ಕ್ರೀಡೆಗಳಿಂದ ಉತ್ತಮ ಆರೋಗ್ಯ ಕ್ಕೆ ದಾರಿ ಸುನಿಲ್ ಮಾನ್ಪಡೆ

ಕಲಬುರಗಿ: ಕಮಲಾಪುರ ತಾಲೂಕಿನ ಮುದ್ದಡಗಾ ಗ್ರಾಮದಲ್ಲಿ ಸಂಗಮೇಶ್ವರ ಕ್ರಿಕೆಟ್ ಕ್ಲಬ್ ನೇತೃತ್ವದಲ್ಲಿ ಆಯೋಜಿಸಲಾದ ಟೂರ್ನಾಮೆಂಟ್‌ನ್ನು ರೈತ ಮುಖಂಡ, ಯುವ ನೇತಾರ ಸುನೀಲ ಮಾನಪಡೆ ಅವರು ಉದ್ಘಾಟಿಸಿ ಮಾತನಾಡುತ್ತಾ ದುಶ್ಚಟಗಳಿಂದ ವಿಮುಖರಾಗಿ ಕ್ರೀಡಾ ಚಟುವಟಿಕೆಗಳಲ್ಲಿ ಭಾಗವಹಿಸಬೇಕೆಂದು ಮಾನಪಡೆ ಯುವಕರಿಗೆ ಕರೆ ನೀಡಿದರು.

ದೇಶದಲ್ಲಿ ರೈತರು ಹಾಗೂ ಕಾರ್ಮಿಕರು ಸಂಕಷ್ಟದಲ್ಲಿದ್ದಾರೆ. ಈ ಬಗ್ಗೆ ಯುವಕರು ಜಾಗೃತರಾಗಬೇಕೆಂದು ಹೇಳಿದರು. ಕಾರ್ಯಕ್ರಮದ ಸಾನಿಧ್ಯವನ್ನು ಸದ್ಯೋಜತ ಷ.ಬ್ರ. ರೇಣುಕಾ ಶಿವಾಚಾರ್ಯರು ವಹಿಸಿದ್ದರು.

ಈ ಸಂದರ್ಭದಲ್ಲಿ ರೇವಣಸಿದ್ದಪ್ಪ ಕಲಬುರಗಿ, ಸೋಮಶೇಖರ ಸಿಂಗೆ,ಸಿದ್ದಲಿಂಗ ಪಾಳಾ, ಶಿವಶರಣ ಮುದ್ದಡಗಿ, ಮೈಲಾರಿ ನಾಟೀಕಾರ, ಸಿದ್ರಾಮಪ್ಪ ಪಾಟೀಲ ಇನ್ನಿತರರು ಇದ್ದರು.