ಮರತೂರ ಗ್ರಾಮ ಪಂಚಾಯತ ಅಧ್ಯಕ್ಷರಾಗಿ ಗುರುನಾಥ ಬಸಣ್ಣ, ಉಪಾಧ್ಯಕ್ಷರಾಗಿ ಸುಜಾತಾ ನಾಗಯ್ಯ ಅವಿರೋಧ ಆಯ್ಕೆ

ಶಹಾಬಾದ:ತಾಲೂಕಿನ ಮರತೂರ ಗ್ರಾಮ ಪಂಚಾಯತ ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಸ್ಥಾನಕ್ಕೆ ಶುಕ್ರವಾರ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದ ಗುರುನಾಥ ಬಸಣ್ಣ ಮತ್ತು ಉಪಾಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದ ಸುಜಾತಾ ನಾಗಯ್ಯ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ತಲಾ ಒಬ್ಬರೇ ನಾಮಪತ್ರ ಸಲ್ಲಿಸಿದ ಕಾರಣ ಅವರು ಅವಿರೋಧವಾಗಿ ಆಯ್ಕೆಯಾದರೆಂದು ಚುನಾವಣಾಧಿಕಾರಿ ಲಕ್ಷಣ ಶೃಂಗೇರಿ ಘೋಷಣೆ ಮಾಡಿದರು.

ಈ ಸಂದರ್ಭದಲ್ಲಿ ಜಿಪಂ ವಿರೋಧ ಪಕ್ಷ ನಾಯಕ ಶಿವಾನಂದ ಪಾಟೀಲ ಮರತೂರ ಮಾತನಾಡಿ, ಗ್ರಾಪಂ ಚುನಾವಣೆಯಲ್ಲಿ ಜನರು ವಿಶ್ವಾಸವಿಟ್ಟು ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಗಳನ್ನು ಗೆಲ್ಲಿಸಿದ್ದಾರೆ. ಸ್ಪಷ್ಟ ಬಹುಮತ ಹೊಂದಿರುವುದರಿಂದ ಅವಿರೋಧ ಆಯ್ಕೆಯಾಗಿದೆ.ಜನರು  ನಂಬಿಕೆ ಇಟ್ಟು ತಮ್ಮನ್ನು ಗೆಲ್ಲಿಸಿದ್ದಾರೆ.ಆದ್ದರಿಂದ ಗ್ರಾಮದ ಸಮಗ್ರ ಅಭಿವೃದ್ಧಿಗೆ ತಮ್ಮ ಅವಧಿಯಲ್ಲಿ ಪ್ರಾಮಾಣಿಕವಾಗಿ ಕೆಲಸ ಮಾಡಬೇಕು. ಗ್ರಾಮಗಳಿಗೆ ಅಗತ್ಯವಿರುವ ಮೂಲಭೂತ ಸೌಲಭ್ಯಗಳಾದ ಕುಡಿಯುವ ನೀರು,ಬೀದಿ ದೀಪ, ಚರಂಡಿ ವ್ಯವಸ್ಥೆ ಮತ್ತಿತ್ತರ ಸೌಲಭ್ಯಗಳನ್ನು ಸಾರ್ವಜನಿಕರಿಗೆ ಒದಗಿಸಿಕೊಡಲು ಶಕ್ತಿ ಮೀರಿ ಶ್ರಮಿಸಬೇಕು.ಅಧಿಕಾರ ಯಾವತ್ತಿಗೂ ಶಾಶ್ವತವಲ್ಲ.ಆದರೆ ಅಧಿಕಾರದ ಸಮಯದಲ್ಲಿ ತಾವು ಮಾಡಿದ ಜನಪರ ಕೆಲಸಗಳು ಎಂದೆಂದಿಗೂ ಶಾಶ್ವತವಾಗಿರುತ್ತವೆ.ಜನರ ವಿಶ್ವಾಸವನ್ನು ಉಳಿಸಿಕೊಳ್ಳಲು ಗ್ರಾಮದ ಅಭಿವೃದ್ಧಿಯತ್ತ ಮುಂದಾಗಬೇಕೆಂದು ಸಲಹೆ ನೀಡಿದರು.

ಈ ಸಂದರ್ಭದಲ್ಲಿ ತಹಸೀಲ್ದಾರ ಸುರೇಶ ವರ್ಮಾ, ಅಜಿತ್ ಪಾಟೀಲ, ರವೀಂದ್ರ ನರೋಣಿ, ಶಾಮರಾಯ ಪಾಟೀಲ, ಸುರೇಶ್ ಮೆಂಗನ, ಸಿದ್ರಾಮಪ್ಪ ಪಾಟೀಲ, ಶಾಮ್ ನಾಟಿಕಾರ್, ಸಿದ್ದಲಿಂಗ ಪೂಜಾರಿ, ಶೋಕತ ಮುಲ್ಲಾ, ಶರಣಪ್ಪ ಪಟ್ಟೇದ್, ಹುಣಚಪ್ಪ ಮಸಗಲ್, ಮಲ್ಲಣ್ಣ ಅಣಕಲ್, ವಿನೋದ್ ಕುಮಾರ್, ಶಿವಾನಂದ ಮಕಾಷಿ, ಹಣಮಂತ ಸಾಹುಕಾರ್. ಪ್ರದೀಪ್, ಪರಶುರಾಮ ಜಾಧವ, ಗೌರಿಶಂಕರ್ ಪಾಟೀಲ, ಮಲ್ಲಿಕಾರ್ಜುನ ಹೊನ್ನೂರ್ ಸೇರಿದಂತೆ ಗ್ರಾಮ ಪಂಚಾಯತ ಸಿಬ್ಬಂದಿಗಳು, ಗ್ರಾವi ಪಂಚಾಯತ ಸದಸ್ಯರು ಇದ್ದರು.