ಮಳೆ ಹಾನಿ ಸ್ಥಳಗಳಿಗೆ ಟೀಂ ರಾಜುಗೌಡ ಸೇವಾ ಸಮಿತಿ ಕಾರ್ಯಕರ್ತರ ಭೇಟಿ

ಸುರಪುರ: ಶಾಸಕ ನರಸಿಂಹ ನಾಯಕ (ರಾಜುಗೌಡ) ಅವರು ವಿಧಾನಸಭಾ ಅಧೀವೇಶನದಲ್ಲಿ ಭಾಗವಹಿಸಿರುವುದರಿಂದ ಸುರಪುರ ಮತ್ತು ಹುಣಸಗಿ ತಾಲೂಕಿನಲ್ಲಿ ಮಳೆಯಿಂದ ಏನಾದರು ಸಮಸ್ಯೆಗಳು ಉಂಟಾದಲ್ಲಿ ತಮ್ಮ ಕಾರ್ಯಕರ್ತರಿಗೆ ತಿಳಿಸುವಂತೆ ವಿನಂತಿಸಿಕೊಂಡಿದ್ದರಿಂದ ತಾಲೂಕಿನಲ್ಲಿ ಮಳೆಯಿಂದ ಹಾನಿಗೀಡಾದ ಸ್ಥಳಗಳಿಗೆ ಟೀಂ ರಾಜುಗೌಡ ಸೇವಾ ಸಮಿತಿ ಕಾರ್ಯಕರ್ತರು ಭೇಟಿ ನೀಡಿ ಹಾನಿಯ ಮಾಹಿತಿ ಸಂಗ್ರಹಣೆ ಆರಂಭಿಸಿದರು.

ನಗರದಲ್ಲಿನ ಅನೇಕ ಕಡೆಗಳಿಗೆ ಟೀಂ ರಾಜುಗೌಡ ಸೇವಾ ಸಮಿತಿಯ ಕಾರ್ಯಕರ್ತ ಪರಶುರಾಮ ನಾಟೇಕಾರ ಮತ್ತಿತರರು ಭೇಟಿ ನೀಡಿ ಮಳೆಯಿಂದ ಬಿದ್ದ ಮನೆಗಳ ಮಾಹಿತಿ ಸಂಗ್ರಹ ಮಾಡಿದರು.ನಗರದ ರಂಗಂಪೇಟೆ ದೀವಳಗುಡ್ಡ ತಿಮ್ಮಾಪುರ ಕುಂಬಾರಪೇಟೆ ವೆಂಕಟಾಪುರ ಮೇದಾಗಲ್ಲಿ ಮತ್ತಿತರೆಡೆಗಳಲ್ಲಿ ಸಂಚರಿಸಿ ಸಾರ್ವಜನಿಕರಿಂದ ಮಾಹಿತಿ ಸಂಗ್ರಹಿಸಿ ಶಾಸಕರಿಗೆ ತಿಳಿಸುವ ಕುರಿತು ಭರವಸೆ ನೀಡಿದರು.

ಅದೇರೀತಿಯಾಗಿ ಪೇಠ ಅಮ್ಮಾಪುರ ಭಾಗದಲ್ಲಿ ಮಲ್ಲಿಕಾರ್ಜುನ ರಡ್ಡಿ ಕಕ್ಕೇರಾ ಪುರಸಭೆ ವ್ಯಾಪ್ತಿಯಲ್ಲಿ ಪ್ರಕಾಶ ಕುಂಬಾರ ರಾಜನಕೊಳ್ಳೂರ ಭಾಗದಲ್ಲಿ ರೋಹಿತ್ ಪಾಟೀಲ್ ಖಾನಾಪುರ ಎಸ್.ಹೆಚ್ ಭಾಗದಲ್ಲಿ ತಿಗಳಪ್ಪ ಕವಡಿಮಟ್ಟಿ ಅರಕೇರಾ ಜೆ ಭಾಗದಲ್ಲಿ ಕೃಷ್ಣಾರಡ್ಡಿ ಮುದನೂರ ದೇವತ್ಕಲ್ ಭಾಗದಲ್ಲಿ ಸಂತೋಷ ರಡ್ಡಿ ಮಳೆ ಹಾನಿಯ ಕುರಿತು ಮಾಹಿತಿ ಸಂಗ್ರಹಿಸಿದರು.