ಸಿಡಿಲು ಬಡಿದು ಮೂವರು ದುರ್ಮರಣ

ಕಲಬುರಗಿ : ಜಿಲ್ಲೆಯ ನಿನ್ನೆ ರಾತ್ರಿ ಹಲವಡೆ ಗುಡುಗು ಸಿಡಿಲು ಸಹಿತ ಭಾರಿ ಮಳೆ ಸುರಿದ ಪರಿಣಾಮ ಕಾಳಗಿ ತಾಲೂಕಿನಲ್ಲಿ  ಮಂಗಲಗಿ ಗ್ರಾಮದಲ್ಲಿ ಸಿಡಿಲ ಹೊಡೆತಕ್ಕೆ ಮನೆಯ ಮೇಲ್ಛಾವಣಿ ಕುಸಿದು ಮೂವರು ದುರ್ಮರಣ ಹೊಂದಿರುವ ಘಟನೆ ಸಂಭವಿಸಿದೆ.

ಅಬಿದಾಬಿ ಮುಜಾವರ್ (58), ಶಫಿಕ್ ಭಂಟನಳ್ಳಿ (10) ಹಾಗೂ  ಅಲಿಯಾ ಮುಸ್ತಫಾ (12) ಸಿಡಿಲಿ ಬಲಿಯಾದ ಮೃತ ದುರ್ದೈವಿಗಳು.  ಮೆಹಬೂಬ್​ ಭಂಟನಳ್ಳಿ(15), ತಸ್ಲಿಂ ಗಿಡ್ಡೆ (11)  ಹೈದರ್ಸಾ​ಬ್ ಭಂಟನಳ್ಳಿ(50) ಹಾಗೂ ಮಾಶುಮ್ ಭಂಟನಳ್ಳಿ(18) ಗಾಯಗಳಾಗಿದ್ದು, ಗಾಯಾಗಳುಗಳಿಗೆ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ಮನೆಯಲ್ಲಿ ರಾತ್ರಿ ಮಲಗಿದ್ದ ವೇಳೆ ರಾತ್ರಿ ಜಿಲ್ಲಾದ್ಯಂತ ಗುಡುಗು, ಸಿಡಿಲು ಬಿರುಗಾಳಿ ಸಹಿತ ಮಳೆ ಬಿದ್ದಿತ್ತು, ಈ ಸಂದರ್ಭದಲ್ಲಿ ಘಟನೆ ಸಂಭವಿಸಿದೆ ಎನ್ನಲಾಗಿದೆ. ಘಟನಾ ಸ್ಥಳಕ್ಕೆ ತಹಶೀಲ್ದಾರರು ಭೇಟಿ ನೀಡಿ ಮಾಹಿತಿ ಪಡೆದಿದ್ದು,ಈ ಕುರಿತು ಕಾಳಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.