ಪರಿಸರ ರಕ್ಷಣೆ ನಮ್ಮಲ್ಲೆರ ಜವಾಬ್ದಾರಿ ಜೇಮಶೇರಿ ಕರೆ

ನಾಯ್ಕಲ್ : ಪರಿಸರ ರಕ್ಷಣೆ ಮಾಡುವುದು ಪ್ರತಿಯೊಬ್ಬರ ಜವಾಬಾರಿಯಾಗಿದೆ ಎಂದು ಗ್ರಾಮ ಪಂಚಾಯಿತಿ ಅಧ್ಯಕ್ಷ ಖಾಜಾ ಮೈನೋದ್ಧೀನ್ ಜೇಮಶೇರಿ ಹೇಳಿದರು.

ಅವರು ಮಂಗಳವಾರ ಬೆಳಗ್ಗೆ ಗ್ರಾಮದ ಗ್ರಾಮ ಪಂಚಾಯಿತಿ ಆವರಣದಲ್ಲಿ ಜಿಲ್ಲಾ ಪಂಚಾಯತ್ ಯಾದಗಿರ, ತಾಲೂಕು ಪಂಚಾಯತ್ ಶಹಾಪುರ ಹಾಗೂ ಗ್ರಾಮ ಪಂಚಾಯಿತಿ ಇವರ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಸ್ವಚ್ಛ ಮೇವ ಜಯಂತಿ ಹಾಗೂ ವಿಶ್ವ ಪರಿಸರ ದಿನ ಅಂಗವಾಗಿ ಸಸಿಗಳನ್ನು ನೆಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು. ಪರಿಸರದಿಂದ ಉತ್ತಮ ಪರಿಶಿದ್ಧವಾದ ವಾತಾವರಣ ಅಲ್ಲದೆ ಸಕಾಲಕ್ಕೆ ಮಳೆಯು ಆಗುತ್ತೆದೆ. ಗಿಡಗಳನ್ನು ನಾಶ ಮಾಡದಂತೆ, ಅವುಗಳನ್ನು ಪೋಷಿಸಿ ಪಾಲನೆ ಪೋಷಣೆ ಮಾಡಿದರೆ ಮುಂದೆ ಹೆಮ್ಮರಗಳಾಗಿ ನೆರಳು ಕೋಡಬಹುದು ಎಂದರು.

ಪ್ರತಿಯೊಬ್ಬರು ಗಿಡಮರಗಳನ್ನು ಬೆಳೆಸುವ ಪಣ ತೋಡಬೇಕು ಎಂದರು. ಜಿಪಂ ಸದಸ್ಯೆ ದೇವೆಕಮ್ಮ ಮುನಮುಟಿಗಿ ಕಾರ್ಯಕ್ರಮ ಉದ್ಘಾಟಿಸಿದರು. ಸರ್ಕಾರಿ ಪ್ರೌಢ ಶಾಲೆ ಮುಖ್ಯ ಶಿಕ್ಷಕ ವೆಂಕೋಬಾ, ತಾಪಂ ಸದಸ್ಯೆ ಖಾಲೀದಾ ಬೇಗ್ಂ ಕುರುಕುಂದಾ, ಗ್ರಾಪಂ ಉಪಾಧ್ಯಕ್ಷೆ ಮಂಜುಳಾ ಶಿವರಾಯ, ಗ್ರಾಪಂ ಸದಸ್ಯರು, ಪಿಡಿಒ ಲಕ್ಷ್ಮೀ ಪಾಟೀಲ್, ಕಾರ್ಯದರ್ಶಿ ರೇವಣಸಿದ್ದಪ್ಪ, ಅರಣ್ಯ ಇಲಾಖೆ ಸಿಬ್ಬಂದಿ, ಗ್ರಾಪಂ ಸಿಬ್ಬಂದಿ ಮತ್ತು ಶಾಲೆಯ ಶಿಕ್ಷಕ ವರ್ಗ ಸೇರಿದಂತೆ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.