ವಿದ್ಯಾಗಮ ಬದಲಿಗೆ ಶಾಲಾ-ಕಾಲೇಜು ಆರಂಭಿಸಲು ಆನಂದ ತೆಗನೂರ ಒತ್ತಾಯ

ಕಲಬುರಗಿ: ವಿದ್ಯಾಗಮ ಹಾಗೂ ಆನಲೈನ್ ಶಿಕ್ಷಣದಿಂದ ಶೈಕ್ಷಣಿಕ ಪ್ರಗತಿ ಏನು ವರ್ಕೌಟ ಆಗದು. ಸರಕಾರ ಜನವರಿಯಿಂದ ವಿದ್ಯಾಗಮ ಬದಲಿಗೆ ಶಾಲಾ-ಕಾಲೇಜು ಆರಂಭಿಸಬೇಕು ಎಂದು ಕರ್ನಾಟಕ ರಕ್ಷಣಾ ವೇದಿಕೆ (ಕನ್ನಡಿಗರ ಬಣ) ದ ಜಿಲ್ಲಾಧ್ಯಕ್ಷರಾದ ಆನಂದ ತೆಗನೂರ ಸರಕಾರಕ್ಕೆ ಅವರು ಮನವಿ ಮಾಡಿದರು.

ಈ ಕುರಿತು ಪ್ರಕಟಣೆ ನೀಡಿದ ಅವರು, ವಿದ್ಯಾಗಮ ಆರಂಭಿಸುವ ಬದಲಿಗೆ ಶಾಲಾ-ಕಾಲೇಜು ಆರಂಭಿಸುವುದೇ ಸೂಕ್ತವಾಗಿದೆ. ಯಾಕೆಂದರೆ ವಿದ್ಯಾಗಮ ಹಾಗೂ ಆನಲೈನ್ ಶಿಕ್ಷಣ ಕೆಲವೇ ವಿದ್ಯಾರ್ಥಿಗಳಿಗೆ ಸೀಮಿತವಾಗಿದ್ದು, ಬಹುತೇಕ ವಿದ್ಯಾರ್ಥಿಗಳು ಶಿಕ್ಷಣದಿಂದ ವಂಚಿತರಾಗುವ ಸಾಧ್ಯತೆಗಳಿವೆ. ಕೋವಿಡ್ ನಂತರ ಶೈಕ್ಷಣಿಕ ಸ್ಥಿತಿ ಹದಗೆಟ್ಟಿದ್ದು, ಸರಕಾರ ಶಾಲೆ ಆರಂಭಿಸುವ ವಿಚಾರವಾಗಿ ಹಲವು ಹಂತದಲ್ಲಿ ಚರ್ಚಿಸಿದಾಗ್ಯೂ ಒಮ್ಮತದ ತೀರ್ಮಾನ ಸಾಧ್ಯವಾಗಿಲ್ಲ. ಜನರ ಅಭಿಪ್ರಾಯವು ಜನೆವರಿ ಮೊದಲ ವಾರದಲ್ಲಿ ಶೈಕ್ಷಣಿಕ ಕಾರ್ಯ ಚಟುವಟಿಕೆಗಳು ಆರಂಭಗೊಳ್ಳಬೇಕಾಗಿದೆ ಎಂದು ಹೇಳಿದರು.

ಸರಕಾರ ಈ ಕೂಡಲೇ ವಿದ್ಯಾಗಮ ಬದಲಿಗೆ ಶಾಲಾ-ಕಾಲೇಜು ಆರಂಭಿಸಬೇಕು. ಆರಂಭಿಸಿದ ಬಳಿಕ ಏನಾದರೂ ಪರಿಣಾಮ ಕಂಡುಬಂದರೆ ಅದಕ್ಕೆ ಪರಿಹಾರ ಕಂಡುಕೊಂಡರಾಯ್ತು. ಕಾಲೇಜು ಶಿಕ್ಷಣ ಆರಂಭಿಸಿದ ಸಂದರ್ಭಗಳಲ್ಲಿ ಸಾಕಷ್ಟು ವಿರೋಧಗಳು ಕೇಳಿ ಬಂದವು. ಆಗ ಸರ್ಕಾರದ ದಿಟ್ಟ ಕ್ರಮದಿಂದ ಕಾಲೇಜು ಶಿಕ್ಷಣ ಆರಂಭಿಸಲಾಗಿದೆ. ಇದಾಗಿ ತಿಂಗಳಾಯಿತು, ವ್ಯತಿರಿಕ್ತ ಪರಿಣಾಮವಾಯಿತೇ ಎಂದು ಅವರು ಪ್ರಶ್ನಿಸಿದರು ?