ವಿಕೋಪದಿಂದ ಸಾವಿಗೀಡಾದ ಕುರಿಗಳ ಪರಿಹಾರಕ್ಕೆ ಒತ್ತಾಯ

ರಾಯಚೂರು: ವಿಕೋಪದಿಂದ ಸತ್ತ ಕುರಿಗಳಿಗೆ ಪರಿಹಾರ ಮತ್ತು ಔಷಧಿಗಳನ್ನು ವಿತರಣೆ ಮಾಡಬೇಕು ಎಂದು ಅಮೋಘ ಸಿದ್ದೇಶ್ವರ ಕುರಿ ಸಂಗೋಪನೆ ಹಾಗೂ ಉಣ್ಣೆ ಉತ್ಪಾದಕರ ಸಹಕಾರ ಸಂಘ ನಿಯಮಿತ ಅಧ್ಯಕ್ಷ ಮಲ್ಲಯ್ಯ ಗೋರ್ಕಲ್ ಹೇಳಿದರು.

ಅವರಿಂದು ನಗರದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ ಈ ವರ್ಷದಲ್ಲಿ ಅತಿಯಾದ ಮಳೆ ಯಿಂದಾಗಿ ಸುಮಾರು ಕುರಿಗಳು ಸಾವನ್ನಪ್ಪಿವೆ, ಇದರಿಂದ ಕುರಿಗಾರರು ಸಂಕಷ್ಟದಲ್ಲಿ ಜೀವನ ಸಾಗಿಸುತ್ತಿದ್ದಾರೆ. ಕಳೆದ ಸರ್ಕಾರದಲ್ಲಿ ಸತ್ತ ಕುರಿಗಳಿಗೆ 5 ಸಾವಿರ ರೂ. ಗಳನ್ನ ಪರಿಹಾರ ಮತ್ತು ಔಷಧಿ ಗಳನ್ನ ನೀಡುವುದಾಗಿ ಹೇಳಿ ದ್ದರು.ಇದೀಗ ಬಿಜೆಪಿ ಸರ್ಕಾರದಲ್ಲಿ ಕುರಿಗಾರರಿಗೆ ಯಾವುದೇ ಔಷಧವನ್ನು ನೀಡಿಲ್ಲ ಎಂದರು.

ಕುರಿಗಾರರು ಹೆಚ್ಚಿನ ಹಣ ವೆಚ್ಚ ಮಾಡಿ ಔಷಧಗಳನ್ನು ಖರೀದಿಸಿ ಕುರಿಗಳಿಗೆ ಚಿಕಿತ್ಸೆ ಕೊಡಿಸುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಕುರಿಗಳಲ್ಲಿ ಚರ್ಮ ಗಂಟು ರೋಗ ಹಾಗೂ ಕಾಲು ಬಾಯಿ ರೋಗದಂತಹ ಮಾರಕ ರೋಗ ಹರಡಿದರೂ ಇದುವರೆಗೂ ಸಂಬಂಧಿಸಿದ ಇಲಾಖೆಯು ಯಾವುದೇ ರೀತಿಯ ಕ್ರಮವನ್ನು ಕೈಗೊಂಡಿರುವುದಿಲ್ಲ ಎಂದು ಆರೋಪಿಸಿದರು.

ಜಿಲ್ಲೆಗೆ 2018-19ನೇ ಸಾಲಿನಲ್ಲಿ ಕುರಿಗಾರರಿಗೆ ಸುಮಾರು 300 ಟೆಂಟ್ ಗಳು , ಬಲೆ ಮತ್ತು ಇನ್ನಿತರ ಪರಿಕರಗಳು ಹಾಗೂ ಎಸ್.ಸಿ.ಪಿ, ಟಿ.ಎಸ್.ಪಿ ಯೋಜನೆ ಅಡಿಯಲ್ಲಿ 80 ಜನ ಕುರಿಗಾರರಿಗೆ ಸಾಲ ಸೌಲಭ್ಯವನ್ನು ಒದಗಿಸಲಾಗಿತ್ತು. ಈ ವರ್ಷದಲ್ಲಿ ಸಂಚಾರಿ ಕುರಿಗಾರರಿಗೆ ಕೇವಲ 10 ಟೆಂಟ್‌ಗಳನ್ನು , ಬಲೆ ಮತ್ತು ಇನ್ನಿತರ ಪರಿಕರಗಳು ಹಾಗೂ ನೀಡಲಾಗಿದೆ ಎಂದು ತಿಳಿಸಿದರು.

ಉನ್ನತ ಪದವಿ ಪಡೆದ ನಿರುದ್ಯೋಗ ಯುವಕರು ಮತ್ತು ಸಾಫ್ಟ್ವೇರ್ ಗಳು ಹಾಗೂ ಇನ್ನಿತರ ವಿದ್ಯಾವಂತ ಯುವಕರು ಸ್ವಾವಲಂಬಿ ಜೀವನ ನಡೆಸಲು ಕುರಿಸಾಕಾಣಿಕೆಯಲ್ಲಿ ಆಸಕ್ತಿಯನ್ನು ಹೊಂದಿ ಸ್ವಾವಲಂಬಿ ಜೀವನ ನಡೆಸುವಂತಾ ಗಿದೆ. ಕುರಿಸಾಕಾಣಿಕೆ ಒಂದು ಕುರುಬ ಸಮಾಜಕ್ಕೆ ಮಾತ್ರ ಸೀಮಿತವಲ್ಲ ಎಲ್ಲಾ ಸಮುದಾಯದ ಯುವಕರು ಸಹ ಕುರಿಸಾಕಾಣಿಕೆ ಯನ್ನು ಮಾಡುತ್ತಿದ್ದಾರೆ ಎಂದು ಹೇಳಿದರು.

ಕುರಿಗಾರರ ರಕ್ಷಣೆ ಸಲುವಾಗಿ ಈ ಮೊದಲು ಹಿಂದಿನ ಸರ್ಕಾರವು ಬಂದೂಕಿನ ಪರವಾನಿಗೆ ನೀಡಬೇಕೆಂದು ಹೇಳಿತ್ತು. ಇದುವರೆಗೂ ಚಾರಿಯಾಗಿಲ್ಲ, ಕೂಡಲೇ ಕುರಿಗಾರರ ಜೀವ ರಕ್ಷಣೆಗಾಗಿ ಬಂದೂಕಿನ ಪರವಾನಿಗೆಯನ್ನು ಸಂಬಂಧಿಸಿದ ಇಲಾಖೆಯವರಿಗೆ ಆದೇಶಿಸಬೇಕು, ಯೋಜನೆಗಳನ್ನು ಮುಂದುವರೆಸಿ, ಹೆಚ್ಚಿನ ಸೌಲಭ್ಯ ಗಳನ್ನು ಒದಗಿಸಿ , ನಿರದ್ಯೋಗದ ಯುವಕರಿಗೆ ಕುರಿಸಾಕಾಣಿಕೆಯಂತಹ ಒಂದು ಉದ್ಯೋಗವನ್ನು ಒದಗಿಸಿಕೊಟ್ಟು ಅನುಕೂಲ ಮಾಡಿಕೊಡಬೇಕೆಂದು ಒತ್ತಾಯಿಸಿದರು.

ಈ ಸಂದರ್ಭದಲ್ಲಿ ಶಿವಣ್ಣ ವಕೀಲ ಮಂಜುನಾಥ, ವಿರೂಪಾಕ್ಷ ಗೌಡ,ಶ್ರೀನಿವಾಸ ಸೇರಿದಂತೆ ಇತರರು ಇದ್ದರು.