ಧರಣಿ ಸತ್ಯಾಗ್ರಹದಲ್ಲಿ ರೈತ ಹೋರಾಟಗಾರ ಕಾಂ. ಕಲ್ಲಪ್ಪ ಚಿಲಿಯವರಿಗೆ ಶ್ರದ್ದಾಂಜಲಿ

ಕಲಬುರಗಿ: ಕರ್ನಾಟಕ ಪ್ರಾಂತ ರೈತ ಸಂಘ ಜಿಲ್ಲಾ ಸಮಿತಿ ವತಿಯಿಂದ ಜಿಲ್ಲಾ ಅಧಿಕಾರಿ ಕಚೇರಿ ಎದುರು ನಡೆಯುತ್ತಿರುವ ರೈತ ಸಂಘದ ಧರಣಿ ಸತ್ಯಾಗ್ರಹದಲ್ಲಿ ರೈತ ಹೋರಾಟಗಾರ ಕಾಂ ಕಲ್ಲಪ್ಪ ಚಿಲಿಯವರಿಗೆ ಗೌರವ ಶ್ರದ್ದಾಂಜಲಿ ಸಭೆ ಜರುಗಿತು.

ಸಭೆಯಲ್ಲಿ ಹೋರಾಟಗಾರರಾದ ಸುನೀಲ ಮಾನಪಡೆ ಮತನಾಡಿ, ರೈತ ಸಂಘದ ಮುಖಂಡರು ಹಾಗೂ ಕಲ್ಲಪ್ಪ ಚಿಲಿಯವರು ಒಡನಾಡಿ ಸುಧಾಮ ದನ್ನಿಯವರು ಮಾತನಾಡುತ್ತಾ ಕಲ್ಲಪ್ಪ ಚಿಲಿಯವರು ನಾಲ್ಕು ಬಾರಿ ಗ್ರಾಮ ಪಂಚಾಯತ್ ಅಧ್ಯಕ್ಷರಾಗಿದ್ದರು ಒಂದು ಬಾರಿ ತಾಲೂಕಾ ಪಂಚಾಯತ್ ಸದಸ್ಯರಾಗಿ ಆಯ್ಕೆ ಆಗಿದ್ದರು ೧೯೮೭ ರಿಂದ ಸಿಪಿಐಎಂ ಪಕ್ಷದ ಅಂಬಲಗಾ ಗ್ರಾಮ ಶಾಖೆಯ ಕಾರ್ಯದರ್ಶಿ ಹಾಗೂ ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾ ಮುಖಂಡರಾಗಿದ್ದ ಕಲ್ಲಪ್ಪ ಚಿಲಿಯವರು ಹಲವಾರು ರೈತರ ಹೋರಾಟಗಳ ನಾಯಕತ್ವ ವಹಿಸಿದ್ದರು.

ಅಗಲಿಕೆಯಿಂದ ದುಡಿಯುವ ವರ್ಗದ ಚಳುವಳಿಗೆ ವಿಶೇಷವಾಗಿ ಕಲಬುರಗಿ ಗ್ರಾಮೀಣ ಮತ ಕ್ಷೇತ್ರದ ಜನರಿಗೆ ದೊಡ್ಡ ನಷ್ಟವಾಗಿದೆ ದಿವಂಗತ ಮಾರುತಿ ಮಾನಪಡೆವರ ಒಡನಾಡಿಯಾಗಿದ್ದ ಇವರು ಬೆಣ್ಣೆತೋರಾ , ಗಂಡೋರಿ ನಾಲಾ ನೀರಾವರಿ ಯೋಜನೆ ಜಾರಿಗೆ ನಡೆದ ಹೋರಾಟದ ಮುಂಚೂಣಿ ನಾಯಕರಾಗಿದ್ದರು ಕಲ್ಲಪ್ಪ ಚಿಲಿಯವರು ಜನರಿಗೆ ಮತ್ತು ಪಕ್ಷದ ಕಾರ್ಯಕರ್ತರು ತುಂಬಾ ಪ್ರೀತಿಯಿಂದ ” ಮಮ್ಮಾ” ಎಂದು ಕರೆಯುತ್ತಿದ್ದರು ಎಂದು ಸಿಪಿಐಎಂ ಪಕ್ಷದ ಜಿಲ್ಲಾ ಕಾರ್ಯದರ್ಶಿಯಾದ ಶರಣಬಸಪ್ಪ ಮಮಶೇಟ್ಟಿ ಪ್ರಕಟಣೆಯಲ್ಲಿ ತಿಳಿಸಿದರು.

ಗ್ರಾಮೀಣ ಪ್ರದೇಶದ ಜನರ ರಸ್ತೆ ,ನೀರು, ಮನೆ ನಿವೇಶನ, ರೇಷನ್ ವ್ಯವಸ್ಥೆಗಾಗಿ ಹಲವಾರು ಯಶಸ್ವಿ ಹೋರಾಟ ನಡೆಸಿದ್ದಾರೆ ಕಳೆದ ಕೆಲವು ದಿನಗಳಿಂದ ಆರೋಗ್ಯ ಸಮಸ್ಯೆ ಇದ್ದರು ಜನರನ್ನು ಕಷ್ಟಾ ಅಂತ ಬಂದರೆ ಸಾಕು ಮೈಕೋಡವಿ ಎದ್ದು ನಡೆದು ಬಿಡುತ್ತಿದ್ದರು ದಣಿವರಿಯದ ಜೀವಿ , ಪಕ್ಷದ ಕಾರ್ಯಕರ್ತರು ಉಪವಾಸ , ವನವಾಸ ಇರುತ್ತಾರೆ ಅಂತ ಹೇಳಿ ಊರಿಂದ ಕಲಬುರಗಿ ಬರಬೇಕಾದರೆ ರೊಟ್ಟಿ ಪಲ್ಲ್ಯಾ ಸೇಂಗಾ ಹಿಂಡಿ ಕಟ್ಟಕೊಂಡು ಬರೋರು ಇವರ ಅಗಳಿಕೆಯಿಂದ ಕಲಬುರಗಿ ಗ್ರಾಮೀಣ ಪ್ರದೇಶ ಚಳುವಳಿಗೆ ತುಂಬಲಾರದ ನಷ್ಟವಾಗಿದೆ ಎಂದು ದುಃಖ ವ್ಯಕ್ತಪಡಿಸಿದರು.

ಶ್ರದ್ಧಾಂಜಲಿ ಸಭೆಯಲ್ಲಿ, ಸಿದ್ದಲಿಂಗ ಪಾಳ, ಸುಭಾಷ್ ಹೊಸಮನಿ, ಸಿದ್ದರಾಮ ಹರವಾಳ, ಮಲ್ಲಿನಾಥ್ ಪಾಟೀಲ, ಕಾಶಿನಾಥ್ ಬಂಡಿ, ದಿಲೀಪ ನಾಗೂರ, ಶಾಂತಪ್ಪ ಪಾಟೀಲ, ಮಲಕಪ್ಪ ಹರನೂರ ಉಪಸ್ಥಿತರಿದ್ದರು.