ಶಶೀಲ ನಮೋಶಿ ಅವರಿಗೆ ಪ್ರಥಮ ಪ್ರಾಶಸ್ತ್ಯದ ಮತ ನೀಡಿ-ವಲ್ಯಾಪುರೆ

ಶಹಾಬಾದ:ರಾಜ್ಯದಲ್ಲಿ ಬಿಜೆಪಿ ಸರಕಾರವಿರುವುದರಿಂದ ಬಿಜೆಪಿ ಅಭ್ಯರ್ಥಿ ಶಶೀಲ ನಮೋಶಿ ಅವರಿಗೆ ಪ್ರಥಮ ಪ್ರಾಶಸ್ತ್ಯದ ಮತ ನೀಡಿ ಗೆಲ್ಲಿಸಿದರೇ ಶಿಕ್ಷಕರ ಹೆಚ್ಚಿನ ಸಮಸ್ಯೆಗಳು ಬಗೆಹರಿಯಲಿವೆ ಎಂದು ವಿಧಾನ ಪರಿಷತ್ ಸದಸ್ಯ ಸುನೀಲ ವಲ್ಯಾಪುರೆ ಹೇಳಿದರು.

ಅವರು ಶುಕ್ರವಾರ ಈಶಾನ್ಯ ಶಿಕ್ಷಕರ ಮತಕ್ಷೇತ್ರದ ವಿಧಾನ ಪರಿಷತ್ ಚುನಾವಣೆಯ ನಿಮಿತ್ತ ನಗರದ ರಾಷ್ಟ್ರಭಾಷಾ ಶಿಕ್ಷಣ ಸಮಿತಿಯ ಶಿಕ್ಷಕರಿಗೆ ಬಿಜೆಪಿಗೆ ಮತಯಾಚಿಸುವಂತೆ ಕೋರಿ ಮಾತನಾಡಿದರು.

ಮುಖ್ಯಮಂತ್ರಿ ಯಡಿಯೂರಪ್ಪನವರು ಶಿಕ್ಷಕರಿಗೆ ಸಿಗಬೇಕಾದ ಎಲ್ಲಾ ಸವಲತ್ತುಗಳನ್ನು ಯಥಾವತ್ತಾಗಿ ನೀಡಿದ್ದಾರೆ.ಯಾವ ಸರಕಾರ ನೀಡದ ಸೌಲಭ್ಯಗಳು ಹಾಗೂ ಶಿಕ್ಷಕರ ಸಮಸ್ಯೆಗಳನ್ನು ಬಗೆಹರಿಸುವಲ್ಲಿ ಪ್ರಾಮಾಣಿಕ ಪ್ರಯತ್ನ ಬಿಜೆಪಿ ಸರಕಾರದಿಂದ ಆಗಿದೆ.ಅಲ್ಲದೇ ಮಟ್ಟೂರ ಅವರು ಯಾವುದೇ ಕೆಲಸ ಮಾಡಿಲ್ಲ. ಅವರು ನಮ್ಮ ಕೈಯಿಗೆ ಸಿಗುತ್ತಿಲ್ಲ.ಅಲ್ಲದೇ ಫೋನ್ ಕರೆ ಕೂಡ ಸ್ವೀಕರಿಸುವುದಿಲ್ಲ ಎಂದು ದೂರು ಶಿಕ್ಷಕ ವರ್ಗದವರಿಂದ ಬರುತ್ತಿದೆ. ಆದರೆ ಶಶೀಲ ನಮೋಶಿ ಅವರು ಎಲ್ಲರಿಗೂ ಸಿಗುವಂಥ ವ್ಯಕ್ತಿಗಳು.ಅಲ್ಲದೇ ನಿಮ್ಮ ಯಾವ ಸಮಸ್ಯೆಗಳಿದ್ದರೇ ಅದನ್ನು ನಮ್ಮ ಮೂಲಕವೂ ಬಗೆಹರಿಸಕೊಳ್ಳಬಹುದು.ಅದಕ್ಕೆ ನಾನು ಸಂಪೂರ್ಣ ಸಹಕಾರ ನೀಡುತ್ತೆನೆ.ಆದರೆ ನಿಮ್ಮೆಲ್ಲರ ಮೊದಲ ಪ್ರಾಶಸ್ತ್ಯ ಮತ ಬಿಜೆಪಿ ಅಭ್ಯರ್ಥಿ ಶಶೀಲ ನಮೋಶಿ ಅವರಿಗೆ ನೀಡಬೇಕೆಂದು ಶಿಕ್ಷಕ ಮತದಾರರಲ್ಲಿ ಮನವಿ ಮಾಡಿದರು.

ಬಿಜೆಪಿ ಅಧ್ಯಕ್ಷ ಅಣವೀರ ಇಂಗಿನಶೆಟ್ಟಿ, ನಗರ ಸಹಾಯಕ ಪ್ರಭಾರಿ ಮುರುಳಿಧರರಾವ ಕುಲಕರ್ಣಿ ಜ್ಯೋತಿ ಶರ್ಮಾ,ಶಶಿಕಲಾ ಸಜ್ಜನ್, ಜಯಶ್ರೀ ಸೂಡಿ, ನಿಂಗಣ್ಣ ಹುಳಗೋಳಕರ್, ಸದಾನಂದ ಕುಂಬಾರ,ಭೀಮಯ್ಯ ಗುತ್ತೆದಾರ, ಮಹಾದೇವ ಗೊಬ್ಬೂರಕರ್,ಸಿದ್ರಾಮ ಕುಸಾಳೆ, ರಾಮು ಕುಸಾಳೆ, ಕನಕಪ್ಪ ದಂಡಗುಲಕರ ಸೇರಿದಂತೆ ಅನೇಕರು ಹಾಜರಿದ್ದರು.