ರಾಮ ಮಂದಿರ ನಿರ್ಮಾಣದ ನಿಧಿ ಸಮರ್ಪಣಾ ಅಭಿಯಾನ ಯಶಸ್ವಿ ಗೋಳಿಸಲು: ಅಷ್ಠಗಿ ಮನವಿ

ಕಲಬುರಗಿ: ರಾಮ ಜನ್ಮ ಭೂಮಿ ಅಯೋಧ್ಯೆಯಲ್ಲಿ ನಿರ್ಮಿಸುತ್ತಿರುವ ಭವ್ಯ ಶ್ರೀ ರಾಮ ಮಂದಿರ ನಿರ್ಮಾಣದ ಕಾರ್ಯಕ್ಕೆ ಜನವರಿ 15 ರಿಂದ ಫೆಬ್ರವರಿ 5ನೇ ತಾರಿಖಿನವರೆಗೆ ನಿಧಿ ಸಮರ್ಪಣಾ ಅಭಿಯಾನ ನಡೆಯಲಿದ್ದು, ಸಾರ್ವಜನಿಕರು ಈ ಮಹತ್ವದ ಕಾರ್ಯಕ್ಕೆ ತಮ್ಮ ಕೈಲಾದ ಮಟ್ಟಿಗೆ ನಿಧಿ ಸಮರ್ಪಣೆ ಮಾಡಿ ಈ ಅಭಿಮಾನವನ್ನು ಯಶಸ್ವಿ ಗೋಳಿಸಲು ಬಿಜೆಪಿ ಮುಖಂಡ ಹಾಗೂ ಕಲಬುರಗಿ ಜಿಲ್ಲಾ ಪಂಚಾಯತ್ ಮಾಜಿ ಅಧ್ಯಕ್ಷರಾದ ಅಂಬಾರಾಯ ಅಷ್ಠಗಿ ಮನವಿ ಮಾಡಿದ್ದಾರೆ.

ಶ್ರೀ ರಾಮ ಜನ್ಮ ಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಹಾಗೂ ವಿಶ್ವ ಹಿಂದೂ ಪರಿಷತ್ ಆರಂಭಿಸಿರುವ ಈ ಮಹತ್ವಪೂರ್ಣ ಕಾರ್ಯದಲ್ಲಿ ದೇಶದ 130 ಕೋಟಿ ಜನರ ಪಾಲುದಾರಿಕೆಯು ಇರಲೇಂದು ಪ್ರಧಾನಿ ನರೇಂದ್ರ ಮೋದಿ ಯವರ ಸಂಕಲ್ಪವಿದ್ದು , ಶ್ರೀ ರಾಮಮಂದಿರ  ನಿರ್ಮಾಣದಲ್ಲಿ ‘ಅಳಿಲು’ ಸೇವೆ  ಸಲ್ಲಿಸಿದ ರೀತಿಯಲ್ಲಿ ಈ ಕಾರ್ಯಕ್ಕೆ ,ಎಲ್ಲರೂ ಕೈ ಜೋಡಿಸಿ ಅಭಿಯಾನ  ಯಶಸ್ವಿಗೋಳಿಸಬೇಕೆಂದು ಅಂಬಾರಾಯ ಅಷ್ಠಗಿ ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ