ಚಿಂಚೋಳಿ: ಮನೆ ಕಂಪೌಂಡ ಒಳಗೆ 32 ಕೆ.ಜಿ ಗಾಂಜಾ ಪತ್ತೆ

ಕಲಬುರಗಿ: ಚಿಂಚೋಳಿಯ ಅಬಕಾರಿ ಇಲಾಖೆಯ ಅಧಿಕಾರಿಗಳು ತಾಲೂಕಿನ ಪಟಪಳ್ಳಿ ಗ್ರಾಮದಲ್ಲಿ ಗಸ್ತು ಮಾಡುತ್ತಿರುವಾಗ ಮನೆಯ ಮೇಲೆ ದಾಳಿ ನಡೆಸಿ 32 ಕೆ.ಜಿ ಗಂಜಾ ವಶಪಡಿಸಿಕೊಂಡಿದ್ದಾರೆ.

ಈ ಕುರಿತು ಖಚಿತ ಮಾಹಿತಿ ಮೇರೆಗೆ ಭೀಮರೆಡ್ಡಿ ತಂದೆ ಅನಂತರೆಡ್ಡಿ ಇವರಿಗೆ ಸೇರಿದ ಮನೆಮೇಲೆ ದಾಳಿ ಮಾಡಲಾಗಿ ಮನೆಯ ಕಾಂಪೋಂಡ್ ಒಳಗಡೆ ಸುಮಾರು 140000 ರೂಪಾಯಿಗಳ 25 ಗಾಂಜಾ ಗಿಡಗಳು ಒಟ್ಟು 32 ಕೆಜಿ ಹಸಿ ಗಾಂಜಾ ಜಪ್ತಿ ಮಾಡಿದ್ದಾರೆ.

ಚಿಂಚೋಳಿ ತಾಲೂಕಿನ ಪಟಪಳ್ಳಿ ಗ್ರಾಮದಲ್ಲಿ ಅಬಕಾರಿ ಇಲಾಖೆಯ ಜಂಟಿ ಆಯುಕ್ತರು(ಜಾರಿ ಮತ್ತು ತನಿಖೆ) ನಿರ್ದೇಶನದಂತೆ ದಾಳಿಯಲ್ಲಿ ಅಬಕಾರಿ ಇಲಾಖೆಯ ಎಸ್ಪಿ ಸಂಗನಗೌಡ ಹೊಸಳ್ಳಿ, ಡಿಎಸ್ಪಿ ವಿಜಯಕುಮಾರ ರಾಮಪೂರೆ, ಚಿಂಚೋಳಿಯ ತಹಶೀಲ್ದರಾದ ಅರುಣಕುಮಾರ ಕುಲಕರ್ಣಿ, ಅಬಕಾರಿ ನಿರೀಕ್ಷಕ ಮಲ್ಲಿಕಾರ್ಜುನ ಹನಗಂಡಿ, ಸಬ್ ಇನ್ಸ್ಪೆಕ್ಟರ ರಮೇಶ ಬಿರಾದರ ಸೇರಿ ಅಬಕಾರಿ ಸಿಬ್ಬಂದಿಗಳು ದಾಳಿಯಲ್ಲಿ ಇದ್ದರು.

ಚಿಂಚೋಳಿಯ ಅಬಕಾರಿ ಇಲಾಖೆಯಲ್ಲಿ ಪ್ರಕರಣ ದಾಖಲಾಗಿಿದ್ದು, ತನಿಖೆ ನಡೆಸುತ್ತಿದ್ದಾರೆ.