ಅಂಬೇಡ್ಕರ್ ಪುತ್ಥಳಿ ತೆರವಿಗೆ ಪೊಲೀಸರ ಹುನ್ನಾರ: ದಸಂಸ ಆಕ್ಷೇಪ: ಎಸ್.ಪಿ.ಗೆ ದೂರು

ಯಾದಗಿರಿ: ಜಿಲ್ಲೆಯ ವಡಗೇರಾ ಪಟ್ಟಣದ ಹಳೆ ಪೊಲೀಸ್ ಠಾಣೆ ಹಿಂಭಾಗದಲ್ಲಿ ಡಾ|| ಬಿ.ಆರ್. ಅಂಬೇಡ್ಕರ್ ಪುತ್ಥಳಿ ನಿರ್ಮಿಸಲಾಗಿದ್ದು ಇದನ್ನು ಪೊಲೀಸರು ತೆರವುಗೊಳಿಸಲು ಹುನ್ನಾರ ನಡೆಸುತ್ತಿದ್ದಾರೆ ಎಂದು ಆರೋಪಿಸಿ ದಲಿತ ಸಂಘಟನೆಗಳು ಪ್ರತಿಭಟನೆ ನಡೆಸಿ ಮನವಿ ಸಲ್ಲಿಸಿದವು.

ನಗರದ ಜಿಲ್ಲಾಧಿಕಾರಿಗಳ ಕಚೇರಿ ಎದುರಿಗೆ ಜಮಾಯಿಸಿದ ಅಂಬೇಡ್ಕರ್ ಸ್ವಾಭಿಮಾನಿ ಸೇನೆ ಹಾಗೂ ದಲಿತ ಸಂಘರ್ಷ ಸಮಿತಿ ಜಿಲ್ಲಾ ಘಟಕದ ಕಾರ್ಯಕರ್ತರು ಡಿಸಿ ಗೆ ಮನವಿ ಸಲ್ಲಿಸಿದರು.
ಗ್ರಾಮದಲ್ಲಿ ಜನರ ಒಪ್ಪಿಗೆ ಪಡೆದು ಅಂಬೇಡ್ಕರ್ ನಾಮಫಲಕ ಅಳವಡಿಸಲಾಗಿದೆ ಆದರೆ ಕೆಲವು ಪಟ್ಟ ಭದ್ರ ಹಿತಾಸಕ್ತಿಗಳು ವಿನಾಕಾರಣ ಇದು ಪೊಲೀಸ್ ಠಾಣೆ ಜಾಗೆ ಎಂದು ತಕರಾರು ಎತ್ತಿದ್ದು ಫಲಕ ತೆರವು ಮಾಡಲು ಪೊಲೀಸರಿಗೆ ಕುಮ್ಮಕ್ಕು ನೀಡಿದ್ದಾರೆ ಇದರಿಂದಾಗಿ ಪೊಲೀಸರು ಅಂಬೇಡ್ಕರ್ ಫಲಕ ತೆರವು ಮಾಡುವಂತೆ ಒತ್ತಡ ಹೇರುತ್ತಿದ್ದಾರೆ ಎಂದು ಆರೋಪಿಸಿದರು.

ಸಂವಿಧಾನ ಶಿಲ್ಪಿಗೆ ಗೌರವ ಕೊಡುವ ಕೆಲಸ ಮಾಡಬೇಕು ಎಂದು ಅವರು ಆಗ್ರಹಿಸಿದರು. ಅಂಬೇಡ್ಕರ್ ಸ್ವಾಭಿಮಾನಿ ಸೇನೆ ಜಿಲ್ಲಾದ್ಯಕ್ಷ ಕಾಶಿನಾಥ ನಾಟೇಕರ್,ದಸಂಸ ಜಿಲ್ಲಾ ಸಂಚಾಲಕ ಶಿವಪುತ್ರ ಜವಳಿ ಮನವಿ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಬಂದಪ್ಪ ಕಟ್ಟಿಮನಿ, ದೇವಪ್ಪ ರಾಖಾ, ಸಂತೋಷ ಪೂಜಾರಿ, ಗುರುನಾಥ ನಾಟೇಕರ್, ರಘುಪತಿ, ಅಯ್ಯಪ್ಪ, ಹಂಪಯ್ಯ ಶೇಂಗಿನೋರ್, ಸಾಬಣ್ಣ ಕಟಗಿ ಶಹಾಪೂರ ದಸಂಸ ಮುಖಂಡರಾದ ಚಂದಪ್ಪ ಮುನಿಯಪ್ಪನೋರ್, ತಿಪ್ಪಣ್ಣ ಲಂಡನಕರ್, ಶಿವಲಿಂಗ ಹಸನಾಪುರ, ಶಿವಶರಣ, ಬಾಲರಾಜ ಖಾನಾಪೂರ ಇನ್ನಿತರರು ಇದ್ದರು.