ಕನ್ನಡ ನಾಡು ನುಡಿಯ ಸೇವೆ ಎಲ್ಲರ ಕರ್ತವ್ಯವಾಗಬೇಕು: ರಾಜಾ ಲಕ್ಷ್ಮೀನಾರಾಯಣ ನಾಯಕ

ಸುರಪುರ: ಕನ್ನಡ ಸೇನೆ ಕರ್ನಾಟಕ ವತಿಯಿಂದ ನಗರದ ಹಳೆ ತಹಸೀಲ್ ಕಚೇರಿ ಬಳಿಯಲ್ಲಿ ಕನ್ನಡ ರಾಜ್ಯೋತ್ಸವ ಹಾಗು ಆಟೋ ಘಟಕದ ಉದ್ಘಾಟನೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.

ಕಾರ್ಯಕ್ರಮದಲ್ಲಿ ಭಾಗವಹಿಸಿ ಆಟೋ ಘಟಕ ಉದ್ಘಾಟಿಸುವ ಜೊತೆಗೆ ಧ್ವಜಾರೋಹಣ ನೆರವೇರಿಸಿದ ಸುರಪುರ ಅರಸು ಮನೆತನದ ರಾಜಾ ಲಕ್ಷ್ಮೀನಾರಾಯಣ ನಾಯಕ ಮಾತನಾಡಿ,ನಮ್ಮ ಕನ್ನಡ ನಾಡಿಗೆ ಸಾವಿರಾರು ವರ್ಷಗಳ ಭವ್ಯವಾದ ಇತಿಹಾಸವಿದೆ ಇಂತಹ ನಾಡನ್ನು ಇಲ್ಲಿಯ ಕಲೆ ಸಂಸ್ಕೃತಿಯನ್ನು ಅನೇಕ ರಾಜ ಮನೆತನಗಳು ಆಳುವ ಜೊತೆಗೆ ನಾಡನ್ನು ಕಟ್ಟುವ ಕೆಲಸ ಮಾಡಿವೆ,ಇಂತಹ ನಾಡಿಗಾಗಿ ಸೇವೆ ಮಾಡುವ ಭಾಗ್ಯ ನಮಗೆಲ್ಲರಿಗು ಸಿಕ್ಕಿದೆ,ಆದ್ದರಿಂದ ಎಲ್ಲರು ಕನ್ನಡಿಗರಾಗಿ ನಾಡ ಸೇವೆಯಲ್ಲಿ ತೊಡಗೋಣ.ನಾವು ಕನ್ನಡಿಗರೆಂಬ ಹೆಮ್ಮೆ ಎಲ್ಲರಲ್ಲಿ ಸದಾ ಇರಲಿ ಎಂದು ತಿಳಿಸಿದರು.

ಇದೇ ಸಂದರ್ಭದಲ್ಲಿ ಕನ್ನಡ ಸೇನೆ ಆಟೋ ಘಟಕವನ್ನು ಉದ್ಘಾಟಿಸಲಾಯಿತು ಹಾಗು ಕನ್ನಡ ಧ್ವಜಾಸ್ತಂಭವನ್ನು ಅನಾವರಣಗೊಳಿಸಲಾಯಿತು.

ಕಾರ್ಯಕ್ರಮದಲ್ಲಿ ಮುಖಂಡರಾದ ರಾಜಾ ಪಿಡ್ಡ ನಾಯಕ ವೆಂಕೋಬ ದೊರೆ ಬೊಮ್ಮನಹಳ್ಳಿ ಮಲ್ಲು ವಿಷ್ಣುಸೇನಾ ಮಾನಪ್ಪ ನಾಯಕ ದುರ್ಗಪ್ಪ ಡೊಣ್ಣಿಗೇರಾ ರಾಮಕೃಷ್ಣ ಕೆಂಚಪ್ಪ ದವಲಸಾಬ್ ವಿಜಯಕುಮಾರ ಬಡಿಗೇರ ಶಿವು ಕವಡಿಮಟ್ಟಿ ಸೇರಿದಂತೆ ಅನೇಕರು ಭಾಗವಹಿಸಿದ್ದರು,ಕನ್ನಡ ಸೇನೆ ತಾಲೂಕು ಅಧ್ಯಕ್ಷ ಮಲ್ಲಿಕಾರ್ಜುನ ಹೊಸಮನಿ ನೇತೃತ್ವ ವಹಿಸಿದ್ದರು.