ಎಲ್ಲಾ ಮಕ್ಕಳಿಗು ಉತ್ತಮ ಶಿಕ್ಷಣ ದೊರೆಯಲು ಶ್ರಮಿಸೋಣ: ಅನ್ವರ್ ಜಮಾದಾರ್

ಸುರಪುರ: ಜಿಲ್ಲಾ ಪಂಚಾಯಿತಿ ಯಾದಗಿರಿ, ತಾಲೂಕ ಪಂಚಾಯಿತಿ ಸುರಪುರ ಮತ್ತು ಗ್ರಾಮ ಪಂಚಾಯಿತಿ ಆಲ್ದಾಳ ಹಾಗೂ ಅಜೀಮ್ ಪ್ರೇಮಜಿ ಫೌಂಡೇಷನ ಸಹಯೋಗದಲ್ಲಿ ಮಕ್ಕಳ ಹಕ್ಕುಗಳ ಗ್ರಾಮಸಭೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.

ಕಾರ್ಯಕ್ರಮದಲ್ಲಿ ಅಜೀಮ್ ಪ್ರೇಮಜೀ ಫೌಂಡೇಷನ್ ಸಂಪನ್ಮೂಲ ವ್ಯಕ್ತಿ ಅನ್ವರ ಜಮಾದಾರ ಮಾತನಾಡುತ್ತಾ, ಹುಟ್ಟಿದ ಪ್ರತಿಯೊಂದು ಮಗು ಬದುಕುವ, ವಿಕಾಸಹೊಂದುವ, ರಕ್ಷಣೆಯ, ಅಭಿವೃದ್ಧಿ ಹೊಂದುವ ಹಕ್ಕನ್ನು ಹೊಂದಿದ್ದಾರೆ. ಇಂದು ಸಹ ಅನೇಕ ಕಾರಣಗಳಿಂದಾಗಿ ಕೆಲವು ಮಕ್ಕಳು ಶಿಕ್ಷಣದಿಂದ ವಂಚಿತರಾಗುತ್ತಿದ್ದಾರೆ, ಬಾಲಕಾರ್ಮಿಕರಾಗಿ ತಮ್ಮ ಬಾಲ್ಯವನ್ನು ಕಳೆದುಕೊಳ್ಳುತ್ತಿದ್ದಾರೆ, ಶಿಕ್ಷಣ ಇಲಾಖೆ ಜೊತೆ ಗ್ರಾಮ ಪಂಚಾಯಿತಿಯವರು, ಚುನಾಯಿತ ಪ್ರತಿನಿಧಿಗಳು ಶ್ರಮವಹಿಸಿ ಎಲ್ಲಾ ಮಕ್ಕಳಿಗೆ ಉತ್ತಮ ಶಿಕ್ಷಣ ಲಭಿಸಲು ಶ್ರಮಿಸಬೇಕೆಂದರು.

ಶಾಲೆಯ ಮುಖ್ಯಗುರು ಶಶಿಕುಮಾರ ಮಾತನಾಡುತ್ತ, ಮಕ್ಕಳ ಹಕ್ಕುಗಳ ಕಾರ್ಯಕ್ರಮ ಸಾಂಕೇತಿಕವಾಗಿ ಚಾಲನೆ ನೀಡಲಾಗಿದ್ದು ಮುಂದಿನ ದಿನಗಳಲ್ಲಿ ಪ್ರತಿಯೊಂದು ಮಗುವಿಗೆ ಈ ಕುರಿತು ಜಾಗೃತಿ ಮೂಡಿಸಲಾಗುವುದೆಂದರೆ. ಈ ಸಂದರ್ಭದಲ್ಲಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಮಕ್ಕಳು ತಮ್ಮ ಶಾಲೆಗಳಿಗೆ ಕೆಲವು ಬೇಡಿಕೆಗಳಾದ, ಕಾಂಪೌಂಡ, ಗುಣಮಟ್ಟದ ಶೌಚಾಲಯ, ನೀರಿನ ವ್ಯವಸ್ಥೇ, ವಿದ್ಯುತ ಹಾಗೂ ಗ್ರಾಮದ ಸ್ವಚ್ಚತೆ ಹೀಗೆ ವಿವಿಧ ಬೇಡಿಕೆಗಳನ್ನು ಕುರಿತು ಮೌಖಿಕವಾಗಿ ವಿವರಿಸಿದರು. ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಯಾದ ರಾಜಕುಮಾರರವರು ಮಕ್ಕಳು ಈ ಬೇಡಿಕೆಗಳನ್ನು ಹಂತ ಹಂತವಾಗಿ ನೆರವೇರಿಸುವುದಾಗಿ ಭರವಸೆ ನೀಡಿದರು.

ಗ್ರಾಮ ಪಂಚಾಯಿತಿ, ಕಾರ್ಯದರ್ಶಿ ರಾಚಣ್ಣಗೌಡ ಮಲ್ಲಣ್ಣ, ಸುಮಿತ್ತಾ, ಕಾರ್ಯಕ್ರಮದಲ್ಲಿ ಪ್ರೌಢ ಶಾಲೆ ಶಿಕ್ಷಕರಾದ, ಸಿದ್ಧಪ್ಪ ದೇಸಾಯಿ ರಾಜು, ಅನಿಲ, ಲಖನ, ಶ್ವೇತಾ, ಅಶೋಕ, ಯಂಕಣ್ಣ ವಂದನಾರ್ಪಣೆ ಶಿವುಕುಮಾರ, ಕಾರ್ಯಕ್ರಮ ನಿರೂಪಣೆ ಮೌನೇಶ ಪತ್ತಾರ, ಅಂಗನವಾಡಿ ಶಿಕ್ಷಕಿ ಸೋಪನ ಬಿ. ಹಣಮಂತಿ, ಪ್ರೌಢ ಮತ್ತು ಪ್ರಾಥಮಿಕ ಶಾಲೆ ಮಕ್ಕಳು ಭಾಗವಹಿಸಿದ್ದರು.