ಮೂರು ವರ್ಷ ಕಳೆದರು ಮುಗಿದಿಲ್ಲ ಮುಖ್ಯಮಂತ್ರಿ ಗ್ರಾಮ ವಿಕಾಸ ಯೋಜನೆ ಕಾಮಗಾರಿ

ಶಹಾಪೂರ: ವಡಗೇರ ತಾಲೂಕಿನ ಯಕ್ಷಿಂತಿ ಗ್ರಾಮವನ್ನು 2017 ರಲ್ಲಿ ಮುಖ್ಯಮಂತ್ರಿ ಗ್ರಾಮವಿಕಾಸ ಯೋಜನೆಯಡಿ ಆಯ್ಕೆಮಾಡಿದ್ದು ೧ ಕೋಟಿ ಮೊತ್ತವು ನಿಗದಿಪಡಿಸಲಾಗಿದ್ದು ನಿಗದಿಪಡಿಸಿದ ಮೊತ್ತಕ್ಕೆ ಗ್ರಾಮ ವಿಕಾಸ ಯೋಜನೆಯ ಮಾರ್ಗಸೂಚಿಯಂತೆ ಒಟ್ಟು (26) ಕಾಮಗಾರಿಗಳ ಕ್ರಿಯಾಯೋಜನೆಗೆ ಜಿಲ್ಲಾ ಪಂಚಾಯತ ಮುಖ್ಯ ಕಾರ್ಯನಿರ್ವಾಹಣ ಅಧಿಕಾರಿಗಳು ಅನುಮೊದನೆ ನೀಡಿದರು.

2019 ನೇ ಸಾಲಿನಲ್ಲಿ KRIDL ಅಧಿಕಾರಿಗಳು ಇತರೆ ವಾರ್ಡಗಳಲ್ಲಿ ಸಿಸಿ ರಸ್ತೆ ಕಾಮಗಾರಿಗಳು ಪ್ರಾರಂಭಮಾಡಿದ್ದರು. SC ST ವಾರ್ಡಗಳಲ್ಲಿ ಸಿಸಿ ರಸ್ತೆ ಚರಂಡಿ ಕಾಮಗಾರಿಗಳು ಮಾಡಿಲ್ಲ ಇನ್ನುಳಿದ ಕಾಮಗಾರಿಗಳು 12 ಲಕ್ಷದ ಸಾರ್ವಜನಿಕ ಗ್ರಂಥಾಲಯ 12 ಲಕ್ಷದ ಅಂಬೇಡ್ಕರ ಭವನ 15 ಲಕ್ಷದ ಬಯಲು ರಂಗಮಂದಿರ 8 ಲಕ್ಷದ ದೇವಸ್ಥಾನಗಳ ಜೀರ್ಣೊದ್ದಾರ 3 ಲಕ್ಷದ 10 ಸ್ಥಳಗಳಲ್ಲಿ ಸೌರಬೆಳಕು ದೀಪಗಳ ಅಳವಡಿಕೆ ಕಾಮಗಾರಿಗಳು ತಕ್ಷಣ ಪ್ರಾರಂಭಕ್ಕಕೆ ರೈತ ಸಂಘಟನೆ ಹಾಗೂ ದಲಿತ ಸಂಘಟನೆ ವತಿಯಿಂದ ಹಲವಾರುಬಾರಿ ಮನವಿ ನೀಡಲಾಗಿದೆ.

ಆದರೆ ಅಧಿಕಾರಿಗಳ ನಿರ್ಲಕ್ಷವಹಿಸುತ್ತಿದ್ದು, ಜಿಲ್ಲಾ ಪಂಚಾಯತ ಮುಖ್ಯಕಾರ್ಯನಿರ್ವಾಹಣ ಅಧಿಕಾರಿಗಳು ತಕ್ಷಣ ಎಚ್ಚೆತ್ತಿಕೊಂಡು ಸಂಬಂದಪಟ್ಟ ಅಧಿಕಾರಿಗಳಿಗೆ ಕಾಮಗಾರಿಗಳು ಪ್ರಾರಂಭಮಾಡಲು ಮೌಖಿಕ ಹಾಗೂ ಲಿಖಿತವಾಗಿ ಸೂಚಿಸಬೇಕು ಎಂದು ಸಂಘಟನೆಗಳು ಆಗ್ರಹಿಸಿವೆ.

ವಿಳಂಬ ಮಾಡಿದಲ್ಲಿ ಮುಂಬರುವ ಗ್ರಾಮ ಪಂಚಾಯತ ಚುನಾವಣೆಯನ್ನು ಗ್ರಾಮಸ್ತರೆಲ್ಲರು ಬಹಿಸ್ಕರಿಸುತ್ತೆವೆಂದು ದಲಿತ ಸಂಘರ್ಷ ಸಮಿತಿ ಅಧ್ಯಕ್ಷ ನಿಂಗಣ್ಣ ಕರಡಿ ಆಗ್ರಹಿಸಿದ್ದಾರೆ.