ಕೃಷ್ಣಾ ಕಾಡಾ ನಿರ್ದೇಶಕ ಭಾಗೇಶ ಹೊತಿನಮಡುಗೆ ಸನ್ಮಾನ

ಸುರಪುರ: ಭೀಮರಾಯನಗುಡಿಯ ಕೃಷ್ಣಾ ಕಾಡಾ ನಿರ್ದೇಶಕರಾಗಿ ಸರಕಾರದಿಂದ ನಾಮ ನಿರ್ದೇಶನಗೊಂಡಿರುವ ಭಾಗೇಶ ಹೊತಿನಮಡು ಅವರನ್ನು ಸಗರನಾಡು ಸೇವಾ ಪ್ರತಿಷ್ಠಾನವತಿಯಿಂದ ಭಾನುವಾರ ರಂಗಂಪೇಟೆಯ ಖಾದಿ ಕೇಂದ್ರದ ಆವರಣದಲ್ಲಿ ಸನ್ಮಾನಿಸಿ ಅಭಿನಂದಿಸಲಾಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಸಗರನಾಡು ಸೇವಾ ಪ್ರತಿಷ್ಠಾನ ಅಧ್ಯಕ್ಷ ಪ್ರಕಾಶ ಅಂಗಡಿ ಕನ್ನೆಳ್ಳಿ ಮಾತನಾಡಿ ಯುವಕರು ಉತ್ಸಾಹಿಗಳು ಆಗಿರುವ ಭಾಗೇಶ ಅವರನ್ನು ಸರಕಾರ ಕಾಡಾ ನಿರ್ದೇಶಕರಾಗಿ ನೇಮಕಮಾಡಿರುವುದು ಈ ಭಾಗದ ಯುವಜನತೆಗೆ ಖುಷಿಯ ವಿಚಾರವಾಗಿದ್ದು , ಬರುವ ದಿನಗಳಲ್ಲಿ ರೈತಪರವಾದ ಯೋಜನೆಗಳನ್ನು ಹಮ್ಮಿಕೊಳ್ಳುವ ಮೂಲಕ ಕೃಷ್ಣ ಕಾಡಾ ಪ್ರಗತಿಗೆ ಶ್ರಮಿಸಬೇಕು ಎಂದು ಸಲಹೆ ನೀಡಿದರು.

ಸನ್ಮಾನ ಸ್ವಿಕರಿಸಿ ಮಾತನಾಡಿದ ಭಾಗೇಶ ಹೊತಿನಮಡು ಎ.ಬಿ.ವಿಪಿ ಕಾರ್ಯಕರ್ತನಾಗಿ, ಸಂಘ ಪರಿವಾರದ ಮೂಲಕ ಕಾರ್ಯನಿರ್ವಹಿಸುತ್ತಿರುವ ನನಗೆ ಸರಕಾರ ಮಹತ್ತರ ಜವಬ್ದಾರಿ ವಹಿಸಿದ್ದು, ನಮ್ಮ ಅವದಿಯಲ್ಲಿ ರೈತರಿಗೆ ಪೂರಕವಾಗಿ ಕಾರ್ಯನಿರ್ವಹಿಸುತ್ತೇನೆ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಶರಣು ಸೇವಾ ಸಂಸ್ಥೆಯ ಅಧ್ಯಕ್ಷ ಶಿವರಾಜ ಕಲಿಕೇರಿ, ಪ್ರಮುಖರಾದ ವಾಸು ನಾಯಕ ಬೈರಿಮಡ್ಡಿ, ವಿಜಯಕುಮಾರ ಅಂಗಡಿ, ಕಲ್ಯಾಣಶೇಟ್ಟಿ ಗೋಗಿ, ಸುಭಾಷಕಾಯಿ ಗೋಗಿ, ಮಲ್ಲಿಕಾರ್ಜುನ ಸುಭೇದಾರ, ಗುರು ಹಾವಿನಾಳ, ಹಣಮಂತ್ರಾಯ ಕಕ್ಕೇರಿ, ಪ್ರವಿಣ ಜಕಾತಿ ಸೇರಿದಂತೆ ಇತರರಿದ್ದರು.