆ ಎಂದು ಹೋರಾಟಗಾರರು  ಭೀಮಾಶಂಕರ್ ಪಾಣೇಗಾಂವ್ ವ್ಯವಸ್ಥೆಯ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಸ್ವಚ್ಛ ಭಾರತ ಎಂಬ ಘೋಷಣೆಗಳು ಕೇವಲ ಕಚೇರಿಯ ಫೈಲ್ ಗಳಲ್ಲಿ ಮತ್ತು ಸರಕಾರದಿಂದ ಅನುದಾನ ಪಡೆಯಲು ಪಡೆಯಲು ಸಿಮಿತವಾಗಿದೆ ಎಂದು ಅಸಮಧಾನ ವ್ಯಕ್ತಪಡಿಸಿದರು.

ಕೂಡಲೇ ಸಂಬಂಧಿಸಿದ ಅಧಿಕಾರಿಗಳು ಮತ್ತು ಜನಪ್ರತಿನಿಧಿಗಳು ಸಮಸ್ಯೆ ಬಗೆಹರಿಸಿ ಸಾರ್ವಜನಿಕ ಸ್ಥಳದಲ್ಲಿರುವ ಸೌಚಾಲಯದ ನಿರ್ವಹಣೆ ಜವಾಬ್ದಾರಿಯನ್ನು ನಿರ್ವಹಿಸಬೇಕೆಂದು ಅವರು ಒತ್ತಾಯಿಸಿದ್ದಾರೆ.