ಸಾವಿತ್ರಿಬಾಯಿ ಪಾಟೀಲ,ಶಿವಪುತ್ರ ಕರಣಿಕ್, ಸಂತೋಷ ಸಲಗರ್, ಸುಲೋಚನಾ ಜಾಧವ ಆಯ್ಕೆ

ಶಹಾಬಾದ:ತಾಲೂಕಿನಲ್ಲಿ ಮಂಗಳವಾರ ನಡೆದ ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಕಾರ್ಯಕಾರಿ ಸಮಿತಿಯ ಚುನಾವಣೆಯಲ್ಲಿ ಸಾವಿತ್ರಿಬಾಯಿ ಪಾಟೀಲ,ಶಿವಪುತ್ರ ಕರಣಿಕ್, ಸಂತೋಷ ಸಲಗರ್, ಸುಲೋಚನಾ ಜಾಧವ ಅವರು ತಾಲೂಕಾ ಕಾರ್ಯಕಾರಿ ಸಮಿತಿ ಸದಸ್ಯರಾಗಿ ಆಯ್ಕೆಯಾದರು.

ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಕಾರ್ಯಕಾರಿ ಸಮಿತಿಗೆ ಮಂಗಳವಾರ ನಡೆದ ಚುನಾವಣೆಯಲ್ಲಿ ಒಟ್ಟು 198 ಮತದಾರರಲ್ಲಿ, 188 ಮತದಾರರು ತಮ್ಮ ಮತ ಚಲಾಯಿಸುವ ಮೂಲಕ 95.54 ಪ್ರತಿಶತ ಮತ ಚಲಾವಣೆಯಾದವು.

ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಕಾರ್ಯಕಾರಿ ಸಮಿತಿಯ ಚುನಾವಣೆಯ 8 ಅಭ್ಯರ್ಥಿಗಳಲ್ಲಿ ಸಾವಿತ್ರಿಬಾಯಿ ಪಾಟೀಲ – 109 ಮತ, ಶಿವಪುತ್ರ ಕರಣಿಕ್-99, ಸಂತೋಷ ಸಲಗರ್-93, ಸುಲೋಚನಾ ಜಾಧವ -88 ಮತಗಳನ್ನು ಪಡೆದುಕೊಂಡು ಗೆಲುವು ಸಾಧಿಸಿದ್ದಾರೆ. ರಿಹಾನ ಪರವೀನ್-81, ಶಬ್ಬೀರಮೀಯಾ-80,ರುಕ್ಸಾನಾ ಬೇಗಂ-79, ಪ್ರಮೋದಕುಮಾರ-71 ಮತಗಳನ್ನು ಪಡೆದು ಸೋಲನ್ನು ಅನುಭವಿಸಿದರು.

ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಕಾರ್ಯಕಾರಿ ಸಮಿತಿಗೆ ನಡೆದ ಚುನಾವಣೆಯಲ್ಲಿ, ಮತ ಎಣಿಕೆಯ ನಂತರ ಸಾವಿತ್ರಿಬಾಯಿ ಪಾಟೀಲ,ಶಿವಪುತ್ರ ಕರಣಿಕ್, ಸಂತೋಷ ಸಲಗರ್, ಸುಲೋಚನಾ ಜಾಧವ ಆಯ್ಕೆಯಾಗಿದ್ದಾರೆ ಎಂದು ಚುನಾವಣಾವಧಿಕಾರಿ ರಮೇಶ ಥಳಂಗೆ ಮತ್ತು ಸಹಾಯಕ ಚುನಾವಣಾಧಿಕಾರಿ ಹಾಜಪ್ಪ ತಿಳಿಸಿದರು.

ವಿಜಯೋತ್ಸವ: ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಕಾರ್ಯಕಾರಿ ಸಮಿತಿಯ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ ನಾಲ್ಕು ಜನರ ಬೆಂಬಲಿಗರು, ಶಿಕ್ಷಕರು ಹಾಗೂ ಹಿತೈಷಿಗಳು ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಿದರು.