ರಾಜ್ಯ ಸರಕಾರಗಳಿಂದ ರೈತ ವಿರೋಧಿ ನೀತಿ: ಗೋಪಾಲ ನಾಟೀಕಾರ

ಕಲಬುರಗಿ: ರೈತ ವಿರೋಧಿ ಅನುಸರಿಸುತ್ತಿರುವ ರಾಜ್ಯ ಮತ್ತು ಕೇಂದ್ರ ಸರಕಾರಗಳು ಇದೀಗ ಭೂಸುಧಾರಣೆ, ಎ.ಪಿ.ಎಮ್. ಸಿ ಹಾಗೂ ಕಾರ್ಮಿಕ ಕಾಯ್ದೆ ತಿದ್ದುಪಡಿ ಮಾಡಿ ರೈತ ಕುಲಕ್ಕೆ ಮರಣ ಶಾಸನವನ್ನು ಧಾರೆ ಎರೆಯಲು ಮುಂದಾಗಿದೆ ಎಂದು ಕರ್ನಾಟಕ ರಕ್ಷಣಾ ವೇದಿಕೆ (ಪ್ರವೀಣ್ ಶೆಟ್ಟಿ) ಬಣದ ಪ್ರಧಾನ ಕಾರ್ಯದರ್ಶಿಯಾದ ಗೋಪಾಲ ನಾಟೀಕಾರ ಎರಡೂ ಸರಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.

ಈ ಕುರಿತು ಪ್ರಕಟಣೆ ನೀಡಿದ ಅವರು, ಕೇಂದ್ರ ಸರಕಾರ ಜಾರಿಗೆ ತಂದಿರುವ ಎ.ಪಿ.ಎಮ್.ಸಿ ತಿದ್ದುಪಡಿ ಕಾಯ್ದೆಯಿಂದ ರೈತರು ಬೆಳೆದ ಬೆಳೆಗೆ ಸಮರ್ಪಕವಾದ ಬೆಲೆ ದೊರೆಯುವಲ್ಲಿ ಮೋಸವಾಗುತ್ತದೆ. ರೈತರು ಬೆಳೆದ ಬೆಳೆಗೆ ಎ.ಪಿ.ಎಮ್.ಸಿ ಮುಖೇನೆ ದೊರೆಯುತ್ತಿದ್ದ ಲಾಭವನ್ನು ಬೇರೆ ಕಂಪನಿಯ ಮಾಲೀಕರ ಬಾಯಿಗೆ ಹಾಕಲು ಈ ಕಾಯಿದೆ ಅನೂಕುಲ ಮಾಡಿಕೊಟ್ಟಿದೆ ಎಂದರು.

ಕೇಂದ್ರ ಹಾಗೂ ರಾಜ್ಯ ಸರಕಾರಗಳು ಜಾರಿ ಮಾಡುತ್ತಿರುವ ರೈತ , ಕಾರ್ಮಿಕ ಹಾಗೂ ಜನ ವಿರೋಧಿ ಕಾಯ್ದೆಗಳನ್ನು ಕರ್ನಾಟಕ ರಕ್ಷಣಾ ವೇದಿಕೆ (ಪ್ರವೀಣ್ ಶೆಟ್ಟಿ ) ಬಣ ಸಂಘಟನೆಯು ಉಗ್ರವಾಗಿ ವಿರೋಧಿಸುತ್ತದೆ ಎಂದು ಹೇಳಿದರು