ಜನನಿ ಮಹಾವಿದ್ಯಾಲಯದಲ್ಲಿ ಸಂವಿಧಾನ ಸಮರ್ಪಣಾ ದಿನ ಆಚರಣೆ

ಸುರಪುರ: ನಗರದ ಜನನಿ ಮಹಿಳಾ ಕಲಾ ಮತ್ತು ವಾಣಿಜ್ಯ ಪದವಿ ಮಹಾವಿದ್ಯಾಲಯದಲ್ಲಿ ಸಂವಿಧಾನ ದಿನವನ್ನು ಆಚರಿಸಲಾಯಿತು.

ಈ ಸಂದರ್ಭದಲ್ಲಿ ಡಾ. ಬಿ.ಆರ್.ಅಂಬೇಡ್ಕರ ರವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸುವುದರ ಮೂಲಕ ಕಾರ್ಯಕ್ರಮವನ್ನು ಆಚರಿಸಲಾಯಿತು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಪ್ರಾಂಶುಪಾಲ ಕು.ಬಸವರಾಜೇಶ್ವರಿ ಘಂಟಿ ಮಾತನಾಡಿ, ನಾವೆಲ್ಲರೂ ಜನೇವರಿ ೨೬ ರಂದು ಸಂವಿಧಾನ ಜಾರಿಗೆ ಬಂದ ದಿನವನ್ನು ಆಚರಿಸುತ್ತೇವೆ.

ಆದರೆ ಅದಕ್ಕಿಂದ ಮುಂಚೆಯೇ ೧೯೪೯ ನವೆಂಬರ್ ೨೬ ರಂದು ಭಾರತದ ಸಂಸತ್ತಿನ ಶಾಸನ ಸಭೆಯಲ್ಲಿ ಅಂಬೇಡ್ಕರರು ಸಂವಿಧಾನವನ್ನು ಮಂಡಿಸಿದ ದಿನವನ್ನು ಭಾರತ ಸರಕಾರವು ಅವಿಸ್ಮರಣೀಯಗೊಳಿಸಲು ೨೦೧೫ ರಲ್ಲಿ ಅಂಬೇಡ್ಕರರ ೧೨೫ನೇ ಜನ್ಮ ಶತಮಾನೋತ್ಸವದ ಅಂಗವಾಗಿ ನವೆಂಬರ್ ೨೬ ರಂದು ಸಂವಿಧಾನ ದಿವಸ ಎಂದು ಪ್ರಕಟಣೆಯನ್ನು ಹೊರಡಿಸಿತು ಅಂದಿನಿಂದ ಇಂದಿನವರೆಗೆ ನಾವು ಸಂವಿಧಾನ ದಿನವನ್ನು ನಮ್ಮ ಮಹಾವಿದ್ಯಾಲಯದಲ್ಲಿ ರಾಷ್ಟ್ರೀಯ ಸೇವಾ ಯೋಜನೆಯ ಘಟಕದ ಆಶ್ರಯದಲ್ಲಿ ಆಚರಿಸುತ್ತಿದ್ದೇವೆ ಎಂದರು.

ಕಾರ್ಯಕ್ರಮದಲ್ಲಿ ರಾಷ್ಟ್ರೀಯ ಸೇವಾ ಯೋಜನೆಯ ಅಧಿಕಾರಿಗಳಾದ ಡಾ.ಮಲ್ಲಿಕಾರ್ಜುನ ಕಮತಗಿ, ಆದಿಶೇಷ ನೀಲಗಾರ, ಸುವರ್ಣ ಅಂಟೋಳಿ, ಚಂದ್ರಶೇಖರ. ವೆಂಕಟೇಶ ಜಾಲಗಾರ, ಮರೆಮ್ಮ ಕಟ್ಟಿಮನಿ, ಉಪಸ್ಥಿತರಿದ್ದರು.