ಸಂಘ ಸಂಸ್ಥೆಗಳಿಗೆ ಸರಕಾರ ನೆರವು ನೀಡಲಿ:ಅಲ್ಲಮಪ್ರಭು ಪಾಟೀಲ್‌

ಕಲಬುರಗಿ: ಸಮಾಜಮುಖಿಯಾಗಿ ಕೆಲಸ ಮಾಡುತ್ತಿರುವ ಸಂಘ ಸಂಸ್ಥೆಗಳಿಗೆ ಸರಕಾರ ನೆರವು ನೀಡಲು ಮುಂದಾಗಬೇಕು ಎಂದು ಮಾಜಿ ವಿಧಾನ ಪರಿಷತ್‌ ಸದಸ್ಯ ಅಲ್ಲಮಪ್ರಭು ಪಾಟೀಲ್‌ ಅವರು ತಿಳಿಸಿದರು.

ನಗರದ ಮಿಸ್ಬಾ ಬಡಾವಣೆಯಲ್ಲಿ ನೆಹರು ಯುವ ಕೇಂದ್ರ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಅವರು ಇಂದಿನ ಯುವ ಜನತೆ ಸಂಘ ಸಂಸ್ಥೆಗಳ ಅಡಿಪಾಯದಲ್ಲಿ ಅನೇಕ ಆದರ್ಶ ಕೆಲಸಗಳನ್ನು ಮಾಡುತ್ತಿದ್ದಾರೆ.ಅಂಥವರನ್ನು ಗುರುತಿಸಿ ಪ್ರೋತ್ಸಾಹಿಸುವ ಕೆಲಸ ಆಗುತ್ತಿಲ್ಲ ಎಂದು ವಿಷಾದಿಸಿದರು.ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಹಿರಿಯ ಹೋರಾಗಾರ ಲಕ್ಷ ಟೌ ದಸ್ತಿ ಮಾತನಾಡಿ ಇಂದು ಅನೇಕ ಸಂಘ-ಸಂಸ್ಥೆಗಳು ನಿಸ್ವಾರ್ಥ ಭಾವನೆಯಿಂದ ಸಮಾಜದ ಒಳಿತಿಗಾಗಿ ಕೆಲಸ ಮಾಡುತ್ತಿವೆ. ತರಬೇತಿಗಳು,ಕರಕುಶಲ ತಯ್ಯಾರಿಸುವುದು ಸೇರಿದಂತೆ ಹಲವು ಯೋಜನೆಗಳನ್ನು ಹಮ್ಮಿಕೊಂಡು ಬಡವರಿಗೆ ಉದ್ಯೋಗ ನೀಡುತ್ತಿರುವುದುಶ್ಲಾಘನೀಯ ಎಂದರು.

ಇನ್ನೋಬ್ಬ ಅತಿಥಿಗಳಾಗಿ ಆಗಮಿಸಿದ್ದ ಕನ್ನಡ ಭೂಮಿ ಜಾಗೃತಿ ಸಮಿತಿ ಸಂಸ್ಥಾಪಕ ಅಧ್ಯಕ್ಷ ಲಿಂಗರಾಜ ಸಿರಗಾಪೂರ ಸಂಘ ಸಂಸ್ಥೆಗಳನ್ನು ಸರಕಾರ ನಿರ್ಲಕ್ಷೀಸುತ್ತಿರುವುದು ಸರಿಯಲ್ಲ.ಅನುದಾನ ನೀಡುವ ಮೂಲಕ ಸಂಘ ಸಂಸ್ಥೆಗಳನ್ನು ಬೆಳೆಸುವ ಕೆಲಸ ಮಾಡಬೇಕು ಎಂದರು.

ಸಾಜೀದ ಅಲಿ ರಂಜೋಳ್ಚ್ವಿ ಇದೇ ಸಂದರ್ಭದಲ್ಲಿ ಮಾತನಾಡಿ ಸಂಘ-ಸಂಸ್ಥೆ. ಗಳ ಕೆಲಸಕ್ಕೆ ಎಲ್ಲರೂ ಕೈಜೋಡಿಸಬೇಕು ಎಂದು ಕರೆ ನೀಡಿದರು.ಬಾಬಾ ಫಕ್ರುದ್ದೀನ್‌,ಮೋದಿನ್‌ ಪಟೇಲ್‌, ಶ್ರೀಮತಿ ಶಫಿಯಾ ಬೇಗಂ, ಹೈದರ್‌ ಇತರರು ಇದ್ದರು.