ಶ್ರೀಮಂತ ಯುವಕನ ಅಪಹರಣ ಪ್ರಕರಣ: 7 ಆರೋಪಿಗಳ ಬಂಧನ

ಬೆಂಗಳೂರು: ಶ್ರೀಮಂತ ಯುವಕನೊಬ್ಬನನ್ನು ಅಪಹರಿಸಿ 30 ಲಕ್ಷ ಹಣಕ್ಕಾಗಿ ಬೇಡಿಕೆ ಇಟ್ಟುರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ 7ಜನ ಆರೋಪಿಗಳನ್ನು ಬಂಧಿಸಿ ಬೆಂಗಳೂರಿನ ತಿಲಕನಗರ ಪೊಲೀಸರಿಗೊಪ್ಪಿಸಿದ ನಾಗಮಂಗಲ ಟೌನ್ ಪೊಲೀಸರು.

ಕಳೆದ ಎರಡು ದಿನಗಳ ಹಿಂದೆ ಅಪಹರಿಸಿ 30 ಲಕ್ಷ ರೂ ಗಳಿಗೆ ಬೇಡಿಕೆ ಇಟ್ಟ 7 ಜನ ಅಪಹರಣಕಾರರು, ಯುವಕನನ್ನು ಕರೆದುಕೊಂಡು ಬೆಂಗಳೂರಿನಿಂದ ನಾಗಮಂಗಲ ಬಂದು ಅಪಹರಣಕಾರರ ಸ್ನೇಹಿತರಾದ ನಾಗಮಂಗಲದ ನಿವಾಸಿಗಳಾದ ಸತೀಶ್, ಮಹೇಶ್, ಗಿರೀಶ್, ಎಂಬುವವರನ್ನು ಸಂಪರ್ಕಿಸಿ ಪಟ್ಟಣದ ಎಸ್.ಎಲ್.ಎನ್ ಗ್ರಾಂಡ್ ರೆಸಿಡೆನ್ಸಿ ಲಾಡ್ಜ್ ನಲ್ಲಿ ಎರಡು ರೂಮುಗಳನ್ನು ಪಡೆದು ಮಧ್ಯಪಾನ ಮಾಡುತ್ತಿದ್ದ ಸಂದರ್ಭದಲ್ಲಿ ಅಪಹರಣ ಗೊಂಡಿದ್ದ ಯುವಕನ ಕಡೆಯವರಿಂದ 30 ಸಾವಿರ ಬಂದಿದ್ದು ಅಪಹರಣ ಗೊಂಡಿದ್ದ ಹುಡುಗನನ್ನು ಬಿಡುಗಡೆ ಮಾಡಿದ್ದಾರೆ ಎಂದು ತಿಳಿದುಬಂದಿದೆ.

ಬಿಡುಗಡೆಗೊಂಡ ಯುವಕ ತನ್ನ ಪೋಷಕರಿಗೆ ಫೋನ್ ಮೂಲಕ ನನ್ನನ್ನು ಬಿಟ್ಟು ಕಳುಹಿಸಿರುವುದಾಗಿ ವಿಷಯ ತಿಳಿಸಿದ್ದಾನೆ. ನಂತರ ಪೋಷಕರು ಅಪಹರಣ ವಾಗಿರುವ ಬಗ್ಗೆ ದೂರು ನೀಡಿದ್ದ ಬೆಂಗಳೂರಿನ ತಿಲಕ ನಗರ ಪೊಲೀಸರಿಗೆ ಮಾಹಿತಿ ತಿಳಿಸಿ ಯುವಕ ಕರೆ ಮಾಡಿದ ಮೊಬೈಲ್ ನಂಬರನ್ನು ಪೊಲೀಸರಿಗೆ ನೀಡಿದ್ದಾರೆ.

ಪೊಲೀಸರು ಅಪಹರಣಕ್ಕೊಳಗಾಗಿದ್ದ ಯುವಕನಿಗೆ ಕರೆ ಮಾಡಿ ಅಪಹರಣಕಾರರು ಬಿಟ್ಟು ಕಳಿಸಿದ ಜಾಗದ ಬಗ್ಗೆ ಮಾಹಿತಿ ಕಲೆಹಾಕಿ ನಂತರ ನಾಗಮಂಗಲ ಟೌನ್ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ರವಿಕಿರಣ್ ರವರಿಗೆ ಕರೆ ಮಾಡಿ ಘಟನೆಯ ವಿವರಗಳನ್ನು ತಿಳಿಸಿ ಅಪಹರಣಕಾರರು ಇರುವ ಸ್ಥಳದ ಬಗ್ಗೆ ಮಾಹಿತಿ ನೀಡುತ್ತಾರೆ.

ಕಾರ್ಯಪ್ರವೃತ್ತರಾದ ನಾಗಮಂಗಲ ಟೌನ್ ಪೊಲೀಸ್ ಠಾಣೆಯ ಸಬ್ ಇನ್ಸ್ಪೆಕ್ಟರ್ ರವಿಕಿರಣ್, ಒಂದು ತಂಡ ರಚನೆ ಮಾಡಿಕೊಂಡು ಮಿಂಚಿನ ಕಾರ್ಯಾಚರಣೆ ನಡೆಸಿ ಎಸ್.ಎಲ್.ಎನ್ ಗ್ರಾಂಡ್ ರೆಸಿಡೆನ್ಸಿ ಲಾಡ್ಜ್ ಮೇಲೆ ದಾಳಿ ಮಾಡಿ ಅಪಹರಣಕಾರರದ ಬೆಂಗಳೂರಿನ ವಿದ್ಯಾರಣ್ಯಪುರಂ ನಿವಾಸಿಗಳಾದ ಮಹೇಶ್, ಮೋಹನ್, ನವ್ಯಂತ್, ಭರತ್, ಜೋಸೆಫ್, ರವಿಕಿರಣ್, ರಾಜು, ಎಂಬ 7 ಜನ ಆರೋಪಿಗಳನ್ನು ಬಂದಿಸಿ ಬೆಂಗಳೂರಿನ ತಿಲಕ್ ನಗರ ಪೊಲೀಸರಿಗೆ ಒಪ್ಪಿಸಿದರು.

ಕಾರ್ಯಾಚರಣೆಯಲ್ಲಿ ಪ್ರೋಬೇಷನರಿ ಪಿಎಸ್ಐ ಶ್ರೀಧರ್, ಸಿಬ್ಬಂದಿ ರಮೇಶ್, ರೇವಣ್ಣ, ಶಂಕ್ರಯ್ಯ, ಸಿದ್ದಪ್ಪ, ಜಿಪ್ ಚಾಲಕ ರಾಜೇಶ್ ಪಾಲ್ಗೊಂಡಿದ್ದರು.