ಪತ್ರಕರ್ತ ಗೋಪಾಲರಾವ್ ಕುಲಕರ್ಣಿ ಕುಟುಂಬಕ್ಕೆ ಕೆಜೆಯು ಸಾಂತ್ವಾನದ ನೆರವು

ಸುರಪುರ: ಕಳೆದ ಕೆಲ ದಿನಗಳ ಹಿಂದೆ ಅನಾರೋಗ್ಯದಿಂದ ನಿಧನರಾದ ಹುಣಸಗಿಯ ಪತ್ರಕರ್ತ ಗೋಪಾಲರಾವ್ ಅವರ ಹುಣಸಗಿ ತಾಲೂಕಿನ ವಜ್ಜ ಗ್ರಾಮದಲ್ಲಿನ ಕುಟುಂಬಕ್ಕೆ ಕರ್ನಾಟಕ ಜರ್ನಲಿಸ್ಟ್ಸ್ ಯೂನಿಯನ್ ಮುಖಂಡರು ಭೇಟಿ ನೀಡಿ ಸಾಂತ್ವಾನ ಹೇಳಿದರು.

ಈ ಸಂದರ್ಭದಲ್ಲಿ ಕೆಜೆಯು ಜಿಲ್ಲಾಧ್ಯಕ್ಷ ಡಿ.ಸಿ.ಪಾಟೀಲ್ ಮಾತನಾಡಿ,ಗೋಪಾಲರಾವ್ ಕುಲಕರ್ಣಿಯವರು ಒಬ್ಬ ಸಮಾಜಮುಖಿ ಚಿಂತನೇಯ ಪತ್ರಕರ್ತರಾಗಿದ್ದರು.ಅವರು ವರದಿಗಾರರಾಗಿ ಜೊತೆಗೆ ನಮ್ಮ ಕೆಜೆಯುನ ಹಿತೈಷಿಗಳಾಗಿ ಅನೇಕ ಬಾರಿ ಮಾರ್ಗದರ್ಶನ ಮಾಡಿದ್ದರು.ಅಂತವರನ್ನು ಕಳೆದುಕೊಂಡು ದೊಡ್ಡ ನಷ್ಟವುಂಟಾಗಿ ಎಂದು ಬೇಸರ ವ್ಯಕ್ತಪಡಿಸಿದರು.

ಅವರು ಅನಾರೋಗ್ಯಕ್ಕೀಡಾದರು ತಮ್ಮ ವೃತ್ತಿ ಧರ್ಮವನ್ನು ಮರೆತಿರಲಿಲ್ಲ,ಅವರು ಇಂದಿನ ಅನೇಕ ಜನ ಯುವ ಪತ್ರಕರ್ತರಿಗೆ ಮಾದರಿಯಾಗಿದ್ದರು ಅವರ ನಿಧನ ತುಂಬಾ ನೋವು ಮೂಡಿಸಿದೆ.ಕೆಜೆಯುನ ಎಲ್ಲರು ಒಂದೇ ಕುಟುಂಬದವರಿದ್ದಂತೆ ಆದ್ದರಿಂದ ನಾವೆಲ್ಲರು ಸದಾಕಾಲ ಅವರ ಕುಟುಂಬ ವರ್ಗದ ಜೊತೆಗಿರುವುದಾಗಿ ತಿಳಿಸಿದರು.ಇದೇ ಸಂದರ್ಭದಲ್ಲಿ ಕೆಜೆಯು ವತಿಯಿಂದ ೧೦ ಸಾವಿರ ರೂಪಾಯಿಗಳ ಧನ ಸಹಾಯವನ್ನು ಮಾಡಿ ಸಾಂತ್ವಾನ ಹೇಳಲಾಯಿತು.

ಈ ಸಂದರ್ಭದಲ್ಲಿ ಕೆಜೆಯು ರಾಜ್ಯ ಸಮಿತಿ ಸದಸ್ಯರಾದ ಪವನ್ ಕುಲಕರ್ಣಿ ಗೋಪಾಲರಾವ್ ಅವರ ಸಹೋದರ ಭೀಮಶೇನರಾವ್ ಕುಲಕರ್ಣಿ,ಧೀರೇಂದ್ರ ಕುಲರ್ಣಿ ಕೆಜೆಯು ಸುರಪುರ ತಾಲೂಕು ಅಧ್ಯಕ್ಷ ರಾಜು ಕುಂಬಾರ ಉಪಾಧ್ಯಕ್ಷ ರವಿರಾಜ ಕಂದಳ್ಳಿ ಪ್ರಧಾನ ಕಾರ್ಯದರ್ಶಿ ಪರಶುರಾಮ ನಾಯಕ ಹುಣಸಗಿ ತಾಲೂಕು ಅಧ್ಯಕ್ಷ ಬಾಪುಗೌಡ ಮೇಟಿ ಬಸವರಾಜ ಕಟ್ಟಿಮನಿ ಮಹಾದೇವಪ್ಪ ಬೊಮ್ಮನಹಳ್ಳಿ ರಾಘವೇಂದ್ರ ಮಾಸ್ತರ್ ಮನಮೋಹನ್ ಪ್ರತಿಹಸ್ತ ಪುರುಷೋತ್ತಮ ದೇವತ್ಕಲ್ ಹಣಮಂತ ತಳವಾರ ಚೆನ್ನೂರ ಸೇರಿದಂತೆ ಗೋಪಾಲರಾವ್ ಅವರ ಕುಟುಂಬ ವರ್ಗ ಇದ್ದರು.